அனைத்து துறையிலும் தமிழகம் முன்மாதிரி

**krishnaamma** · **krishnaamma** Sat Aug 03, 2013 10:28 pm

""தமிழகம் முன்னேறி வரும் மாநிலம் மட்டுமின்றி, நாட்டின் பிற மாநிலங்களுக்கு முன்மாதிரியாகவும் திகழ்கிறது. வருங்காலத்தில், மேலும் பல வெற்றிகளை தமிழக மக்கள் பெறுவர்,'' என, பிரதமர் மன்மோன் சிங் பேசினார்.

புதுக்கோட்டை மாவட்டம், திருமயம், ஓலைக்குடிப்பட்டியில், 350 கோடி ரூபாய் செலவில் அமைக்கப்பட்டுள்ள, "பெல்' துணை நிறுவனத்தை திறந்து வைத்து, அவர் பேசியதாவது:

மின்குழாய் பிரிவு:

திருமயம் பெல் நிறுவனத்தின், மின் குழாய்கள் பிரிவையும், திருச்சி பெல் நிறுவனத்தில் உயர் அழுத்த கொதிகலன், இரண்டாவது பிரிவையும் திறந்து வைத்து, நாட்டுக்கு அர்ப்பணிப்பதில் மகிழ்ச்சிஅடைகிறேன். இந்த நிறுவனம் நாட்டின் பின்தங்கிய பகுதிகளை மேம்படுத்துவதில், அரசின் ஈடுபாட்டை எடுத்துக் காட்டுகிறது. இத்தகைய புதிய உற்பத்தி தொழிற்சாலைகள், ஒரு பகுதிக்கு அளிக்கும் நன்மைகள், ஏராளமானவை. தொழில் உற்பத்தியில், நம் நாடு ஆற்ற வேண்டிய பணி நிறைய உள்ளது. நாட்டின் மொத்த உள்நாட்டு உற்பத்தியின், ஒரு பகுதியாகவும், முழுமையான அளவிலும், நாம், தொழில் உற்பத்தியை, அதிகரிக்க வேண்டிய கட்டாயத்தில் உள்ளோம். இது ஒன்றே, நம் தொழிலாளர்களுக்கு ஆக்கபூர்வமான வேலைவாய்ப்பை உருவாக்க உதவும். தற்போதைய மின் பற்றாக்குறையை சமாளிக்கவும், வளர்ந்து வரும் பொருளாதார தேவைகளை பூர்த்தி செய்யவும், கூடுதல் திட்டங்கள் தேவைப்படுகின்றன. 12வது ஐந்தாண்டு திட்டத்தில் புதுப்பிக்கத்தக்க எரிசக்தி மூலம், ஒரு லட்சம் மெகா வாட்டுக்கும் அதிகமான உற்பத்தி திட்டத்தை, மத்திய அரசு இலக்காக கொண்டுள்ளது. புவி வெப்பமயமாதல் என்பது, உலகளவில் அனைவரின் கவனத்தையும் ஈர்த்துள்ளது. புவி வெப்ப மாற்றத்தால், மிக மோசமாக பாதிக்கப்பட்டுள்ள நாடுகளில், இந்தியாவும் ஒன்று. தொழில்நுட்ப புத்தாக்கத்தின் வாயிலாக, கார்பன் தடங்களை குறைப்பதற்கான வழி வகைகளை, ஆராய வேண்டியது அவசியம். நம் நாட்டில், 50 சதவீதத்துக்கும் அதிகமான மின் உற்பத்தி, நிலக்கரியை அடிப்படையாகக் கொண்டு செய்யப்படுகிறது. இதன் காரணமாக, பசுமை இல்ல வாயுக்கள், பெருமளவு வெளியாகின்றன. இதைக் கட்டுப்படுத்தும் விதமாக, பெல் நிறுவனம், தூய நிலக்கரி தொழில்நுட்பத்தை பயன்படுத்த, நடவடிக்கை எடுப்பது மகிழ்ச்சியளிக்கிறது.

