கொழுப்பை விரட்டும் கடுகு...!

**மதுமிதா** · **மதுமிதா** Mon Aug 19, 2013 9:09 pm

கடுகு சிறுத்தாலும் காரம் குறையாது என்பார்கள். அதுபோல ஏராளமான மருத்துவ குணங்களை கொண்டது கடுகு. திரிகடுகம் என்னும் மூன்று மருத்துவ பொருட்களில் முதல் இடம் கடுகிற்குத்தான் உண்டு. அதனால் தான் எல்லா குழம்புகளிலும் கடுகை தாளித்து சேர்க்கிறார்கள்.

கோடைக் காலங்களில் உடலில் ஏற்படும் கட்டிகளுக்கு கடுகு அரைத்துப் பூசப்படுகிறது. கட்டியின் தொடக்கத்தில் அரைத்துப் பூசினால் ஏற்படும் இறுக்கத்தால் கட்டி அழுந்திப் போய்விடுகிறது. கட்டி பெரியதான பின்பு அரைத்துப் பூசினால் இறுக்கத்தால் கட்டி உடைந்து அதிலுள்ள சீழ் வெளியேற உதவுகிறது.

கடுகு விதைகளில் உடலுக்கு அவசியமான எண்ணைச் சத்து உள்ளது. மேலும் சினிகிரின், மைரோசின், எருசிக், ஈகோசெனோக், ஆலிக், பால்மிடிக் போன்ற அத்தியாவசிய அமிலங்களும் நிறைந்துள்ளது. கடுகு அதிக கலோரி ஆற்றல் தரக்கூடியது. 100 கிராம் கடுகில் 508 கலோரி ஆற்றல் கிடைக்கும். எளிதில் வளர்ச்சிதை மாற்றம் அடையும் நார்ச்சத்து உள்ளது.

கெட்ட கொழுப்பை கட்டுப்படுத்தும் ஆற்றலும், உடல் பருமனை குறைக்கும் ஆற்றலும் கடுகிற்கு உண்டு. போலேட்ஸ், நியாசின், தயமின், ரிபோபிளேவின், பைரிடாக்சின், பான்டோ தெனிக் அமிலம் போன்ற பி- காம்பிளக்ஸ் வைட்டமின்கள் இதில் உள்ளன. நொதிகளின் செயல்பாடு, நரம்பு மண்டல செயல்பாடு மற்றும் வளர்ச்சிதை மாற்றத்தில் இவை பங்கெடுக்கக் கூடியதாகும்.

நியாசின் (வைட்டமின் பி-3) ரத்தத்தில் கொழுப்பின் அளவை கட்டுக்குள் வைக்கும். கால்சியம், மாங்கனீஸ், தாமிரம், இரும்பு, செலினியம், துத்தநாகம் போன்ற தாதுஉப்புக்களும் கடுகில் உள்ளது. கால்சியம் எலும்புகளின் உறுதிக்கும், மாங்கனீஸ் சிறந்த நோளிணி எதிர்பொருளாகவும், தாமிரம், ரத்த சிவப்பணுக்கள் உற்பத்திக்கும், இரும்பு செல்களின் வளர்ச்சிதை மாற்றம் மற்றும் ரத்த அணுக்கள் உற்பத்தியிலும் பங்கெடுக்கின்றன.

நன்றி முகநூல்

**Muthumohamed** · **Muthumohamed** Tue Aug 20, 2013 2:17 pm

பயன் மிகு பதிவுக்கு கொழுப்பை விரட்டும் கடுகு...! 1571444738

மது

இந்த பதிவைத் துவங்கியவர் நன்றி கூறியுள்ளார் Muthumohamed

**ஜாஹீதாபானு** · **ஜாஹீதாபானு** Tue Aug 20, 2013 2:59 pm

பகிர்வுக்கு நன்றி மது

**மதுமிதா** · **மதுமிதா** Tue Aug 20, 2013 6:13 pm

பானு அக்கா முத்து அண்ணா

**சிவா** · **சிவா** Wed Aug 21, 2013 4:17 am

கொழுப்பைக் குறைக்க கடுகை அப்படியே மென்று தின்ன வேண்டுமா?

**மதுமிதா** · **மதுமிதா** Wed Aug 21, 2013 3:59 pm

சிவா wrote:கொழுப்பைக் குறைக்க கடுகை அப்படியே மென்று தின்ன வேண்டுமா?

உங்கள் வசதி படி அண்ணா எங்கள் வீட்டில் கடுகை வறுத்து பொடி செய்து வைத்து உள்ளோம் சில சமாயும் பாலில் போட்டு குடிப்போம்....

என் பாட்டி பலவீனமான பெண்களுக்கு நல்லது என்று சிறிது சர்க்கரை கலந்து தருவார்கள்.....

வேலவன் · வேலவன் Wed Aug 21, 2013 7:00 pm

நல்ல தகவல் ...நன்றி...

Sponsored content · Sponsored content

கொழுப்பை விரட்டும் கடுகு...!

கொழுப்பை விரட்டும் கடுகு...!

Re: கொழுப்பை விரட்டும் கடுகு...!

Re: கொழுப்பை விரட்டும் கடுகு...!

Re: கொழுப்பை விரட்டும் கடுகு...!

Re: கொழுப்பை விரட்டும் கடுகு...!

Re: கொழுப்பை விரட்டும் கடுகு...!

Re: கொழுப்பை விரட்டும் கடுகு...!

Re: கொழுப்பை விரட்டும் கடுகு...!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக