‘பசுமை’ சென்னை - 20 லட்சம் பனை மரங்கள் நட இலக்கு..!

‘பசுமை’ சென்னை - 20 லட்சம் பனை மரங்கள் நட இலக்கு..!

‘‘சென்னை மாநகராட்சிப் பகுதிகளில் உள்ள வீடுகள், பொது இடங்களில் 20 லட்சம் பனை மர கன்றுகள் நட திட்டமிடப்பட்டுள்ளது‘‘ என்று மேயர் சைதை துரைசாமி தெரிவித்தார்.
மேலும்‘‘ சென்னையில் இந்தாண்டுக்குள் 5.5 சதவீதமாக உள்ள பசுமைப் போர்வையை 11 சதவீதம் என இரட்டிப்பாக்க இலக்கு நிர்ணயிக்கப்பட்டுள்ளது‘‘ என்றும் அவர் தெரிவித்தார்.

தமிழக முதல்வரின் பிறந்தநாளை முன்னிட்டு, சென்னையில் சுற்றுச்சூழலை மேம்படுத்துவது தொடர்பான சிறப்புத் தீர்மானம் மாநகராட்சி மன்றக் கூட்டத்தில் வியாழக்கிழமை நிறைவேற்றப்பட்டது.

சிறப்புத் தீர்மான விவரம்: தமிழக முதல்வரின் பிறந்தநாளை ஒவ்வொரு ஆண்டும் சுற்றுச்சூழல் விழிப்புணர்வு தினமாக கொண்டாட ஏற்கெனவே தீர்மானம் நிறைவேற்றப்பட்டுள்ளது. மேலும் ஒவ்வொரு ஆண்டும் முதல்வரின் பிறந்தநாளின் போது மரம், செடி நடும் பணிகள் தீர்மானிக்கப்பட்டது.

இதுகுறித்து ஆய்வுகள் நடத்தப்பட்டன. ஆய்வுகளின்படி, மாநகராட்சி எல்லைக்குள்பட்ட 318 கி.மீ. நீர்வழித்தடங்களின் இருகரைகளின் 639 கி.மீ. நீளத்துக்கும், குளம், குட்டை, ஏரி ஆகியவற்றின் கரைகளிலும் 6.5 லட்சம் பனை மரங்களை நட்டு சுற்றுப்புறச் சூழலை பாதுகாக்க நடவடிக்கை எடுக்கப்படும்.

பொது இடங்கள் தவிர பொதுமக்கள் வீடுகளிலும் பனை மரங்கள் வளர்க்கும் வகையில் 20 லட்சம் பனை கன்றுகள் நட திட்டமிடப்பட்டுள்ளது. முதற்கட்டமாக 6.5 லட்சம் பனை மரக் கன்றுகள் நடப்படும். இந்தப் பணியை தமிழ்நாடு மாநில பனை வெல்லம் மற்றும் தும்பு விற்பனை கூட்டுறவு இணையம் என்ற அமைப்பு மாநகராட்சியுடன் இணைந்து மேற்கொள்ளும்.

மேலும் ஒவ்வொரு வீட்டு உரிமையாளருக்கும் சிவப்பு சந்தனமரம் எனப்படும் செம்மரக் கன்றுகள் வழங்கப்படும். இதுபோன்று 6.5 லட்சம் மரக் கன்றுகள் வழங்கப்படும் வீடற்றவர்கள் பொது இடங்கள், சாலைகளில் மரக்கன்று நட்டு பராமரித்து, மரத்தின் பயனை பராமரித்தவரே பெறும் வகையில் விதிகள் வகுக்கப்படும். செம்மரக் கன்றுகள் வேண்டுவோர் மாநகராட்சியைத் தொடர்பு கொள்ளலாம்.

இதேபோல, சென்னை மாநகராட்சிப் பள்ளிகள், அரசுப் பள்ளிகள், தனியார் பள்ளிகள் ஆகியவற்றில் படிக்கும் மாணவர்களுக்கு சுற்றுச்சூழலை பாதுகாக்கும் வகையில், ஒரு பப்பாளிக் கன்று வீதம் 6.5 லட்சம் கன்றுகள் இலவசமாக வழங்கப்படும். மேலும் 6.5 லட்சம் நொச்சி செடிகள் இந்தாண்டுக்குள் நடப்படும். அடுத்தாண்டு கூடுதலாக 6.6 லட்சம் நொச்சி செடிகள் நடப்படும்.
அடுத்த 3 ஆண்டுகளுக்குள் சென்னையின் பசுமைப் போர்வை 25 சதவீதத்துக்கு மேல் என்ற இலக்கை அடைய நடவடிக்கை மேற்கொள்ளப்படும். இந்தப் பணிகளைத் தொடர்ந்து மேற்கொள்ள பணியாளர்கள், அலுவலர்கள் தேர்வு செய்யப்பட்டு பணிகள் விரைவில் தொடங்கப்படும் என்று அந்த தீர்மானத்தில் தெரிவிக்கப்பட்டுள்ளது.

நன்றி : பசுமை விகடன்

பனை மரங்களுக்கு மறு பிறவி என்று தான் நினைக்கிறன்

எனது தாத்தா செய்த தொழில் பனை மரம் ஏறுதல் ..ஆனால் இப்போது எனது ஊரில் யாருமே பனை மரம் ஏறுவதில்லை ..அவர்களுக்கு ஏறவும் தெரியாது ஆங்காங்கு ஒன்றோ இரண்டோ பனை மரங்கள் தான் இப்போது இங்கே உள்ளது

மேலும் அவர்கள் இப்போது நட்டால் எப்படியும் 20 வருடங்களுக்கு மேல் ஆகிவிடும் அது சுமார் 15 அடி வளர்வதற்கு

சொல்வதற்கு  மன்னிக்கனும், பனை மரம் வறட்சி பிரதேசத்தில் தானே நடுவா?   

நல்ல முயற்சி தான் வெற்றி பெற்றால் சந்தோஷம் சென்னையும் வறட்சி பிரதேசம் தானே அம்மா ?

krishnaamma wrote:சொல்வதற்கு  மன்னிக்கனும், பனை மரம் வறட்சி பிரதேசத்தில் தானே நடுவா?   

பனை மரம் பொதுவாக எங்கும் வளரக் கூடியது ..எந்த வித கோடை வெயிலையும் தாங்கக் கூடியது

பனைமரம் என்ன கிளை இலை என்று வளர்ந்து பசுமை பரப்பளவைக் அதிகப்படுத்தி குளுமையோ இல்லை மேகத்தை குளிர்வித்து மழை பெய்ய செய்யுமா என்ன?

இருக்கிற 10 அல்லது 12 மட்டைகள் அப்படி என்ன பசுமை, குளுமை கொடுக்கப்போகிறது .

அரசு திட்டம் நமக்கு திண்டாட்டம் தான்

பனை பொருட்கள் எடுக்கறாங்களோ இல்லையோ பனங்கள் இறக்கி டாஸ்மாக்ல விக்கிற பிளானா இருக்கும் - ஆனால் இன்னும் 10 வருஷத்துக்கு அப்புறம் வரும் ஆட்சிக்கு தான் பலன் தரும் மரம் வெச்சு ஒழுங்கா வளர்த்தா

ராஜு சரவணன் wrote:பனைமரம் என்ன கிளை இலை என்று வளர்ந்து பசுமை பரப்பளவைக் அதிகப்படுத்தி குளுமையோ இல்லை மேகத்தை குளிர்வித்து மழை பெய்ய செய்யுமா என்ன?

இருக்கிற 10 அல்லது 12 மட்டைகள் அப்படி என்ன பசுமை, குளுமை கொடுக்கப்போகிறது .

அரசு திட்டம் நமக்கு திண்டாட்டம் தான்

மிக அருமையான கட்டுரை விக்கிபீடியாவில் பனை மரங்களைப் பற்றி

படித்துப் பாருங்கள் ..அதை பற்றிய நன்மைகளை உணர முடியும்

https://ta.wikipedia.org/wiki/பனை

https://ta.wikipedia.org/wiki/%E0%AE%AA%E0%AE%A9%E0%AF%88

சென்னையில் பனைமரங்கள் நடுவதற்கு பதில் தென்னை , வேம்பு போன்ற மரங்களை நடலாமே.

பனைமரம் வரட்சியை தாங்கி வளரும் மரம் என்பதால் தமிழகத்தின் வறட்சி பிரதேசங்களாகிய தென்பகுதியில் உள்ள ஒருசில மாவட்டங்களில் நடலாம்.

தான் வைத்ததே சட்டம் நினைத்ததே நடக்கவேண்டும் என்று நினைப்பவரிடம் யார் சொல்வது....

ராஜா wrote:சென்னையில் பனைமரங்கள் நடுவதற்கு பதில் தென்னை , வேம்பு போன்ற மரங்களை நடலாமே.

பனைமரம் வரட்சியை தாங்கி வளரும் மரம் என்பதால் தமிழகத்தின் வறட்சி பிரதேசங்களாகிய தென்பகுதியில் உள்ள ஒருசில மாவட்டங்களில் நடலாம்.

தான் வைத்ததே சட்டம் நினைத்ததே நடக்கவேண்டும் என்று நினைப்பவரிடம் யார் சொல்வது....

தென்னை , வேம்பு ஆகிய மரங்கள் முளை விட்டு கொஞ்சம் வளர வேண்டுமானால் தண்ணீர் மிகவும் முக்கியம்

ஆனால் பனை மரக் கன்றை நட்டு விட்டு ஆடோ மாடோ சாப்பிடாமல் பார்த்தால் போதும் ..தண்ணீர் தேவை இல்லை