தமிழின் நுட்பத்தை அறிவோம்

venugobal · venugobal Thu 15 Aug 2013 - 22:43

(தமி்ழ் எழுத்து வடிவங்களுக்குப் பெயர்க் காரணம் பற்றி எழுப்பப்பட்ட வி்னாவைப் பார்த்த பிறகு அதற்கு விடை பகரும் வகையில் நான் பதிவுசெய்தது).).

தமிழ் எழுத்து வடிவம் காலத்துக்குக் காலம் மாறி வந்துள்ளது. அது நிலையானதன்று. அதலான்றோ, தொல்காப்பியமும் எழுத்தின் ஒலிப்பும் எழுத்துப் பிறப்பும் மட்டுமே பேசுகிறது. அதன் வரிவடிவ நிலைபற்றி விளக்கவில்லை. அந்த நுட்பத்தை நாம் உணர்ந்துகொள்ளவேண்டும். தமிழில் உயிரெழுத்துக்களுள் மூல எழுத்துக்கள் அ, இ, உ என்பனவே ஆகும். அதன் நீண்ட ஒலிப்பே நெடிலாக அமைகிறது. எ, ஒ எழுத்துக்கள் ஒலிப்புத் தேவை கருதியும் பேச்சு ஒலித்திரிபுகளாலும் வந்தவை. உலகம் என்பது ஒலகம் என்றும், இலை என்பது எலை என்றும் வருவதை எண்ணிப் பாருங்கள். ஐகாரமும், ஒளகாரமும் இறுதியில் வந்து சேர்ந்தவை. அவை உயிர்+மெய் என்பதன் கூட்டொலி ஆகும். ஐ என்பதை அய் என்றும் ஒலிக்கலாம்; ஒள என்பதை அவ் என்றும் ஒலிக்கலாம். உயிரெழுத்துக்களுக்கும் , மெய்யெழுத்துக்களான யகர மெய், வகர மெய் ஆகியவற்றிற்கும் நெருங்கிய தொடர்புண்டு. ஈருயிர் எழுத்துக்களை உடம்படுத்த இந்த இரண்டு மெய்களே உடம்படுமெய்களாகப் பயன்படுகின்றன. தமிழ் ஓர் அறிவியல் மொழி. அதன் ஒவ்வொரு கூறும் நம்மை வியப்பில் ஆழ்த்தும் தன்மையது.

ராஜு சரவணன் · ராஜு சரவணன் Fri 16 Aug 2013 - 0:55

உலகிலேயே முதன்முதலாக மனிதனின் ஒலியை அறிவியல் முறைபடி பகுத்து உயிரெழுத்து 12 மெய்யெழுத்து 18 ஆயுத எழுத்து 1 என பிரித்து, இந்த எழுத்துக்களை கொண்டு மனிதனால் பேசக்கூடிய அனைத்து சொற்களையும் அலகு பிறழாமல் எழுத்து வடிவத்தில் எழுதக்கூடிய வல்லமை கொண்ட நம் தமிழ் உண்மையில் ஒரு அறிவியல் மொழி தான்.

நல்ல கருத்துக்கள் நண்பரே வாழ்த்துக்கள் புன்னகை