தமிழ் தெரிந்தவர்களுக்கு மட்டுமே தமிழ் சினிமாவில் வாய்ப்பு கொடுக்க வேண்டும்

First topic message reminder :

மனுஸ்ரீ பிலிம்ஸ் இண்டெர் நேஷனல் பானுமதி யுவராஜுடன் இணைந்து மனுகண்ணன் தயாரித்து, இயக்கியிருக்கும் படம் அங்குசம். இதில் புதுமுகங்களான ஸ்கந்தா நாயகனாகவும், ஜெயந்தி நாயகியாகவும் நடித்துள்ளனர்.

பொதுமக்களுக்கு தகவல் அறியும் உரிமைச்சட்டத்தைப்பற்றிய விழிப்புணர்ச்சியை ஏற்படுத்தும் வகையில் தயாராகியிருக்கும் இப்படத்தின் ஆடியோ வெளியீட்டு விழா சென்னை கமலா தியேட்டரில் நடந்தது. பாடல்களை, ‘நாம் தமிழர்’ கட்சியின் ஒருங்கிணைப்பாளர் சீமான் வெளியிட, திருச்சியை சேர்ந்த சமூக சேவகர் சீனிவாசன் பெற்றுக் கொண்டார்.

விழாவில் பேசிய இயக்குனர் செல்வமணி இதுமாதிரி மக்களுக்கு விழிப்புணர்ச்சியை ஏற்படுத்தும் படங்களை வரவேற்க வேண்டும் என்று பேச்சை தொடங்கினார். பின்னர், இங்கே பேசியவர்கள் தமிழர்களாக இருந்தபோதும், அனைவருமே ஆங்கிலத்திலேயே பேசினார்கள். ஆங்கிலத்தில் அவ்வப்போது தமிழை ஓரிரு வார்த்தைகள் மட்டுமே சேர்த்து பேசினார்கள்.

ஆனால், தமிழ் தெரிந்தவர்கள் தமிழில் பேசினால் எந்த தவறும் இலலை. மேலும், தமிழ் சினிமாவில் தமிழில் பேசக்கூடியவர்களுக்கு மட்டுமே வாய்ப்பு கொடுக்க வேண்டும். என்னைப்பொறுத்தவரை எனது படங்களில் தமிழ் தெரியாதவர்களை பயன்படுத்துவதே இல்லை. மொழி தெரியாமல் வந்தாலும் தமிழை கற்றுக்கொண்டு வாருங்கள் என்று அனுப்பி விடுவேன்.

இந்த சினிமாவிற்குள் அடையாளமே இல்லாமல் வந்த எனக்கு தமிழ் மொழிதான் ஒரு அடையாளத்தை கொடுத்து என்று கூறினார். விழாவில் இயக்குனர் ஜி என் ஆர் குமாரவேலன் , இயக்குனர் மனோஜ்குமார், பட அதிபர் சுரேஷ் காமாட்சி, நடிகர் ஸ்கந்தா (அங்குசம் ஹீரோ), ஜெயதி சுகா (அங்குசம் ஹீரோயின்) ,ஹுதாஷா (கண்ணிவெடி ஹீரோயின்), வர்ஷாஅஷ்வதி.R, கோமல் சர்மா, ஷெரீன் ஆகியோர் கலந்து கொணடனர்.
நன்றி-தினமணி

ராஜு சரவணன் wrote:நல்ல செய்தி தான் .... ஆனா என்ன கொடுமை என்றால் நாம் தமிழர்களை தமிழ் பேச சொல்வது.

ரொம்ப சரி , வந்தவா எல்லோரும் தமிழ் கத்துப்பா............... பேசிடுவா...ஆனால் தமிழர்கள் ???????????????? இது மில்லியன் டாலர் கேள்வியாச்சே ?

ஹீரோயின்கள்  எங்கப்பா நடிக்கிறார்கள் ... அவங்களுக்கு எதுக்கப்பா தமிழ் .......

"தமிழ் சினிமாவில் தமிழில் பேசக்கூடியவர்களுக்கு மட்டுமே வாய்ப்பு கொடுக்க வேண்டும். என்னைப்பொறுத்தவரை எனது படங்களில் தமிழ் தெரியாதவர்களை பயன்படுத்துவதே இல்லை." - ஆர் கே செல்வமணி சூப்பர்!