விஜய் சேதுபதி எப்படி ‘கல்லா’ கட்டுகிறார்? : அவரே சொன்ன ‘மணி’ ரகசியம்!!!

எத்தனை படங்களில் கமிட்டாகி நடித்துக் கொண்டிருக்கிறீர்கள்? என்று கேட்டால் விஜய்சேதுபதியால உடனடியாக அந்த படங்களின் லிஸ்ட்டை சொல்ல முடியாது.

ஏனென்றால் அந்தளவுக்கு அவர் நடித்துக் கொண்டிருக்கும் படங்களின் லிஸ்ட் நீண்டு கொண்டே போகிறது. சொல்லப்போனால் எத்தனை படங்களில் கமிட்டாகியிருக்கிறோம் என்று விஜய் சேதுபதியே மறந்துவிடும் அளவுக்கு அவர் கையில் படங்கள் உள்ளன.

‘பண்ணையாரும் பத்மினியும்’, ‘ரம்மி’, ‘வசந்தகுமாரன்’, ‘சங்குதேவன்’, ‘புறம்போக்கு’, ‘இதற்குத்தானே ஆசைப்பட்டாய் பாலகுமாரா’, சீனுராமசாமி இயக்கும் படம் என்று தமிழ்சினிமாவில் இன்றைய தேதிக்கு அவர் தான் பிஸியான ஹீரோ.

இந்தப் படங்களில் நடித்து முடிக்க அவருக்கு எத்தனை வருஷங்கள் ஆகும் என்று அவராலேயே கணிக்க முடியவில்லை. ஆனாலும் அவர் புதிய படங்களை கமிட் செய்வதை மட்டும் நிறுத்தவில்லை. இப்போது அவர் லிஸ்ட்டில் புதிதாக ‘வன்மம்’ என்ற படமும் சேர்ந்துள்ளது.

நேமிசந்த் ஜெபக் தயாரிக்கும் இந்தப்படத்தை ஜெய்கிருஷ்ணா டைரக்ட் செய்கிறார். விஜய் சேதுபதியின் முதல் ஆக்‌ஷன் படம் இது என்பதால் இந்தப்படத்துக்கு அதிக முக்கியத்துவம் கொடுத்து வருகிறாராம் விஜய் சேதுபதி.



ஒன்றிரெண்டு படங்களை கையில் வைத்திருந்தாலே கால்ஷீட் சொதப்பும் ஹீரோக்கள் மத்தியில் விஜய் சேதுபதி மட்டும் அந்த குழப்பமே இல்லாமல் எல்லாப்படங்களுக்கும் தேதிகளை பிரித்து கொடுத்து நடித்து வருகிறார்.

அதெப்படி உங்களால் மட்டும் முடிகிறது? என்றுகேட்டால் :
அதற்கு இந்த மணி தான் காரணம் என்று தன் கழுத்தை காட்டுகிறார். ஆமாம் அந்த மணியை அணிந்த பிறகு எந்த பிரச்சனையும் இல்லாமல் பட வாய்ப்புகள் அவருக்கு குவிகிறதாம்.

தன் படங்கள் வரிசையாக ஹிட்டாவதற்கும், அந்த மணிக்கும் நெருங்கிய தொடர்பு இருப்பதாகவே நினைக்கும் விஜய் சேதுபதி எந்த சந்தர்ப்பத்திலும் அந்த மணியை மட்டும் கழுத்திலிருந்து கழற்ற மாட்டாராம்.

சவுண்ட் காமிரா ஆக்ஷன்

திறமையான நடிகர்! வெற்றி பெற வாழ்த்துகள்!

பந்தா இல்லாமல் இயற்கையாக நடித்தால் ரசிகர்கள் எப்போதும் ஆதரவு கொடுப்பார்கள்