பைப்லைன் மூலம் சாராயம் கடத்தல்!

**சாமி** · **சாமி** Fri Aug 16, 2013 10:07 pm

கிர்கிஸ்தான் நாட்டின் எல்லைப்பகுதியில் நிலத்தடி வழியே நீர் செல்லும் ஒரு தற்காலிக குழாயில் அண்டை நாடான கசகஸ்தானிலிருந்து சாராயம் கடத்தி வரப்பட்டுள்ளதை எல்லைப் பாதுகாப்பு மற்றும் சுங்கத்துறை அதிகாரிகள் கண்டுபிடித்துள்ளார்கள்.

இரு நாடுகளுக்கும் எல்லையாக ஓடும் ‘சு’ நதிப்படுகையில் இந்தக் குழாய் கண்டுபிடிக்கப்பட்டுள்ளது. நாட்டின் எல்லையில் உள்ள சோதனைச் சாவடியிலிருந்து சில கி.மீ தூரத்தில் இந்த குழாய் பதிக்கப்பட்டிருந்ததாக செய்திகள் தெரிவிக்கின்றன.

இதனை அதிகாரிகள் எவ்வாறு கண்டறிந்தனர் என்பது குறித்து சரியாக தெரியவில்லை. எனினும், இதுவழியே ஆயிரக்கணக்கான லிட்டர்கள் சுத்தமான சாராயம் கடத்தப்பட்டிருக்கலாம் என்று அதிகாரிகள் சந்தேகிக்கின்றனர்.

கசகஸ்தான், மத்திய ஆசியாவில் தானிய உற்பத்தியில் முதலிடத்தில் இருக்கும் நாடாகும். எனவே, இங்கு தயாரிக்கப்படும் மது, சாராய வகைகளும் மற்ற நாடுகளை விட விலை குறைவாக இருக்கும் என்று கூறப்படுகின்றது. சமீபத்தில் இந்நாடு ரஷ்யா, பெலாரஸ் ஆகிய நாடுகளுடன் இணைந்து சுங்க அமைப்பில் உறுப்பினர் ஆகியுள்ளதால் இங்கிருந்து சாராயத்தை இறக்குமதி செய்ய அண்டை நாடுகள் அதிக வரி செலுத்த வேண்டியுள்ளது. இதனால் பிற நாடுகளில் இவற்றின் விலை அதிகமாகக் காணப்படுகின்றன.

கிர்கிஸ்தான் எல்லைப் பாதுகாப்பு வீரர்கள் சமீபத்தில் இதேபோன்று பெட்ரோல், டீசல் போன்ற எண்ணெய்ப் பொருட்கள் கடத்திச் செல்லப்பட்ட குழாய்களையும் கண்டுபிடித்துள்ளனர். எண்ணெய் உற்பத்தியிலும் கசகஸ்தான் முன்னிலை வகிப்பதால், மற்ற நாடுகளைவிட எண்ணெய்ப் பொருட்கள் இங்கு விலை மலிவு என்பது குறிப்பிடத்தக்கது.
நன்றி-மாலைமலர்

**Muthumohamed** · **Muthumohamed** Sat Aug 17, 2013 12:38 am

நல்ல புத்திசாலி கள்வர்கள் இவர்கள்

பைப்லைன் மூலம் சாராயம் கடத்தல்!

பைப்லைன் மூலம் சாராயம் கடத்தல்!

Re: பைப்லைன் மூலம் சாராயம் கடத்தல்!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக