நடிகர் மணிவண்ணனின் மனைவி மரணம்

by soplangi Fri Aug 16, 2013 2:44 pm

சென்னை: கணவர் இறந்த 2 மாதத்தில் நடிகரும், இயக்குனருமான மணிவண்ணனின் மனைவி செங்கமலம் மரணம் அடைந்தார். இயக்குனரும், நடிகருமான மணிவண்ணன் கடந்த ஜூன் மாதம் 15ம் தேதி மாரடைப்பால் மரணம் அடைந்தார். அவருக்கு செங்கமலம்(55) என்ற மனைவியும், ரகுவண்ணன் என்ற மகனும், ஜோதி என்ற மகளும் உள்ளனர். செங்கமலத்தால் கணவர் திடீர் என்று இறந்த அதிரிச்சியில் இருந்து மீள முடியவில்லை. அவர் மகனுடன் சென்னை கே.கே.நகர் ஜெய்பாலாஜி நகர் திருமலை தெருவில் உள்ள வீட்டில் வசித்து வந்தார். இந்நிலையில் கடந்த சில நாட்களுக்கு முன்பு அவரது உடல் நலம் பாதிக்கப்பட்டது. மருத்துவமனையில் சிகிச்சை பெற்றும் பலனில்லை. இந்நிலையில் அவர் இன்று அதிகாலை மரணம் அடைந்தார். செங்கமலத்தின் உடலுக்கு நாம் தமிழர் கட்சி தலைவர் சீமான் மற்றும் அவரது கட்சி நிர்வாகிகள் அஞ்சலி செலுத்தினர். இது குறித்து தகவல் அறிந்த திரையுலகினர் செங்கமலத்தின் உடலுக்கு அஞ்சலி செலுத்தி வருகின்றனர். அவரது இறுதிச் சடங்கு இன்று மாலை நடைபெறுகிறது.

-- ஒன் இந்தியா

by **ஜாஹீதாபானு** Fri Aug 16, 2013 3:03 pm

by **அருண்** Fri Aug 16, 2013 3:06 pm

இவர்கள் குடும்பத்திற்கு ஆழ்ந்த இரங்கல்..
இவரது ஆன்மா சாந்தியடையட்டும்...

by அசுரன் Fri Aug 16, 2013 8:29 pm

பட்ட காலிலே படும் என்பது போல அடுத்தடுத்து மரணங்கள். பாவம் சோகம்

by **Aathira** Fri Aug 16, 2013 8:35 pm

அடக் கடவுளே!
அவரது ஆன்மா அமைதியடைய இறைவனைப் பிரார்த்திப்போம்.

by **ரா.ரா3275** Fri Aug 16, 2013 9:00 pm

செங்கமலம் அம்மாவின் ஆத்மா சாந்தி்யடையட்டும்....

by **krishnaamma** Fri Aug 16, 2013 9:06 pm

அடப்பாவமே

பாவம் அந்த பெண்ணும் பிள்ளையும், அவர்களுக்கு நல்ல மன தைரியத்தை அந்த ஆண்டவன் தரட்டும். :வணக்கம்:

by **Muthumohamed** Sat Aug 17, 2013 12:39 am

ஆழ்ந்த இரங்கல்கள் அந்த அம்மாவிர்க்கு

by **ராஜா** Sat Aug 17, 2013 11:21 am

மனம் ஒத்த தம்பதிகள் இப்படி தானா ஒருவரை பிரிந்து ஒருவர் வாழமுடியாது. இருவருக்கும் இனியொரு பிறவி இல்லா பெருவாழ்வு அமைய இறைவனை பிரார்த்திக்கிறேன்.

இவர்களின் குழந்தைகள் தன்னம்பிக்கையுடன் வாழ்க்கையை எதிர்கொள்ள ஆண்டவனும் நல்ல உற்றார் உறவினர்களும் உதவ வேண்டும்