என் மாணவர்கள்

by thazeem Mon Aug 26, 2013 2:49 pm

என் மாணவர்கள்

அடிக்கடி இருமிக்கொள்ளும் இதயத்து நினைவுகளில்
என்றென்றும் நிலையாக வாழ்கின்ற என் சகோதரங்கள்
என்னை முன்னால் விட்டு பின்னால் ஏசினாலும்
ஏதோ ஒரு பாசப்பிணைப்பில் இணைந்தவர்கள் அவர்கள்

அடிக்கடி அடிவாங்கினாலும் அடிமனதில் தூற்றினாலும்
தூறல்களாய் கலந்திருக்கும் அன்பைப் பொழிபவர்கள்
வேட்கம் வரட்டுமென்று வாய்கிழியக் கத்தினாலும்
வேட்கமே வெட்கிப்போய் உங்கள் அன்பில் சொக்கிப்போய்விடும்

பருவ வயதுச் சேட்டைகள் அட்டைகளாய் உள்ளத்தை ஆர்ப்பரிக்க
அடிக்கடி புத்தி சொல்லி அமைதியாய் கழற்றிவிட எத்தனிப்பேன்
வாயார ஏசிவிட்டு நானும் மனதார அழுதிடுவேன் எனக்குள்ளே
அவ்வாறு உண்ணாமல் உறங்கிய இரவுகள் உண்டு ஏராளம்.

என்றென்றும் இருக்கட்டும் அவர்கள் என் இதயத்து மூலையிலே
முளைவிட்ட மூளை நரம்புகளில் முக்காடிட்டும் இருக்கட்டும் அவர்கள்
அவர்கள் வாழ்க்கை வளமாக அவர்கள் கற்ற கல்வி செழிப்பாக
இறைவனை இறைஞ்சும் போதெல்லாம் நான் அவர்களையும் சேர்ப்பதுண்டு

by **ஜாஹீதாபானு** Mon Aug 26, 2013 3:13 pm

நீங்க டீச்சரா?

கவிதை அருமை

by thazeem Mon Aug 26, 2013 3:34 pm

நான் சுமார் 10 வருடங்களாக கற்பித்துவிட்டு தற்போது கட்டாரில் வேலை நிமிர்த்தம் இருக்கிறேன். ஏதோ கல்வியை விற்கக் கூடாது என்ற பிடிவாதத்தினால் 10 வருடங்கள் ஏழை மாணவர்களுக்கு 10 மற்றும் 11ம் வகுப்புக்களுக்கு கணிதம் கற்பித்தேன். தற்போது வறுமைக்கு பாடம் கற்பிக்க வளைகுடாவில் இருக்கிறேன்.