விமான நிலையத்தில் வரவேற்க ஆள் இல்லை ;தங்கம் வென்ற வீராங்கனைகள் இவர்கள்

by DERAR BABU Tue Aug 27, 2013 11:54 am

புதுடில்லி: போலந்து நாட்டில் நடந்த வில்வித்தை போட்டியில் தங்கம் வென்று இந்தியாவுக்கு பெருமை சேர்த்த வீராங்கனைகளை விமான நிலையத்தில் வரவேற்க ஆள் யாரும் இல்லாமல் போயினர். தங்கம் வென்ற இவர்களுக்கு அவமதிப்பு நடந்துள்ளதாக வில்வித்தை ஆர்வலர்கள் கவலைப்பட்டனர்.
கடந்த வாரத்தில் போலந்து ரோகிளவ் நகரில் உலக கோப்பை வில்வித்தை தொடரில் பெண்கள் பிரிவில் இந்திய வீராங்கனைகள் தீபிகா குமாரி, பாம்பைலாதேவி, ரிமிலி ஆகியோர் பங்கேற்றனர். இவர்கள் தென்கொரிய வீராங்கனைகளை 219 - 215 என்ற கணக்கில் வெற்றி பெற்றனர்.

வெற்றி பெற்ற வீராங்கனைகள் இன்று டில்லி திரும்பினர், இவர்களை வரவேற்க விளையாட்டு அமைப்பினர் யாரும் வரவில்லை. எவ்வித வரவேற்பும் இல்லை . ஆளோடு , ஆளாக வந்து சேர்ந்தனர். சம்பந்தப்பட்ட துறை சங்கத்தினரோ அல்லது மாநில அரசு தரப்பிலோ யாரும் வரவில்லை. இந்தியாவுக்காக தங்கம் வென்ற வீராங்கனைகள் புறக்கணிக்கப்படுவது வேதனை அளிக்கிறது என வீராங்கனைகளின் உறவினர்கள் தெரிவித்தனர்.

தினமலர்

by **ராஜா** Tue Aug 27, 2013 12:04 pm

கவலை அளிக்கிறது , இந்தியாவில் cricket தவிர மற்ற விளையாட்டுகளை யாரும் விளையாடாமல் நிறுத்திவிடலாம்

by பாலாஜி Tue Aug 27, 2013 12:06 pm

இந்திய வீராங்கனைகள் தீபிகா குமாரி, பாம்பைலாதேவி, ரிமிலி ஆகியோருக்கு அன்பு வாழ்த்துகள் மகிழ்ச்சி

by **ஜாஹீதாபானு** Tue Aug 27, 2013 12:31 pm

அவர்களுக்கு வேதனையான விஷயம் தான்

தீபிகா குமாரி, பாம்பைலாதேவி, ரிமிலி மேலும் பல பதக்கங்கள் பெற வாழ்த்துகள்

by **அருண்** Tue Aug 27, 2013 12:55 pm

நல்ல லட்சணத்தில் விளையாட்டு துறை உள்ளது. என்ன கொடுமை சார் இது

வீராங்கனைகளுக்கு வாழ்த்துகள்!

by **பார்த்திபன்** Wed Aug 28, 2013 11:15 am

இத்தகய புறக்கணிப்புகளைச் சாடும் பொருட்டுதான் எனது கவிதையொன்றில் கீழ்க்கண்டவாறு குறிப்பிட்டிருந்தேன்.

"மகுடங்கள் அனைத்தும்
மட்டைப்பந்திற்கே சென்றடைவதால்
தேடும் நிலையில் இன்று
நம் தேசிய விளையாட்டு!

கிரீடங்கள் அனைத்தும்
கிரிக்கெட்டுக்கே சூட்டப்படுவதால்
இன்று புராதனப் பட்டியலில் நம்
கிராமத்து விளையாட்டுகள்!

ஐ.பி.எல் எனும் புதுப்புயலில் சிக்கியதில்
கைப்பந்து முதலான விளையாட்டுகள்
இன்று கவலைக்கிடமான நிலையில்!

மணிக்கொருமுறை விளம்பரங்களில்
மட்டைப்பந்து வீரர்கள்!
மருந்திற்கும் கவனிப்பின்றி
மற்ற துறை வீரர்கள்! "