பெங்களூரு மலர்க்கண்காட்சியில்...

by **krishnaamma** Sun Aug 11, 2013 4:39 pm

நாட்டின் தோட்ட நகரம் என்றழைக்கப்படும் பெங்களூருவில் ஆண்டுக்கு இரண்டு முறை அங்குள்ள பிரபலமான லால்பாக்கில் மலர்க்கண்காட்சி நடைபெறுகிறது.

குடியரசு தினம் மற்றும் சுதந்திரதினம் ஆகிய தினங்களை முன்னிட்டு இந்த மலர்க்கண்காட்சி நடைபெறும். தற்போது சுதந்திர தினத்தை முன்னிட்டு மலர்க்கண்காட்சி நடந்து வருகிறது.

மலர்களைக்கொண்டு வருடாவருடம் வித்தியாசமான உருவங்களை தயார் செய்வது இந்த கண்காட்சியின் ஸ்பெஷாலிடி. அப்படிப்பார்க்கும் போது இந்த வருடம் தண்ணீரில் மிதக்கும் படகும், மலர் ஆடை உடுத்திய வெளிநாட்டு பெண்ணின் உருவமும் பலரை கவர்ந்து வருகிறது.

by **krishnaamma** Sun Aug 11, 2013 4:42 pm

இதே போல பானையில் இருந்து ஆறு ஓடுவது போல மலர்கள் பெருக்கெடுத்து ஒடுவதும் கண்கொள்ளாக்காட்சியாகும்.
இந்த மலர்க்கண்காட்சியில் இது போல நூற்றுக்கணக்கான உருவகங்களை மலர்களால் உருவாக்கியுள்ளனர். ஏற்கனவே குளுமையும், பசுமையும் நிறைந்துள்ள இடம் என்பதால் மலர்கள் எதுவும் வாடாமல் புத்தம் புதிதாக காட்சிதருகிறது.

பெங்களூரு மலர்க்கண்காட்சியில்... Hh43

by **krishnaamma** Sun Aug 11, 2013 4:44 pm

வண்ணமயமான ஆயிரக்கணக்கான மலர்கள் கண்காட்சியில் இடம் பெற்றுள்ளது பார்வையாளர்களை கவர்ந்துள்ளது. சுதந்திர தினம் வரை நடைபெறும் இந்த மலர்க்கண்காட்சியை வாய்ப்பு உள்ளவர்கள் கண்டு மகிழலாம்.

பெங்களூரு மலர்க்கண்காட்சியில்... Vyoz