அமைதியாகப் பரலோகத்துக்கு அனுப்பும் டயாபெடிஸ்

நீரழிவு ஒரு நல்ல நோய் என்று லண்டனைச் சேர்ந்த டாக்டர் லாரன்ஸ் துரை என்பவர் சொல்கிறார். நோய்-நோய் தானே இதில் நல்லதென்ன.,. கெட்டதென்ன? ஆனால் இந்த நோயைக் கவனிக்காமல் விட்டு விட்டால் அமைதியாகப் பரலோகத்திற்கு பர்ஸ்ட் கிளாஸ்-டிக்கட் வாங்கிக் கொடுத்து அனுப்பி விடும் எனவும் நீரழிவு நோய் மருத்துவ நிபுணர்கள் எச்சரிக்கின்றனர். இந்த நோயினால் வலி தெரியாது, வதை தெரியாது ஆனால் விளக்கெண்ணை தடவிய பலகையில் இருந்து நழுவுவது போல ஆரோக்கியத்தின் மலையிலிருந்து எமனின் மடிக்கு சத்தமில்லாமல் கொண்டு போய்ச் சேர்த்து விடும்;.

டி.பி.நோய் போல் கொஞ்சம் கொஞ்சமாகக் கழுத்தறுக்காது. குடல் புண்ணைப் போலத் துடி துடித்து விழச் செய்யாது. குஷ்ட நோயைப் போல எலும்பை அரிக்காது. எனவே தான் இதைச் சில மருத்துவர்கள் வேடிக்கையாகவும் கூறுவதுண்டு. அதாவது., இந்த நோய் தான் உபத்திரவம் அல்லது தொந்தரவு இல்லாமல் சாவதற்கு குறுக்கு வழி எனச் சொல்கிறார்கள் என்றால் சர்க்கரை நோயின் தன்மையைப் பற்றி இதற்கு மேல் சொல்ல என்ன இருக்கிறது? சாகிறேன்; எனச் சொல்லி உடன் படிக்கை செய்து கொண்டால் இது தான் சாது. இல்லாவிட்டால் இது மிகப் பெரிய பொல்லாததாகும். இன்னொரு விதத்தில் இந்த நோய் உண்மையிலேயே சாது தான். அன்னத்திற்கு ஆதி தாளம் போட்டு வயல் காட்டில் கஞ்சிக்கு சிங்கி அடிக்கும் கந்தனையோ, மூப்பனையயோ இந்த நோய் அணுகுவதே இல்லை. காரணம் அவன் அதிகம் தின்பதில்லை. உடலால் ஓய்வின்றி உழைத்துக் கொண்டே இருக்கிறான். பதிலாக, இது மோட்டார் மேலும், சோபா மேலும் தொந்தி வளர்த்து புளி மூட்டை வாழ்க்கை நடத்தும் பேர் வழியைத் தான் கெட்டியாகக் கவ்விக் கொள்கிறது. கரைக்கக் கரைக்க இமயமலைப் பனி போல வளரும் தொந்தியும், பணமும் இருக்கும் பேர் வழிகள் மீது தான் இந்த நோய்க்கு அலாதிப் பிரியம்.

அருமையான தகவல் நண்பரே ... நன்றி.. .

ஆமா ..நாம் இப்படியே சிஸ்டம் முன்னாடி உக்காந்தா ..நமக்கும் சீக்கிரம் இப்படி தொந்தியும் ..டபிடிக்ஸ் உம வர தான் போகிறது..யாருக்கு முதலில் வருகிறதென்று ..ஒரு ஆய்வு செய்யலாம்.. என்ன ரூபன் ரெடி ஆ ? யாருக்கு இங்கே முதல் இந்த பிரசனை வரும் ...