உணவால் உருவாகும் குழந்தை!!

**மதுமிதா** · **மதுமிதா** Mon Aug 19, 2013 9:01 pm

‘‘கல்யாணமாகி பல வருஷங்களாச்சு. ரெண்டு பேருக்கும் எல்லா டெஸ்ட்டும் எடுத்தாச்சு. எல்லாம் நார்மல். ரெண்டு பேர்கிட்டயும் எந்தப் பிரச்னையும் இல்லை. ஆனாலும் இதுவரைக்கும் குழந்தை உண்டாகலை... காரணம்தான் புரியலை...’’ - இப்படிப் புலம்பும் தம்பதியரை அடிக்கடி நாம் எதிர்கொள்வதுண்டு.

கருத்தரிக்காமைக்கான பிரச்னை பெண்களிடம் 40 சதவிகிதமும், ஆண்களிடம் 35 சதவிகிதமும் இருப்பதாகச் சொல்கின்றன மருத்துவப் புள்ளி விவரங்கள். இரு தரப்பிலும் பிரச்னையே இல்லாத தம்பதியர் 10 முதல் 15 சதவிகிதம். எந்தக் காரணங்களும் இல்லை என்றால் பிறகு கருத்தரிப்பதில் ஏன் சிக்கல்?

இந்தக் கேள்விக்கு விளக்கமான பதில் தருகிறார் மகப்பேறு மற்றும் ரத்த நோய்களுக்கான சிறப்பு மருத்துவர் மகேஸ்வரி.[ழிஷீ றிணீக்ஷீணீரீக்ஷீணீஜீலீ ஷிtஹ்றீமீ]ஙிஷீபீஹ்‘‘காரணங்கள் இல்லாத மலட்டுத்தன்மைக்கும், உணவுப்பழக்கத்துக்கும் மிக நெருங்கின தொடர்புண்டு. ஆல்கஹால் பழக்கம் உள்ளவங்களுக்கு, அதோட விளைவா உயிரணு உற்பத்தியும், அது நகரும் தன்மையும், தரமும் பாதிக்கப்படும்.

கருத்தரிக்கத் தேவையான மிக முக்கிய தாதுப்பொருள் துத்தநாகம். குடிப்பழக்கம் உள்ளவங்களுக்கு இந்தச் சத்து குறைஞ்சு, உயிரணு உற்பத்தி பாதிக்கப்படும்.உயிரணுக்களைப் பாதிக்கிறதுல அடுத்த இடம் கஃபைனுக்கு. குழந்தை இல்லாதவங்க, இது அதிகமுள்ள காபி, கோலா, சாக்லெட் உணவுகளைக் குறைக்க வேண்டியது அவசியம்.

இன்னிக்கு நாம சாப்பிடற எல்லா உணவுகளும், செயற்கை உரம் போட்டு விளைவிக்கப்படுது. இந்த உரங்கள், பெண்களோட ஹார்மோன் சுரப்பை பெரியளவுல பாதிக்கும். குழந்தையில்லாத பெண்கள், ஆர்கானிக் உணவு எடுத்துக்கிறது பாதுகாப்பானது.இன்னிக்கு ஆண், பெண் வித்தியாசமில்லாம எல்லாருக்கும் புகைப்பழக்கம் இருக்கு.

இந்தப் பழக்கம் ஆண்களுக்கு உயிரணுக்களோட தரத்தை பாதிக்கும். பெண்களுக்கு கரு முட்டை உற்பத்தியை பாதிக்கும்.
உயிரணுக்களோட உற்பத்திக்கும், கருத்தரிச்சதும், அந்தக் கரு நல்லமுறையில வளரவும் இரும்புச்சத்தும், ஃபோலிக் அமிலமும் அவசியம். தவிர, வைட்டமின் பி 12, சி மற்றும் ஈ துத்தநாகம், செலினியம் சத்துக்களும் அவசியம். செலினியமும், வைட்டமின் சி, ஈ சத்துக்களும், செல்களோட வளர்ச்சிக்கும், ஆரோக்கியத்துக்கும் ரொம்பவே அவசியம்.

‘எல் ஆர்ஜினைன்’னு ஒரு அதிமுக்கிய சத்து, உயிரணுக்களோட தலைப்பகுதில இருக்கும். உயிரணுக்களோட உற்பத்திக்கு மிகமிக அவசியமான இது, மஞ்சள், ஆரஞ்சு மற்றும் பச்சை நிறக் காய்கறிகள், பழங்கள்ல அதிகமா இருக்கும். கடைசியா ‘எசென்ஷியல் ஃபேட்டி ஆசிட்’னு சொல்லக் கூடிய நல்ல கொழுப்பு அமிலம். மீன், ஃபிளாக்ஸ் விதைகள்னு உணவுகள் மூலமாகவோ மாத்திரை வடிவிலோ, மருத்துவரோட ஆலோசனையோட எடுத்துக்கலாம்.

நன்று முகநூல்