உலக வில்வித்தையில் தங்கம் வென்ற இந்திய பெண்கள் அணி தாயகம் திரும்பியது

போலந்தில் நடந்த உலக கோப்பை வில்வித்தை போட்டியில் தீபிகா குமாரி, பம்பைய்லா தேவி, ரிமில் புருலி ஆகியோர் கொண்ட இந்திய பெண்கள் அணியினர் ரீகர்வ் பிரிவின் இறுதி சுற்றில் 219-215 என்ற புள்ளி கணக்கில் உலக சாம்பியன் கொரியாவை சாய்த்து தங்கப்பதக்கத்தை வென்றனர்.

மகுடம் சூடிய இந்திய வில்வித்தை மங்கைகள் தாயகம் திரும்பினர். டெல்லி விமான நிலையத்தில் அவர்களை வரவேற்க இந்திய வில்வித்தை சங்கத்தை சேர்ந்த ஒருவரும் வராததால் அதிருப்திக்குள்ளானார்கள். இது பற்றி ரிமில் கூறுகையில், ‘வில்வித்தை சங்க நிர்வாகிகள் வராததால் நாங்கள் கொஞ்சம் ஏமாற்றத்திக்குள்ளானோம்.

மற்ற விளையாட்டில் இது போன்று சாதித்து இருந்தால், அவர்களை வரவேற்க விமான நிலையத்திற்கு ஏராளமானோர் குவிந்து இருப்பார்கள். நாங்கள் கொரியாவை தோற்கடித்தது அபாரமான சாதனை. எங்களுக்கு மிகப்பெரிய வரவேற்பு அளித்திருக்க வேண்டும். எது எப்படியோ, எங்களது பணி சிறப்பாக விளையாடுவது.

அதை தொடர்ந்து செய்வோம்’ என்றார். பிறகு டெல்லியில் உள்ள இந்திய வில்வித்தை சங்க தலைவர் வி.கே.மல்கோத்ராவின் இல்லத்தில் வில்வித்தை நாயகிகளுக்கும், பயிற்சியாளருக்கும் பாராட்டு விழா நடந்தது. இந்திய வில்வித்தை சங்க தலைவர் வி.கே.மல்கோத்ரா, இந்த வெற்றியின் மூலம் நாட்டிற்கு பெருமை சேர்த்துள்ளதாக அவர்களை வாழ்த்தினார்.

சாதனை வீராங்கனைகளுக்கு பரிசுத்தொகை வழங்குவது குறித்து நிர்வாகிகளுடன் ஆலோசித்து முடிவு செய்வோம் என்றும் அவர் கூறினார். இதற்கிடையே, இந்திய வில்வித்தை அணியின் கேப்டன் 19 வயதான தீபிகா குமாரி திடீரென அழுததால் சிறிது நேரம் பரபரப்பு ஏற்பட்டது. பாராட்டு விழாவின் போது, அவரிடம் பேட்டி காண டி.வி. நிருபர்கள் திரண்டனர்.

ஒவ்வொருவரும் தங்களுக்கு தனித்தனியாக பிரத்தேயகமான பேட்டி அளிக்க வேண்டும் என்று தீபிகாவை வற்புறுத்தினர். அதற்கு அவர், சொந்த ஊருக்கு நான் விமானத்தில் செல்ல வேண்டி உள்ளது. எனவே மொத்தமாக பேட்டி அளிக்கிறேன் என்று கூறினார்.

இதை ஏற்காத டி.வி. நிருபர்கள் அவரிடம் வாக்குவாதத்தில் ஈடுபட்டனர். ஊடகத்தின் நெருக்கடியால், மிரண்டு போன தீபிகா குமாரி கடைசியில் அழுதே விட்டார். அவரது கண்களில் கண்ணீர் எட்டிப்பார்த்தது. பிறகு அவரை சக வீராங்கனைகள் சமாதானப்படுத்தி தேற்றினர்.

இதைத் தொடர்ந்து தீபிகாகுமாரி கூறுகையில் ‘கொரியா அணியை தோற்கடிப்பது கடினம் என்பதை அறிவோம். அதுமட்டுமின்றி வானிலையும் சாதகமாக இல்லை. காற்று பலமாக வீசிக் கொண்டிருந்தது. 3 ரவுண்ட் முடிவில் ஆட்டம் சமநிலையில் தான் இருந்தது. அதன் பிறகு இறுதியில் அவர்களை வென்றோம்’ என்றார்.

-maalaimalar

விமான நிலையத்தில் தான் யாருமே வாழ்த்தலையாம் , நாமலாவது வாழ்த்து கூறுவோம் ...


வாழ்த்துக்கள் சகோதரிகளே  

தீபிகா குமாரி, பம்பைய்லா தேவி, ரிமில் புருலி ஆகிய மூவருக்கும் வாழ்த்துகள்

வாழ்த்துகள் வீராங்கனைகளுக்கு.

கொரிய வீரர்களைப் பார்த்து மிரளாது வெற்றி வாகை சூடியவர்களை
நம்ம நிருபர்கள் மிரள வைத்து அழ வெச்சுட்டாங்களே!!!!!!!!!!!!!

வாழ்த்துகள்!  

வாழ்துக்கள் வீராங்கனைகளே


இப்படி போனால் வேறு யாருக்கும் இந்த விளையாட்டுக்களில் ஆர்வம் தோன்றாதே