ஊர் சுற்றலாம் வாங்க........

நான் சென்று வந்த சுற்றுலாத் தளங்களைப் பற்றியும் அங்கு நாம் காண வேண்டிய இடங்களைப் பற்றியும் பகிர்ந்து கொள்ள விளைந்து இப்பதிவினைத் துவங்குகிறேன்.(விக்கிபீடியாவின் உதவியோடு)
இன்று நாம் கா\ணவிருப்பது மாத்தரேன் மலைப் பிரதேசம்-மஹாராஸ்டிரா
வரலாறு
மும்பாதேவியின் அருள் கொழிக்கும் மும்பை மாநகரின் அருகில் உள்ள ராய்காட் மாவட்டத்தில் உள்ள மலைப் பிரதேசம் தான் இந்த மாத்தரேன்(MATHERAN).ஆங்கிலேயர் ஆட்சிக் காலத்தில் 1850 ஆம் ஆண்டு தானே மாவட்ட ஆட்சியாராக இருந்த Hugh Poyntz Male என்பவரால் தான் இப்பிரதேசம் கண்டறியப் பட்டது. பின் அப்போதைய பம்பாய் கவர்னர் . Lord Elphinstone என்பவரால் ஆங்கிலேயர்களின் கோடை வாஸஸ்தலமாக மேம்படுத்த நடவடிக்கை எடுக்கப் பட்டது.இதுதான் இம்மலைப் பிரதேசத்தின் வரலாறு.
மேலும் இதுதான் ஆசியாவில் உள்ள ஒரே Automobile Free மலைவாஸஸ்தலம்.
அமைவிடம்
மும்பை மாநகரிலிருந்து சுமார் 90 கி மீ தொலைவிலும்,புனே நகரிலிருந்து சுமார் 120 கி மீ தொலைவிலும் அமைந்துள்ளது.
கூகுள் வரை படத்தில் காண சுட்டி
பயண வழிகள்
மாத்தரேன் செல்ல வேண்டுமெனில் சாலை வழியைத் தவிர்த்து ரயிலில் செல்வதே சாலச் சிறந்தது.மும்பையிலிருந்து நேராக புறநக்கர் ரயிலில் (centra Line) கஜ்ரத் செல்லும் பாதையில் உள்ள நேரல் ஸ்டேசனில் இறங்கிக் கொள்ளவும்.



இங்கிருந்து தான் ந்குறுகிய பாதையில் மாத்தரேன் செல்லும் டாய் ட்ரெயின்கள் கிளம்புகின்றன.இதற்கான பயணச்சீட்டுகள் அங்குள்ள கவுண்டரில் வழங்கப் படுகிறது.ஒரு ட்ரெயினில் அதிகபட்சம் 50  பேர்தான் பயணம் செய்ய முடியும்.இதன் பயணச்சீட்டு பெறுவதற்கு கூட்டம் முண்டியடிக்கும் ஜாக்கிரதை.இணைய வழி முன் பதிவை நான் செல்லும் போது நிறுத்தியிருந்தார்கள் தற்போது செயல் படுகிறதா என்பதை erail.in தளத்தில் சென்று சரி பார்க்கவும்.மேலும் இந்த ரயில் சேவை அட்டவணை உங்களுக்காக இங்கே



இந்த ட்ரெயினில் செல்லும் போது மாத்தரேனின் முழு அழகையும் சுமார் இரண்டு மணி நேரத்திற்கு கண்டு களிக்கலாம்.ஜன்னலோர இருக்கை கிடைத்தால் நீங்கள் முழு அதிர்ஷ்ட சாலி.
சாலை வழியாக செல்ல நினைத்தாலும் நேரல் நிலையத்திலிருந்து டாக்ஸி கிடைக்கிறது.ஆனால் மாத்தரேன் மலைப் பகுதியில் ஆம்புலன்ஸ் தவிர மற்ற வாகனங்கள் செல்லத் தடை என்பதால் உங்கள் வாகனங்களில் சென்றாலும் டாக்ஸி நிறுத்ததிற்கு அப்பால் தங்கள் வாகனங்களை அனுமதிக்க மாட்டார்கள்.அங்கிருந்து நடந்து(சுமார் 4 கி மீ கடின )மலைப்பாதை,கை ரிக்ஸா அல்லது குதிரையில்(ரூ 200-250) பயணம் செய்து மாத்தரேன் நகரை அடையலாம்.
பேருந்து வழித்தடம்



தங்குமிடம்
ஏராளமான ரிசார்ட்டுகள் மாத்தரேன் ரயில் நிலையத்தின் அருகில் அமைந்துள்ளன.மலைப் பிரதேசம் என்பதால் அனைத்துப் பொருட்களின் விலையும் சிறிது அதிகமாகவே இட்ருக்கும்.
பார்க்க வேண்டிய இடங்கள்
http://upload.wikimedia.org/wikipedia/commons/b/bc/Matheran-map.jpg

 அரிய தகவல் அசோகன் . நீங்கள் சென்றீர்களா , இன்னும் புகைப்படம் இருந்தால் பகிருங்கள் ,  

நல்ல தொடர் ....தொடருங்கள்  

தகவலுக்கு நன்றி! இன்னும் அரிய தகவல் தாருங்கள்.. அசோகன்!

நான் கடந்த பிப்ரவரி மாதம் சென்றிருந்தேன்.ராஜா அண்ணா படங்கள் பதிவு செய்வதில் சிறு பிரச்சினை...படங்களின் அளவை சிறிதாக்கி இடுவதற்கு சிறிது காலம் எடுக்கும்..........பின்னர் பதிகிறேன்.மேலும் பாலாஜி மற்றும் அருண் ஆகியோருக்கும் நன்றி

அசோகன் wrote:நான் கடந்த பிப்ரவரி மாதம் சென்றிருந்தேன்.ராஜா அண்ணா படங்கள் பதிவு செய்வதில் சிறு பிரச்சினை...படங்களின் அளவை சிறிதாக்கி இடுவதற்கு சிறிது காலம் எடுக்கும்..........பின்னர் பதிகிறேன்.மேலும் பாலாஜி மற்றும் அருண் ஆகியோருக்கும் நன்றி

நேரம் கிடைக்கும்போது பதிவிடுங்கள் அசோகன்  

உங்களின் இந்த பதிவு சுற்றுலா செல்ல இருக்கும் அனைவருக்கும் பயன் படும் தொடர்ந்து பகிருங்கள் நன்பரே