வெளிநாட்டில் இருந்து டெலிவிஷன் கொண்டு வந்தால் வரி செலுத்த வேண்டும்: 26-ந் தேதி முதல் அமல்

வெளிநாட்டில் இருந்து டெலிவிஷன் கொண்டு வந்தால் வரி செலுத்தும் புதிய நடைமுறை வருகிற 26-ந் தேதி முதல் அமலுக்கு வருகிறது. ரூபாயின் மதிப்பு குறைவதை தடுக்க இந்த நடவடிக்கை எடுக்கப்பட்டு உள்ளதாக மத்திய அரசு தெரிவித்து உள்ளது. அமெரிக்க டாலருக்கு எதிரான இந்திய ரூபாயின் மதிப்பு வீழ்ச்சியடைந்து வருகிறது.

டாலருக்கு எதிரான இந்திய ரூபாயின் மதிப்பு நேற்று ரூ.63.13 ஆக இருந்தது. எனவே தொடர்ந்து வீழ்ச்சியடைந்து வரும் ரூபாயின் மதிப்பை கட்டுப்படுத்துவதற்காக மத்திய அரசு பல்வேறு நடவடிக்கைகளை மேற்கொண்டு வருகிறது. அதன்படி தங்கம், பிளாட்டினம் மற்றும் வெள்ளி நகைகளுக்கு இறக்குமதி வரியை 10 சதவீதம் அதிகரித்து கடந்த வாரம் நடவடிக்கை எடுத்தது.

இந்த நடவடிக்கைகளின் ஒரு பகுதியாக, வெளிநாட்டில் இருந்து கொண்டு வரப்படும் எல்.சி.டி., எல்.இ.டி. மற்றும் பிளாஸ்மா வகை டெலிவிஷன்களுக்கு வரி விதிக்க மத்திய அரசு முடிவு செய்துள்ளது. இதற்கான அறிவிப்பு நேற்று பாராளுமன்றத்தில் தாக்கல் செய்யப்பட்டது.

அதன்படி வெளிநாட்டில் இருந்து கொண்டு வரப்படும் டெலிவிஷன்களுக்கு 35 சதவீதம் சுங்கவரியும், அந்த வரியில் 3 சதவீதம் கல்வி வரியாக கூடுதலாக விதிக்கப்படும். மொத்தத்தில் 36.05 சதவீதம் இறக்குமதி வரி செலுத்த வேண்டும். இந்த வரிவிதிப்பு முறை 26-ந் தேதி முதல் அமல்படுத்தப்படுகிறது.

இது குறித்து மத்திய நிதி மந்திரி ப.சிதம்பரம் கூறுகையில், ரூபாய் மதிப்பு வீழ்ச்சியை தடுப்பதற்காக அத்தியாவசியமற்ற பொருட்களுக்கு இறக்குமதி வரி விதிக்க வேண்டியது அவசியமாகிறது என்றார். தற்போது வெளிநாட்டில் இருந்து இந்தியாவுக்கு வரும் பயணிகள் தங்கள் சொந்த தேவைக்காக கொண்டு வரும் டெலிவிஷன்களுக்கு எந்த வித வரியும் செலுத்த வேண்டியதில்லை என்பது குறிப்பிடத்தக்கது.

மாலைமலர்

சொந்த தேவைக்காக கொண்டு வரும் டெலிவிஷன் எந்த சைஸ் வரை என்று தகவல் சொல்ல இயலுமா ....32 வரை வரி செலுத்த தேவையில்லை ...அதற்கு மேல் உள்ள சைஷ்களுக்கு வரி செலுத்த வேண்டும் என்பது உண்மையா ......

மேல் மட்டத்தில் உள்ளவர்கள் எதையும் கொண்டு வரலாம் வரி இல்லை, ஆனால் வெளி நாட்டில் உழைத்த பணத்தில் தனது குடும்பத்திற்று அன்பாக தொலைக்காட்சி பெட்டி வாங்கி வந்தால் வரி, என்ன நியாயம் சார் இது.

பாலாஜி wrote:சொந்த தேவைக்காக கொண்டு வரும் டெலிவிஷன் எந்த சைஸ் வரை என்று தகவல் சொல்ல இயலுமா ....32 வரை வரி செலுத்த தேவையில்லை ...அதற்கு மேல் உள்ள சைஷ்களுக்கு வரி செலுத்த வேண்டும் என்பது உண்மையா ......

நீங்கள் TV தவிர வேறு எந்த சுங்க வரி கட்டும் பொருளும் உங்களுடன் எடுத்து போகவில்லை என்றாள். உங்கள் தொலைகாட்சியின் விலையில் முதல் 35000 ரூபாய்க்கு வரி கட்ட தேவையில்லை அதற்கு மேல் வரும் பணத்திற்கு 35 % வரி கட்ட வேண்டும்.

உதா : LED TV நீங்க வாங்கியது $ 1000 எனில் , இந்தியா ரூபாயில் (தோராயமாக) 63000 ரூபாய் வருகிறது , இதில் 35000 போக மீதி 28000 ரூபாய்க்கு 35 % வரி கட்ட வேண்டும்.

(சில மாதங்களுக்கு முன் எனது நண்பர் ஒருவர் கத்தாரில் இருந்து TV எடுத்துக்கொண்டு டில்லி சென்ற போது இது போல தான் கட்டினார் என சொன்னார்)

இந்த வரி விதிப்பு கைப்பேசிகளுக்கும் பொருந்துமா அண்ணா?

ராஜா wrote:

பாலாஜி wrote:சொந்த தேவைக்காக கொண்டு வரும் டெலிவிஷன் எந்த சைஸ் வரை என்று தகவல் சொல்ல இயலுமா ....32 வரை வரி செலுத்த தேவையில்லை ...அதற்கு மேல் உள்ள சைஷ்களுக்கு வரி செலுத்த வேண்டும் என்பது உண்மையா ......

நீங்கள் TV தவிர வேறு எந்த சுங்க வரி கட்டும் பொருளும் உங்களுடன் எடுத்து போகவில்லை என்றாள். உங்கள் தொலைகாட்சியின் விலையில் முதல் 35000 ரூபாய்க்கு வரி கட்ட தேவையில்லை அதற்கு மேல் வரும் பணத்திற்கு 35 % வரி கட்ட வேண்டும்.

உதா : LED TV நீங்க வாங்கியது $ 1000 எனில் , இந்தியா ரூபாயில் (தோராயமாக) 63000 ரூபாய் வருகிறது , இதில் 35000 போக மீதி 28000 ரூபாய்க்கு 35 % வரி கட்ட வேண்டும்.

(சில மாதங்களுக்கு முன் எனது நண்பர் ஒருவர் கத்தாரில் இருந்து TV எடுத்துக்கொண்டு டில்லி சென்ற போது இது போல தான் கட்டினார் என சொன்னார்)

தகவலுக்கு நன்றி தல

கைப்பேசிக்கும் பொருந்தும் என நினைக்கிறேன். நான் இதுவரை புதிதாக எடுத்து வரவில்லை

இதில் பாருங்கள்
http://www.cbec.gov.in/trvler-guide_ason22may2013.pdf

ராஜா wrote:கைப்பேசிக்கும் பொருந்தும் என நினைக்கிறேன். நான் இதுவரை புதிதாக எடுத்து வரவில்லை

இதில் பாருங்கள்
http://www.cbec.gov.in/trvler-guide_ason22may2013.pdf

நன்றி அண்ணா,பார்க்கிறேன்.