‘காந்திஜியை’ ‘காந்தியடிகள்’ என்று எழுதியவர் திரு.வி.க!

by **சாமி** Mon Aug 26, 2013 9:15 am

> தேசப்பிதா ‘காந்திஜியை’ ‘காந்தியடிகள்’ என்று குறிப்பிட்டு பத்திரிகைகளில் எழுதியவர் திரு.வி.க அவர்கள் தான்.

சிலப்பதிகாரத்தில் வரும் கவுந்தி அடிகளைப் பற்றி படித்த போது காந்தியை ‘காந்தியடிகள்’ என்று குறிப்பிட வேண்டும் என்று தனக்குத் தோன்றியதாக திரு.வி.க ‘நவசக்தி’ பத்திரிகையில் குறிப்பிட்டுள்ளார்.

> அன்னிபெசண்ட் அவர்களை ‘அன்னை வசந்தை’ என்றே திரு.வி.க எழுதுவார். ‘வல்லரசு’ என்ற புதிய அரசியல் பதத்தை முதன்முதலில் உருவாக்கியவரும் திரு.வி.க அவர்கள் தான்.

> சட்டசபையில் ஆங்கிலமே பேசப்பட்டு வந்த சமயத்தில் சேலத்தைச் சேர்ந்த பி.வி. நரசிம்மர் என்பவர்தான் முதன் முதலாக சட்டசபையில் தமிழில் பேசினார். அவர் தமிழில் சட்டசபையில் பேசியது பற்றி எந்தப் பத்திரிகையும் குறிப்பு எழுதவில்லை.

திரு.வி.க அவர்கள் மட்டும் தான் நடத்தி வந்த ‘தேசபக்தன்’ என்ற பத்திரிகையில் பி.வி. நரசிம்மர் தமிழ் மொழியில் சட்டசபையில் பேசியதைப் பற்றிபாராட்டி எழுதினார்.

by **Dr.S.Soundarapandian** Sat Sep 21, 2013 5:00 pm

திரு வி க போற்றுதலுக்கு உரியவர் ! பி.வி.நரசிம்மர் வணங்குதற்கு உரியவர் ! சாமி பாராட்டுதலுக்கு உரியவர் !

by **ayyasamy ram** Sat Oct 12, 2013 9:37 am

திரு வி க போற்றுதலுக்கு உரியவர் !...
-

அவர் பெயரில்( திரு. வி. க. விருது ) வழங்கப்படுகிறது
-
தமிழ்நாடு அரசின் தமிழ் வளர்ச்சித் துறையின் கீழ் இயங்கும்
தமிழ் வளர்ச்சி இயக்ககம் மூலம் தமிழ் எழுத்தாளர் ஒருவருக்கு
தமிழறிஞர் திரு. வி. க. நினைவாக ஆண்டுதோறும் வழங்கப்படும்
ஒரு விருதாகும்.