துன் வீ.தி. சம்பந்தனின் வேட்டி ஜிப்பா கலாசாரத்தை மாற்ற முயன்றார் துங்கு அப்துல் ரஹ்மான்

மலேசியா தமிழர்களின் பெருந்தலைவராக விளங்கியவர் துன் வீ.தி. சம்பந்தன். இவருடைய இயற்ப்பெயர் வீராசாமி திருஞான சம்பந்தன். 1919-ஆம் ஆண்டு செல்வமிகுந்த குடும்பத்தில் பிறந்தார். தமிழகத்தில் உள்ள அண்ணாமலைப் பல்கலைக்கழகத்தில் இலக்கியத் துறையில் இளநிலைப் பட்டம் பெற்றார். மலாயா சுதந்திரம் அடைவதற்கு, இந்திய பிரதிநிதியாக லண்டன் சென்று சுதந்திர பிரகடனத்தில் கையொப்பமிட்டு வந்த தலைவர்களில், துன் சம்பந்தனும் ஒருவர் ஆவார். அவருடைய வாழ்க்கைத் துணைவியார் தோ புவான் உமா சம்பந்தனிடம், அவரின் லண்டன் பயணத்தில் அவர் சில சுவையான அனுபவங்களை பகிர்ந்து கொண்டார்.

1955ஆம் ஆண்டு சுதந்திர பேச்சு வார்த்தை தொடங்கியது. அந்த ஆண்டில் மலேசிய இந்தியர் காங்கிரஸின் (ம.இ.கா) ஐந்தாவது தேசிய தலைவராக இருந்தார் துன் சம்பந்தன். சுதந்திரத்தின் அம்னோ, மலேசியா சீனர் சங்கம், மலேசியா இந்தியர் காங்கிரஸ் என மூன்று கட்சியின் பிரதிநிதிகளுடன் தலா 36 பிரதிநிதிகள் லண்டன் செல்ல முடிவு செய்யப்பட்டது. அச்சமயம் துங்கு அப்துல் ரஹ்மான, துன் டான் செங் லோக் மற்றும் துன் வீ.தி. சம்பந்தன் ஆகிய தலைவர்கள் அங்கு செல்ல தேர்ந்தெடுக்கப்பட்டனர்.

மலாய்க்காரர்களின் பிரதிநிதியாகச் சென்ற துங்கு அப்துல் ரஹ்மான் கெடா மாநில அரச உடையும், சீனர்களின் பிரதிநிதியாகச் சென்ற துன் டான் செங் லோக் சீனர்களின் பாரம்பரிய உடையும், நம் இந்தியர்களின் பிரதிநிதியாகச் சென்ற துன் சம்பந்தன் வேட்டி ஜீப்பா என கலாசார உடையும் அணிந்து சென்றனர்.

லண்டன் சென்றவுடன் மலாயா விடுதலைக்கான பேச்சு வார்த்தைகள் தொடங்கும் முன் துங்கு அப்துல் ரஹ்மானும் துன் டான் செங் லோக்கும் உடையை மாற்றி விட்டனர். ஆனால் துன் சம்பந்தன் வேட்டி ஜிப்பா என நம் கலாசார உடை அணிந்து சென்றார். இது அங்குள்ள பிரிட்டன் உயர் அதிகாரிகளுக்கு, ஆச்சரியத்தை ஏற்படுத்தியது. அதைக் கண்ட நம் நாட்டின் முத்ல் பிரதமர் துங்கு, வேட்டி ஜீப்பா கலாசாரத்தை எப்படியாவது மாற்ற வேண்டும் என்று முடிவு செய்தார்.

துன் சம்பந்தனிடம் அமைதியாகச் சொல்லி பார்த்தார். அவர் கேட்டதாக இல்லை. லண்டனில் உள்ள கடைத் தெருவில் ஆண்களுக்கான அணிகலன் விற்கும் கடைக்கு அழைத்துச் சென்றார். துங்குவில் அன்பான கட்டளையால் வேறு வழி இல்லாமல் புது உடைகளுக்கு துன் சம்பந்தன் சம்மதம் தெரிவித்தார், என்று சிரித்துக் கொண்டு கூறினார் தோ புவான்.

அந்த லண்டன் பேச்சு வார்த்தையில் வெள்ளைக்காரர்கள் 1959ஆம் ஆண்டு சுதந்திரம் என முதலில் கூறப்பட்டது. வெள்ளைக்காரர்கள் மூவினத்தையும் பிரிக்க பல வழியில் பேசினாலும் மூவினங்களும் ஒற்றுமையாக இருந்து கூட்டு முயற்சியினால் 31ஆம் திகதி ஆகஸ்டு மாதம் 1957 நம் நாட்டின் சுதந்திர தினம் என முடிவு செய்து மலாயா திரும்பினர். ஒப்பந்தம் செய்த 31 ஆகஸ்டு 1957 வாழ்நாளில் மறக்க முடியாத தினம், அந்த தினத்திற்கு கூட வேட்டி ஜிப்பாவுடன் துன் சம்பந்தன் மெட்டேக்கா சதுக்கத்திற்கு சென்றது இன்னும் ஞாபகத்தில் இருக்கிறது என்றார் தோ புவான்.

வணக்கம் மலேசியா