எறும்புக்குப் பயந்த குலசேகரராழ்வார்

**சிவா** · **சிவா** Wed Aug 28, 2013 2:21 am

திருவங்கட மலையில் வாசம் செய்யும் வெங்கடேசப் பெருமாளுக்கு அனந்தாழ்வான் என்பவர் புஷ்ப கைங்கர்யம் செய்து வருபவர். ஆழ்வானுக்குத் திருவரங்கம் சென்று ஸ்ரீரங்கநாதரை தரிசனம் செய்ய வேண்டுமென்று எண்ணினார். கட்டு சாதத்துடன் திருவரங்கம் புறப்பட்டார்.

நடந்த களைப்பு. சிறிது நேரம் ஓய்வு எடுக்க ஒரு குளக்கரையிலே படுத்தார்.

பிறகு குளித்து விட்டு சாப்பாடு மூட்டையை அவிழ்த்தார். சாப்பாடு முழுவதும் எறும்புகள் சூழ்ந்திருந்தன. அதனை உண்ணாது பிரிக்க மூட்டையைக் கட்டி தலை மேல் வைத்துக் கொண்டு திருமலைக்கே வந்து விட்டார்.

திருமலையில் சாப்பாடு மூட்டையைப் பிரித்து வைத்துவிட்டு ஆழ்வான் வருவதைப் பார்த்தவர்கள், ஆழ்வாளே, என்ன காரியம் செய்தீர்கள் என்றனர். அதற்கு ஆழ்வான் சுவாமிகளே, திருவரங்கம் செல்லும் வழியில் பசியாறலாம் என்று உண்ண முற்பட்டேன் சாப்பாடு முழுவதும் எறும்புகள் சூழ்ந்திருந்தது.

குலசேகர ஆழ்வார் அவருடைய பிரார்த்தனைப் பாடல்களில்
திருமலையில் ஒரு மீனாய்ப் பறக்க வேண்டும்.
ஒரு கல்லாய் இருக்க வேண்டும். செடியாயிருக்க வேண்டும்;
படியாயிருந்து உன் பவள வாய்க் காண வேண்டும்.
எது இல்லாவிடினும், திருமலைமேல் ஏதாவது ஒரு பொருளாயிருக்க வேண்டுமெனப் பத்துப் பாடல்களில் பிரார்த்தனை செய்துள்ளார். அப்படியிருக்க, இந்த உணவை நான் சாப்பிட்டிருப்பேன் எனில் குலசேகரர் எந்த எறும்பாயிருப்பாரோ அதை நான் சாப்பிட்டுவிட்டு இருப்பேன். குலசேகரார்க்குத் திருமலை வாசம் போயே போயிருக்கும். அதனால்தான் சாப்பிடாமல் அப்படியே கொண்டு வந்து மலையில் வைத்துவிட்டு குலசேகர ஆழ்வாரின் எண்ணத்தைப் பூர்த்தி செய்துவிட்டேன் என்றார் அனந்தாழ்வார்.