பேய்மிரட்டி!

பேய்மிரட்டி என்ற மூலிகைச் செடியின் பச்சை இலை, விளக்குத் திரியாக ஒளிர்கிறது. இந்தச் செடி, தமிழகமெங்கும் தானாகவே வளர்கின்ற செடி. அதிகபட்சமாக சுமார் மூன்றடி உயரம் வரை இச்செடி வளர்கின்றது. நீண்ட இலைகளையும், கருஞ்சிவப்பு நிறத்தில் மலர்களையும் கொண்ட செடி இது. கடும் வறட்சியையும் தாங்கி வளரக் கூடியச் செடி. இது LAMIACEAE தாவரக் குடும்பத்தைச் சேர்ந்த செடியாகும். இதனை ஆங்கிலத்தில் MALABAR CATMINT எனக் கூறுவர். ANISOMELES MALABARICA என்ற தாவரவியல் பெயரும் இதற்கு உண்டு. செடியின் முழுப் பகுதியும் பல்வேறு மருத்துவப் பயன்பாட்டுக்கு உதவிவருவதால், இது ஒரு சிறந்த மூலிகைச் செடியாக விளங்கி வருகிறது.

அதுமட்டுமல்லாது மாந்தம், வயிற்றுப் போக்கு, காலரா, வாதசுரம், குடல்வாயு போன்ற நோய்களை விரட்டும் சிறந்த மருத்துவ குணம் கொண்ட செடியாகும். மேலும் இந்தச் செடி அதிகம் வளரும் இடங்களில் விஷ ஜந்துக்களின் நடமாட்டம் அதிகம் இருக்காதாம். அதற்குக் காரணம், இச்செடியில் உள்ள வெகுட்டல் மணம் தானாம். இதுபோன்ற பல்வேறு குணாதிசயங்களை பேய்மிரட்டி செடி கொண்டிருந்தாலும், தற்போது அதற்கும் மேலாக அச்செடியின் பச்சை இலையை அகல் விளக்கிற்கு திரியாகப் பயன்படுத்தி வருகின்றனர் மக்கள்.

தமிழகத்திலுள்ள கொல்லிமலைப் பகுதியில் வசிக்கும் பெரும்பாலான மக்கள், பேய்மிரட்டியின் இலையை நன்றாகச் சுருட்டி, விளக்குகளுக்குத் திரியாகப் பயன்படுத்தி வருகின்றனர். இந்த இலையை திரியாகப் பயன்படுத்தி தீபம் ஏற்றும் போது எந்தவொரு வாசமும் வருவதில்லையாம்.

நாங்கள் கடந்த ஜூன் மாதம் கொல்லிமலைக்குச் சுற்றுலா சென்றிருந்தபோது பச்சை இலை, விளக்குத் திரியாக ஒளிர்கின்ற அதிசயத்தை நேரில் கண்டிருந்தோம். எந்தவொரு சிறிய அசைவும் இல்லாமல் விளக்கு அழகாக ஒளிர்கின்றது. காடாத் துணி திரிகளுக்கும் இதற்கும் எந்தவொரு வேறுபாடும் இல்லை. இந்த இலையினுள் அடங்கியுள்ள ஏதோவொரு வேதிப் பொருள்தான் இதற்குக் காரணம்" என்கிறார் பட்டதாரியான லக்ஷ்மி நரசிம்மன்.

பேய்மிரட்டி இலைகள் தற்போது நாட்டு மருந்துக் கடைகளில் கிடைக்கின்றன. ஆர்வம் உள்ளவர்கள் இதனைப் பெற்று சோதனை செய்து பார்க்கலாம்.
நன்றி-புதிய thalaimurai

 அரிய தகவல் , இதை ஆராய்ச்சி செய்து பெட்ரோலுக்கு மாற்றாக ஏதேனும் கண்டுபிடிக்க முடியுமான்னு ஆராய்ச்சியாளர்கள் பார்க்கணும்

சூப்பர் தகவல்

நல்ல தகவல்

ஆரம்பத்தில் ஏதோ பேய் வேறட்டும் என்று நினைத்தேன்

பேய் மிரட்டி மூலம் சித்த மருத்துவர்களை ஒரு மிரட்டு மிரட்டியுள்ளார் சாமி ! வணக்கம் சாமி ! இது போன்ற தாவரங்கள் தமிழ் மண்ணில் ஏராளமாக உள்ளன ! இத் துறையில் சித்தமருத்துவர்கள்தான் ஈடுபடவேண்டும் என மற்றவர்கள் ஒதுங்கக்கூடாது !  இந்த அடிப்படையில்தான் நான் எனது தொல்காப்பிய ஆய்வுகளில் இயன்ற அளவு , தமிழ் நாட்டுப் பழைய தாவரங்களை ஆய்ந்து தந்துகொண்டிருக்கிறேன் !