செத்தால் மட்டும் தான் சுடுகாடா....???? (Mano Red)

by Mano Red Fri Aug 16, 2013 12:19 pm

இசைநிறை வரியென
இதய வெற்றிடம் நீ சூழ்ந்தால்,
இயல்பு தன்மை நான் மறந்து
இன்னிசை பாடி இமை திறப்பேன்...!!

ரசாயன மாற்றம் சிறு நொடியில்
ரசவாதம் என்னுள் சேர்த்து,
ரசனை மிக்க கவி ஒன்றை
ரசித்து எழுதி உனக்களிப்பேன்..!!

நீலக்கதிர் வானமாய் நீ என்னை
நுகர்வது போல் உணர்ந்து,
நினைவகம் இழந்த
குறுந்தகடாய் குறுகி நிற்பேன்..!!

மிரளச் செய்யும் உன் விழியும்
உறைய வைக்கும் உன் இதழும்,
மின்சாரமாய் தாக்கினால்
நடு நடுங்கி தூரம் விழுவேன்..!!

மேலே சொன்ன வரிகள் எல்லாம்
காதல் கிறுக்கு பிடித்தவனின் உளறல்,
பெயர் ஒழுங்காய் எழுத தெரியாதவனுக்கு
காதல் கவிதை ஒரு கேடு..!!

காதல் வந்தால் கவிதை வருமென
யாரோ அவனிடம் உளற,
இவனும் கவிதை எழுத காதல் தேடி
இவனை தொலைத்தது தான் மிச்சம்.!!

உலகின் மிகப்பெரிய முட்டாள்
மனதை அடக்க முடியா மனிதன்,
அலைபாய துடிக்கும் மனதை
அடக்கி ஆள்பவனே அறிவாளி..!!!

முன்னோர் சொன்ன வார்த்தை ஒன்று
செத்தால் மட்டுமே சுடுகாடு,
தவறிய காதல் தரும் பாடம் ஒன்று
வாழ்க்கை முழுவதும் சுடுகாடு...!!

by **பார்த்திபன்** Fri Aug 16, 2013 12:28 pm

அட்டகாசமான கவிதை! வாழ்த்துகள்!! சூப்பருங்க

by ராஜு சரவணன் Fri Aug 16, 2013 1:23 pm

அறிவாளி கவிதை அருமை நண்பரே புன்னகை

by Mano Red Fri Aug 16, 2013 1:24 pm

நன்றி....sir

by ராஜு சரவணன் Fri Aug 16, 2013 1:30 pm

Mano Red wrote:நன்றி....sir

ஆரம்பத்திலிருந்தே உங்கள் கவிதைகளை கூர்ந்து வருகிறேன். நல்ல தரமாக, வார்த்தை தட்டுப்பாடில்லாமல் சரவெடி போல் கவிதை எழுதும் உங்கள் கவிதைக்கு நல்ல எதிர்காலம் உண்டு.

வாழ்த்துக்கள்