கிராமங்களில் டாஸ்மாக் வசூல் சாதனை

by ராஜு சரவணன் Fri Aug 16, 2013 8:20 pm

திருச்சி அருகே அமைந்துள்ள பத்தாளபேட்டையில் மூன்று மாதங்களுக்கு முன் அரசின் டாஸ்மாக் கடை மக்களின் தாகம் தீர்க்க சீரும் சிறப்பாக திறந்துவைக்கப்பட்டது. திறந்து வைத்த முதல் நாளே சுமார் 70000 ருபாய்க்கு வசூல் சாதனையுடன் தனது பயணத்தை இன்று தொடர்ந்து வருகிறது.பத்தாளபேட்டை என்பது ஒரு கிராமம் காவிரி நீர் மூலம் விவசாயத்தை செய்யும் மக்கள் நிறைந்த ஊர். இதை சுற்றி சுலகம்பட்டி, கிருஷ்ண சமுத்திரம் ,திருநெடுங்குளம், கடம்பன்குடி ,படிராக்குடி, இடையத்துமங்கலம் , தோகூர், கூகூர் ஆகிய கிராமங்கள் உள்ளன. இந்த கிராமங்களில் அடிப்படை தொழில் விவசாயம் மட்டுமே. இந்த பகுதிகளில் இருக்கும் மக்களின் தாகம் தீர்ப்பது காவிரி இல்லை , நம்ம டாஸ்மாக் தான்.ஆம் இப்பகுதியில் உள்ள அனைத்து குடிகாரர்களின் ஆஸ்தான கடை இந்த பத்தாளபேட்டை கடை தான்.

அப்படி என்ன இந்த பத்தாளபேட்டை டாஸ்மாக் கடையின் சிறப்பம்சம் என்று உங்கள் மனதில் ஏற்படும் கேள்விக்கு இதோ பதில் ...
டாஸ்மாக் ஆரம்பித்த ஒரு மாதங்களில் கடையின் ஒவ்வொரு நாள் வருமானம் சராசரியாக சுமார் ₹ 1.5 லட்சம் வரை வசூல் ஆகிறது.விடுமுறை நாட்களில் இதன் வருமானம் ₹ 2.25 லட்சங்கள் வரை செல்கிறது என அதில் பணியாற்றும் ஊழியர்கள் தெரிவித்தனர். நான் முன்பு திருச்சி பெரியமிளகு பாறையில் ஒரு டாஸ்மாக் கடையில் வேலை செய்தேன், திருச்சியின் மைய பகுதி அங்கு சராசரியாக நாள் ஒன்றுக்கு ₹ 50000 முதல் 60000 ஆயிரம் வரை தான் வசூல் ஆகும் ஆனால் இங்கு பத்தாளபேட்டையில் வசூல் எங்களை அசர வைப்பதாக ஒரு ஊழியர் கூறுகிறார். அன்றாடம் நல்லபடியாக வசூல் கிடைப்பதால் எங்கள் வேலைக்கு எந்த பிரச்சினையும் இல்லை. என்ன கூட்டத்தை தான் எங்களால் சமாளிக்க முடியவில்லை என்று மற்றொரு ஊழியர் கூறுகிறார்.

இந்த கிராமத்தில் நகரத்தை காட்டிலும் வசூலை அள்ளிக்கொடுக்கும் இந்த கிராமத்தினரின் வாழ்க்கை தரம் எவ்வாறு இருக்கும் என எண்ணிப்பார்க்கும் போது சற்று வருத்தமாக தான் இருக்கிறது. அப்பகுதியில் உள்ள ஆண்களின் பொழுது போக்கே சரக்கடிப்பதும் அதற்காக கடன் வாங்குவதும் தான் என்று கூறுகின்றனர் அப்பகுதி பெண்கள். குடும்பத்தை கவனிக்காமல் குழந்தைகளின் படிப்பை கவனிக்காமல் சதா குடியே என்றிருக்கும் இப்பகுதி ஆண்களின் எண்ணிக்கை மாதம் மாதம் அதிகரித்து வருவதாகவும் , அதற்கு நிகராக டாஸ்மாக் வசூலும் அதிகரித்து வருவதாகவும் மிகவும் வேதனையுடன் அங்குள்ள சிலர் தெரிவித்தனர்.

இது போல் பல கிராமங்கள் இருக்கலாம் ,இல்லை எதிர்காலத்தில் உருவாகலாம். இந்த பத்தாளபேட்டை கடையின் வசூலை வரும் காலங்களில் மற்ற ஊர் டாஸ் கடைகள் முறியடிக்கலாம் ,இல்லை இந்த கடையின் வசூலை இதே கடை முறியடிக்கலாம்.

வாழ்க அப்பகுதி மக்கள்
வாழ்க அப்பகுதி டாஸ்கடை

by DERAR BABU Fri Aug 16, 2013 8:34 pm

மக்களையே காவு வாங்கும் மக்களாட்சி வாழ்க......... சியர்ஸ்

by **ராஜா** Sat Aug 17, 2013 11:45 am

வாழ்க அப்பகுதி மக்கள்
வாழ்க அப்பகுதி டாஸ்கடை

by பாலாஜி Sat Aug 17, 2013 1:13 pm

பத்தாளபேட்டை மிக விரைவில் பாதாளபேட்டை

by ஹர்ஷித் Sat Aug 17, 2013 1:37 pm

வசூல் சாதனை மக்கள் மனதில் வேதனை,
வாழ்க சுதந்திரம்.

by **ரா.ரா3275** Sat Aug 17, 2013 1:45 pm

எத்தனை பேர் வந்து எத்தனை ஊர் வழியாக நடந்தாலும் இந்த மதுவை ஒழிக்க முடியாது போல. சோகம்

by **அருண்** Sat Aug 17, 2013 1:52 pm

எங்களை முற்போக்கு வழியில் நடத்தி செல்லும் தமிழக அரசுக்கு நன்றிகள்!

by யினியவன் Sat Aug 17, 2013 2:20 pm

பட்டைபேட்டை என அரசு பெயர் மாற்றி நடத்தட்டும் வசூல் வேட்டை

by யினியவன் Sat Aug 17, 2013 2:21 pm

ரா.ரா3275 wrote:எத்தனை பேர் வந்து எத்தனை ஊர் வழியாக நடந்தாலும் இந்த மதுவை ஒழிக்க முடியாது போல.

அத சொல்றதுக்கு ஏன் இந்த ஆட்டம் ஆடுறீங்க - நடையில் தெளிவில்லையே!!!

by ராஜு சரவணன் Sat Aug 17, 2013 2:25 pm

யினியவன் wrote:
ரா.ரா3275 wrote:எத்தனை பேர் வந்து எத்தனை ஊர் வழியாக நடந்தாலும் இந்த மதுவை ஒழிக்க முடியாது போல.
அத சொல்றதுக்கு ஏன் இந்த ஆட்டம் ஆடுறீங்க - நடையில் தெளிவில்லையே!!!

என்ன தல பூட்டுன வீட்டு முன்னாடி சலம்பல் பன்னுறீங்கா புன்னகை