தைரியமே வெற்றி..!! - குட்டிக்கதை

malik · malik Thu Aug 22, 2013 10:51 pm

ஐந்து பேர் கலந்துகொண்ட ஓட்டபந்தயத்தில்.,
எனக்கு கடைசி இடந்தான் கிடைத்தது ..

நண்பர்கள் கிண்டல் செய்தார்கள்
நான் கவலை கொள்ளவில்லை ..

அமைதியாக அவர்களை பார்த்து சொன்னேன்..

வேடிக்கை பார்த்திட மட்டுமே முடிந்த உங்களால்
தோல்வி அடையக்கூட போராட தைரியமில்லையே...

வெற்றியோ தோல்வியோ
என்னையும் பார்க்க.,பல்லாயிரம் ரசிகர்கள் அமர்ந்து இருந்தார்கள் அல்லவா..

அந்த வெற்றியே எனக்கு போதுமென்றேன்..!!

malik · malik Thu Aug 22, 2013 10:52 pm

தைரியமே வெற்றி..!! - குட்டிக்கதை 1234997_713328728693398_1708757959_n

ரொட்டிக் கடை வைத்திருந்தார் ஒருவர்.

அவர் கடைக்கு வெண்ணெய் சப்ளை செய்பவர் மீது அவருக்கு வெகுவாக சந்தேகம். தன்னை அவர் ஏமாற்றுவதாக வருத்தம் இருந்தது. அரை கிலோ வெண்ணெய் என்று அவர் தருவது அரை கிலோவே இல்லை. எடை குறைவாக இருக்கிறது என்று குற்றம் சாட்டினார்.

சண்டை முற்றி ஒரு நாள் நீதிபதி முன் வழக்கு வந்தது.

வெண்ணெய் வியாபாரி தன்னிடம் கொடுத்த வெண்ணெய் பொட்டலத்தை நீதிபதி முன் நிறுத்துக் காட்டிய ரொட்டிக் கடைக்காரர்,

"பாருங்கள் 450 கிராம் தான் இருக்கிறது. இப்படித்தான் என்னை பலமுறை ஏமாற்றி இருக்கிறார். இவரை தண்டியுங்கள்" என்று கூச்சலிட்டார்.

நீதிபதி வெண்ணெய் வியாபாரியை பார்த்து "என்ன சொல்கிறீர்கள். ஒவ்வொரு முறையும் 50 கிராம் குறைவாகத் தரலாமா? அது குற்றமில்லையா?" என்று கேட்டார்.

"ஐயா.. என்னிடம் எடைக்கல் கிடையாது. அதனால் 500 கிராம் எடையுள்ள பொருள் ஏதேனும் ஒன்றை எடைக் கல்லுக்குப் பதிலாக பயன்படுத்துவது வழக்கம். பெரும்பாலும் இவரது கடை ரொட்டியைத் தான் வாங்குகிறேன். அதையே அவ்வாறு பயன்படுதுவேன். பாக்கெட் மீது எடை 500கிராம் என்று எழுதப்பட்டிருப்பதை நம்பி இவரது ரொட்டியை எடைக் கல்லுக்குப் பதிலாக தராசில் பயன்படுத்துவேன். இப்போது பாருங்கள் என் வெண்ணெயும் அவரது ரொட்டியும் சம எடையாக இருக்கும்." என்று தராசில் இரண்டையும் எதிர் எதிராக வைத்தார்.

சமமாக இருந்தது.

நீதி: எல்லோரும் பிறர் தன்னை ஏமாற்றக் கூடாது என்று நினைக்கிறார்களே ஒழிய தானும் பிறரை ஏமாற்றக் கூடாது என்று ஏன் நினைப்பதில்லை.

malik · malik Thu Aug 22, 2013 10:57 pm

தைரியமே வெற்றி..!! - குட்டிக்கதை 994586_711500212209583_1612846630_n

தன் நிலத்தில் முளைத்த களைகளை சபித்துக் கொண்டிருந்தார் அந்த விவசாயி அருகில் இருந்த முதியவர் ஒருவர் கேட்டார்,

“தம்பி! வயல் யாருடையது?” “என்னுடையதுதான்” என்றார் விவசாயி

“உங்கள் நிலத்தில் விளைகிற பயிர்கள் போலவே களைகளும் உங்களுடையவை.

பயிர்கள் விளைந்ததும் அறுவடை செய்கிறீர்கள்.களைகளை தொடக்கத்திலேயே அகற்றுகிறீர்கள்.

விளைச்சலைப் போலவே களைகளும் உங்களுடையது என்று உணர்ந்தால் இப்படிப் புலம்ப மாட்டீர்கள். அமைதியாக அகற்றுவீர்கள்” என்றார்.

தன் நல்ல குணங்கள் போலவே தீய குணங்களுக்கும் மனிதன் பொறுப்பேற்றால் எளிதில் அகற்றலாம்.

நன்றி : தமிழ் முகநூல் பக்கம்