மனிதா அட மனிதா

**பார்த்திபன்** · 24/07/2011

மனிதா அட மனிதா
உன் மகிமை மீட்டெடடா!
மனதில் ஏன் மமதை?
மலர்ச் செடியை அதில் நடடா!

அன்பென்ற உரமள்ளி
அடிநெஞ்சில் இடடா!
சூழ்ச்சி, காழ்ப்புணர்ச்சி
உனை சூழாது களையெடடா!

அறிவியலும் அதிசயிக்கும் உன்
ஆற்றல்தான் அடடா!
இவையாவும் இருந்தும் உன்
இதயத்தில் இருட்டா?

வீண் சண்டை, விதர்ப்பங்கள்
விலகட்டும் விடடா!
விட்டுப்போன நட்புக்கெல்லாம்
விண்ணப்பங்கள் கொடடா!

சூழும் தீய எண்ணங்களைச்
சூரியனாய்ச் சுடடா!
விலகிப் போன பந்தங்களை
விரல்நீட்டித் தொடடா!

பாசமெனும் சிறகு கொண்டு
பாரெங்கும் பறடா!
மனிதமெனும் புனிதம் தவிர
மற்றதெல்லாம் மறடா!

பிரிவினைகள் பிய்த்தெறிந்து
புதிதாய் நீ பிறடா!
அகம்பாவம் அனைத்தும் விலக்கி
அறிவுக் கண்ணைத் திறடா!

வேற்றுமையை வேரறுத்து
வேகமாய் நீ எழடா!
கடவுளுக்கு ஈடான
கருணையை நீ தொழடா!

அன்பு என்ற ஆயுதத்தை
அவசரமாய் எடடா!
எய்த பின்பு மறவாமல்
எதிரிக்கும் அதைக் கொடடா!

- நிலவை.பார்த்திபன்

thazeem · thazeem Mon 26 Aug 2013 - 16:01

அருமையான வரிகள் தோழரே!

எனக்கு ரொம்ப பிடித்த வரி இது
"அறிவியலும் அதிசயிக்கும் உன்
ஆற்றல்தான் அடடா!
இவையாவும் இருந்தும் உன்
இதயத்தில் இருட்டா?
"

இந்த பதிவைத் துவங்கியவர் நன்றி கூறியுள்ளார் thazeem

**ஜாஹீதாபானு** · **ஜாஹீதாபானு** Mon 26 Aug 2013 - 16:30

அடடா கவிதை ரொம்ப அருமை

**Muthumohamed** · **Muthumohamed** Mon 26 Aug 2013 - 17:33

நல்ல கவிதை பகிர்வு குறிப்பாக

அன்பு என்ற ஆயுதத்தை
அவசரமாய் எடடா!
எய்த பின்பு மறவாமல்
எதிரிக்கும் அதைக் கொடடா! இந்த வரிகள் என்னை மிகவும் கவர்ந்தது

**பார்த்திபன்** · 24/07/2011

thazeem wrote:அருமையான வரிகள் தோழரே!

எனக்கு ரொம்ப பிடித்த வரி இது
"அறிவியலும் அதிசயிக்கும் உன்
ஆற்றல்தான் அடடா!
இவையாவும் இருந்தும் உன்
இதயத்தில் இருட்டா?
"

தோழருக்கு என் நன்றிகள்.

**பார்த்திபன்** · 24/07/2011

ஜாஹீதாபானு wrote:அடடா கவிதை ரொம்ப அருமை

ரொம்ப நன்றிங்க!

**பார்த்திபன்** · 24/07/2011

Muthumohamed wrote:நல்ல கவிதை பகிர்வு குறிப்பாக

அன்பு என்ற ஆயுதத்தை
அவசரமாய் எடடா!
எய்த பின்பு மறவாமல்
எதிரிக்கும் அதைக் கொடடா! இந்த வரிகள் என்னை மிகவும் கவர்ந்தது

மிக மிக நன்றி முத்து

யினியவன் · யினியவன் Tue 27 Aug 2013 - 12:18

ஈவு இறக்கம் மனித நேயம் இழந்து
அகம்பாவம் ஆணவம் கொண்டு அலையும்
எங்களுக்கு போதையும் உடன் சேர நற்குணங்களை
மறந்தே தான் போனோம் என்பதே தெரியாமல் திரிக்கிறோமே!!!

என்ன செய்வது பார்த்திபன்???

**பார்த்திபன்** · 24/07/2011

யினியவன் wrote:

ஈவு இறக்கம் மனித நேயம் இழந்து
அகம்பாவம் ஆணவம் கொண்டு அலையும்
எங்களுக்கு போதையும் உடன் சேர நற்குணங்களை
மறந்தே தான் போனோம் என்பதே தெரியாமல் திரிக்கிறோமே!!!

என்ன செய்வது பார்த்திபன்???

ஐய்யய்யோ யினியவன்! பொதுவாத்தான் சொன்னேன். தவறாக எண்ண வேண்டாம்.

யினியவன் · யினியவன் Tue 27 Aug 2013 - 12:53

பார்த்திபன் wrote: ஐய்யய்யோ யினியவன்! பொதுவாத்தான் சொன்னேன். தவறாக என்ன வேண்டாம்.

என்ன கவிஞரே நானும் மனிதர்களை பொதுவாத்தான் சொன்னேன் - என்னை மட்டும் சொல்லவில்லை புன்னகை

Sponsored content · Sponsored content

மனிதா அட மனிதா

மனிதா அட மனிதா

Re: மனிதா அட மனிதா

Re: மனிதா அட மனிதா

Re: மனிதா அட மனிதா

Re: மனிதா அட மனிதா

Re: மனிதா அட மனிதா

Re: மனிதா அட மனிதா

Re: மனிதா அட மனிதா

Re: மனிதா அட மனிதா

Re: மனிதா அட மனிதா

Re: மனிதா அட மனிதா

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக