தனியார் பால் விலை நள்ளிரவு முதல் லிட்டருக்கு ரூ.2 உயர்கிறது!

by வாசுகி Fri Aug 16, 2013 6:05 pm

தனியார் பால் விலை நள்ளிரவு முதல் லிட்டருக்கு ரூ.2 உயர்கிறது!

தனியார் பால் நிறுவனங்களான டோட்லா, திருமலா, ஜெர்சி, ஹெரிட்டேஜ் போன்றவை பால் விலையை லிட்டருக்கு ரூ. 2 உயர்த்த முடிவு செய்துள்ளது. இன்று நள்ளிரவு முதல் விலை உயர்த்தப்படுகிறது.தனியார் பால் விலை உயருகின்ற போதிலும் ஆவின் பால் விலையில் எந்த மாற்றமும் இல்லை. கூடிய விரைவில் ஆவின் பாலும் விலை உயரலாம்.
சென்னையில் தினமும் 28 லட்சம் லிட்டர் பால் விற்பனை செய்யப்படுகிறது. இதில் ஆவில்பால் 11.35 லட்சம் லிட்டரும், தனியார் பால் 15 லட்சத்து 65 ஆயிரம் லிட்டரும் விற்பனை யாகின்றன.இந்நிலையில் தனியார் பால் நிறுவனங்களான டோட்லா, திருமலா, ஜெர்சி, ஹெரிட்டேஜ் போன்றவை பால் விலையை லிட்டருக்கு ரூ. 2 உயர்த்த முடிவு செய்துள்ளது. இன்று நள்ளிரவு முதல் விலை உயர்த்தப்படுகிறது.

இது குறித்து தனியார் நிறுவனங்கள் வெளியிட்டுள்ள அறிக்கையில்,”பால் கொள்முதல் விலை உயர்ந்துள்ளது. பிளாஸ்டிக் உள்ளிட்ட மூலப்பொருட்கள், பெட்ரோல், டீசல் விலை உயர்வால் பால் விலை லிட்டருக்கு ரூ.2 உயர்த்தப் படுகிறது.சென்னையை தவிர பிற மாவட்டங்களில் பால் விலை உயர்த்தப்படவில்லை பழைய விலையே தொடரும்” என அதில் கூறப்பட்டுள்ளது.
தனியார் பால் விலை உயருகின்ற போதிலும் அரசின் ஆவின் பால் விலையில் எந்த மாற்றமும் இல்லை. தற்போது ஆவில் பால் விற்பனையில் 7 லட்சத்து 40 ஆயிரம் லிட்டர் அட்டை தாரர்களுக்கு வழங்கப்படுகிறது.அதிகபட்ச விற்பனை விலையை விட பால் அட்டை தாரர்களுக்கு லிட்டருக்கு இரண்டு ரூபாய் குறைவாக பால் வழங்கப்படுகிறது. ஆவின் பாலை விட தனியார் பால் விலை ஏற்கனவே லிட்டருக்கு ரூ.2 முதல் ரூ.3 வரை அதிகமாக உள்ளது.இந்த நிலையில் மீண்டும் பால் விலை லிட்டருக்கு ரூ.5 அதிகமாக இருக்கும் நிலை ஏற்பட்டுள்ளது.
இதற்கிடையில் தனியார் பால் விலை உயர்வு குறித்து தமிழ்நாடு பால் முகவர்கள் சங்க தலைவர் பொன்னுசாமி,”டீசல், பெட்ரோல் விலை உயர்வை காரணம் காட்டி தனியார் நிறுவனங்கள் பால் விற்பனையை உயர்த்துகின்றனர்.ஆனால் பால் முகவர்களுக்கு கமிஷன் தொகையை உயர்த்தவில்லை. வருகிற 25–ந்தேதிக்குள் எங்களுடன் தனியார் பால் நிறுவனங்கள் பேச்சுவார்த்தைக்கு அழைக்கவில்லை என்றால் உண்ணாவிரத போராட்டத்தில் ஈடுபடுவோம்.”என்று அவர் தெரிவித்துள்ளார். அதிர்ச்சி

by **சிவா** Fri Aug 16, 2013 6:08 pm

தகவலுக்கு நன்றி வாசுகி!

நள்ளிரவில் சுதந்திரம் கிடைத்ததால் அனைத்து விலைகளும் நள்ளிரவிலேயே அதிகரிக்கிறது என நினைக்கிறேன்.

by **சிவா** Fri Aug 16, 2013 6:10 pm

விலை உயர்வைக் கண்டித்து போராட்டம் நடத்தாத கட்சிகளே இல்லை, ஆனால் இவர்கள் போராட்டம் என்பது வெறும் கண் துடைப்பு என்பது அனைவருக்கும் தெரியும், இவர்கள் எதிர்ப்பு தெரிவித்து உயர்ந்த விலை இதுவரை குறைந்ததில்லை. வெறும் கண் துடைப்பு எனத் தெரிந்தும் பத்திரிக்கைகள் இந்தச் செய்திக்கு ஏன் முக்கியத்துவம் அளிக்கிறது எனத் தெரியவில்லை.

by **ஜாஹீதாபானு** Fri Aug 16, 2013 6:16 pm

சென்னைல மட்டும் என்று சொன்னார்களே சோகம்

by **சிவா** Fri Aug 16, 2013 6:19 pm

ஜாஹீதாபானு wrote:சென்னைல மட்டும் என்று சொன்னார்களே

நல்ல வேளை இந்த விலையேற்றம் எங்களைப் பாதிக்காது. எங்கள் பசுமாடு வழக்கம் போல் பால் தரும். ஏனென்றால் அதற்கு இந்த விலையேற்றம் பற்றித் தெரியாது. (மொக்கை... மொக்கை... மொக்கை)

by **ஜாஹீதாபானு** Fri Aug 16, 2013 6:23 pm

சிவா wrote:
ஜாஹீதாபானு wrote:சென்னைல மட்டும் என்று சொன்னார்களே
நல்ல வேளை இந்த விலையேற்றம் எங்களைப் பாதிக்காது. எங்கள் பசுமாடு வழக்கம் போல் பால் தரும். ஏனென்றால் அதற்கு இந்த விலையேற்றம் பற்றித் தெரியாது. (மொக்கை... மொக்கை... மொக்கை)

மலேசியால மாடு வச்சிருக்கிங்களா?

by **சிவா** Fri Aug 16, 2013 6:25 pm

ஜாஹீதாபானு wrote:
சிவா wrote:
ஜாஹீதாபானு wrote:சென்னைல மட்டும் என்று சொன்னார்களே
நல்ல வேளை இந்த விலையேற்றம் எங்களைப் பாதிக்காது. எங்கள் பசுமாடு வழக்கம் போல் பால் தரும். ஏனென்றால் அதற்கு இந்த விலையேற்றம் பற்றித் தெரியாது. (மொக்கை... மொக்கை... மொக்கை)
மலேசியால மாடு வச்சிருக்கிங்களா?

மலேசியாவில் பால் விலை உயரவில்லையே! தமிழகத்தில் கூறினேன்!

by ராஜு சரவணன் Fri Aug 16, 2013 6:26 pm

இந்த விலைகளை பற்றி பேசும் நீங்கள் சரக்குகளின் விலை ஏற்றத்தை பற்றி யாரவது கவலைபட்டதுண்டா அய்யோ, நான் இல்லை

by **ஜாஹீதாபானு** Fri Aug 16, 2013 6:27 pm

சிவா wrote:
ஜாஹீதாபானு wrote:
சிவா wrote:
ஜாஹீதாபானு wrote:சென்னைல மட்டும் என்று சொன்னார்களே
நல்ல வேளை இந்த விலையேற்றம் எங்களைப் பாதிக்காது. எங்கள் பசுமாடு வழக்கம் போல் பால் தரும். ஏனென்றால் அதற்கு இந்த விலையேற்றம் பற்றித் தெரியாது. (மொக்கை... மொக்கை... மொக்கை)
மலேசியால மாடு வச்சிருக்கிங்களா?
மலேசியாவில் பால் விலை உயரவில்லையே! தமிழகத்தில் கூறினேன்!

அது சரி இங்க நாங்க வாடகை வீட்டில மாடு வச்சுக்க முடிய்மா?