காதல் பிறந்து இருக்கிறது இனிப்பு எடுத்து கொள்ளுங்கள்

**மதுமிதா** · **மதுமிதா** Thu 29 Aug 2013 - 0:18

மழையில் நனைந்த குழந்தையினை
தன் முந்தானையால் துடைத்துவிடும்
ஒரு தாயை
மழையில் நனைந்த படியே
பார்த்துக்கொண்டிருக்கும்
ஒரு தாயில்லா சிறுவனைப் போல
கடற்கரையிலும் பூங்காக்கிலும்
இணை இணையாய் அமர்ந்திருக்கும்
காதலிகளை பார்த்தபடி
தன்னந்தனியே நிற்கிறது
ஏன் காதல் ....

***********************************************
என்னை
காதலோடு பார்க்கும்படி
காதல் உன்னிடம்
சொன்னதா?
இல்லை
என் இதயத்தில்
குடியிருக்கும் படி
நீ
காதலிடம் சொன்னாயா?
************************************************
ஒரு வைரம் உருவாக
பல நூற்றாண்டுகள் ஆகுமாமே,
நீ மட்டும் எப்படி
பத்தே மாதத்தில்.
***************************************************
நீ எனக்கில்லை என்றாலும்
என்னிடம் இருப்பதெல்லாம்
நீதான்

*****************************************************

நீ என்னை விட்டு
எவ்வளவு தொலைவில் இருக்கிறாயோ
அவ்வளவு தொலைவிற்கும்
காதல் என்னைச் சூழ்ந்திருக்கிறது

******************************************************

உன்னிடமிருந்து நான்
விடைபெறாமல்
வந்ததிற்கு காரணம்
கடைசி வரை
நீ என்னுடனே
இருக்க வேண்டும்
என்பதற்காக தான்

*****************************************************

நீ என் கண்ணுக்கும்
நான் உன் கண்ணுக்கும்
தெரியாத அளவுக்கு
இந்த உலகிலயே மிகமிக அகலமான
தண்டவாளங்கள் நாம்
என்றாலும்
எப்போதும் நாம் மீது
பயணித்துக் கொண்டே இருக்கிறது
காதல்

***********************************************************

இந்த உலகில்
எத்தனையோ
உலக அழகிகள்
இருக்கிறார்கள்.
ஆனால் நீயோ
ஓர் அழகான
உலகமாகவே இருக்கிறாய்
எனக்கு

**************************************************************

என் கவிதைகள்
நட்சத்திரங்கள் மாதிரிதான்
நிலவாக
நீ என்னருகில் இல்லாதததால்
கொஞ்சம் அதிகமாக
பிரகாசிக்கின்றன
அவ்வளவுதான்

***********************************************************

சொல்லாத காதல்
சொர்க்கத்தில் சேராது என்று
சொல்பவர்கள்
சொல்லிவிட்டு போகட்டும்
எனக்கு சொல்லாத காதலே
சொர்க்கம்தான்...
***********************************************************

நன்றி தபூ ஷங்கர் புன்னகை

**மதுமிதா** · **மதுமிதா** Thu 29 Aug 2013 - 0:36

உங்கள் வீட்டு முன்பிருக்கும்
சிமெண்ட் மேடையில்
மின்சாரம் போன இரவில் நீ
அமர்ந்திருப்பதை பார்க்கும் போதெல்லாம்
கோயிலுக்குள் இருக்கும் மீனாட்சி அம்மன்
காற்று வாங்குவதற்காக
வெளியே வந்து
கோபுரத்தின் மேல்
அமர்ந்திருப்பதை போலவே
தோன்றும் எனக்கு ...

*************************************

எனக்கெல்லாம்
காதல் வருமா என்று
நினைத்துகொண்டிருந்தேன்
" உனக்குத்தானடா வரவேண்டும்
என்பதைப்போல
நீ கொடுத்துவிட்டுப் போய்விட்டாய்
காதலை "..

**********************************

ஒரு முற்றுப்
புள்ளியையே
கவிதையாக்கிவிடும்
உன் நெற்றியே போற்றி...

***********************************

பாம்பாட்டி
பெட்டியைத் திறந்ததும்
படம் எடுக்கும் பாம்பு மாதிரி
என்னை பார்த்தும்
படம் எடுக்கும்
உன் பேரழகே போற்றி

***********************************

சின்ன மீன்களை
பெரிய மீன்கள் தின்றுவிடுவது மாதிரி
என் கண்களைத் தின்றுவிடும்
உன் கண்களே போற்றி

**********************************

நன்றி தபூஷங்கர் புன்னகை