சூரிய சக்தி மின்சாரம்:

ஜவஹர்லால் நேரு, தேசிய சூரிய சக்தி இயக்ககம், 13வது ஐந்தாண்டு திட்டத்தின் இறுதியில் சூரிய சக்தி மூலம், 20 ஆயிரம் மெகா வாட் மின் உற்பத்தித் திறனை உருவாக்க திட்டமிட்டு உள்ளது. புவி வெப்ப மாற்றத்தை, எதிர்கொள்வதற்கான நம் நடவடிக்கைகளில் இதுவும் ஒன்றாகும். பெல் நிறுவனமும், சூரிய சக்தி தொழில்நுட்ப வளர்ச்சியில் முக்கிய பங்கு வகிக்கும் என, நம்புகிறேன். தமிழகம் முன்னேறி வரும் மாநிலம் மட்டுமின்றி, நாட்டின் பிற மாநிலங்களுக்கு முன்மாதிரியாகவும் திகழ்கிறது. வருங்காலத்தில், மேலும் பல வெற்றிகளை தமிழக மக்கள் பெறுவர். இவ்வாறு, பிரதமர் பேசினார்.

நன்றி : தினமலர்

**krishnaamma** · **krishnaamma** Sat Aug 03, 2013 10:29 pm

எல்லாம் sari இந்த கரண்ட் கரண்ட் என்று ஒண்ணு காணாமலே போச்சே ......... அதுக்கும் நம் தமிழகம் தான் முன்னோடியா? அநியாயம்

**Muthumohamed** · **Muthumohamed** Sun Aug 04, 2013 6:31 am

**SajeevJino** · **SajeevJino** Sun Aug 04, 2013 9:22 am

தமிழகம் முன்னேறி வரும் மாநிலம் மட்டுமின்றி, நாட்டின் பிற மாநிலங்களுக்கு முன்மாதிரியாகவும் திகழ்கிறது. வருங்காலத்தில், மேலும் பல வெற்றிகளை தமிழக மக்கள் பெறுவர். இவ்வாறு, பிரதமர் பேசினார்.

பிடி பிடி நல்லா காக்கா பிடி

இந்த பதிவைத் துவங்கியவர் நன்றி கூறியுள்ளார் SajeevJino

**krishnaamma** · **krishnaamma** Sun Aug 04, 2013 12:41 pm

நன்றி முத்து, நன்றி சஞ்சீவ் புன்னகை

**SajeevJino** · **SajeevJino** Sun Aug 04, 2013 3:09 pm

krishnaamma wrote: நன்றி சஞ்சீவ்

அனைத்து துறையிலும் தமிழகம் முன்மாதிரி Respect

positivekarthick · positivekarthick Sun Aug 04, 2013 9:53 pm

அம்மா ஆட்சி உண்மையிலயே நல்லாத்தான் இருக்கு . மகிழ்ச்சி

sivarasan · sivarasan Sun Aug 04, 2013 11:57 pm

நல்ல பகிர்வு தோழரே அருமையிருக்கு

**பிளேடு பக்கிரி** · 01/03/2010

எல்லாம் சரி தான்... ஆனா தமிழகம் முன்னேற இந்த மண்ணு மோகனோட காங்கிரஸ் அரசு என்ன பண்ணிச்சாம்? அதிர்ச்சி

Kuzhali · Kuzhali Mon Aug 05, 2013 1:26 pm

ஆம்பிளைங்க டாஸ்மாக் போய் கெடுத்துக்கும்போது
..... பொம்பளைங்க சீரியல் பார்த்து கெட்டுக்கிட்டு இருக்கும்போது .......
தமிழகம் முன்னால மட்டுமில்ல சைடுல கூட முன்மாதிரியா இருக்க முடியாது.
"ஒருமாதிரியா' வேணா மாறலாம்.

Sponsored content · Sponsored content

அனைத்து துறையிலும் தமிழகம் முன்மாதிரி

அனைத்து துறையிலும் தமிழகம் முன்மாதிரி

Re: அனைத்து துறையிலும் தமிழகம் முன்மாதிரி

Re: அனைத்து துறையிலும் தமிழகம் முன்மாதிரி

Re: அனைத்து துறையிலும் தமிழகம் முன்மாதிரி

Re: அனைத்து துறையிலும் தமிழகம் முன்மாதிரி

Re: அனைத்து துறையிலும் தமிழகம் முன்மாதிரி

Re: அனைத்து துறையிலும் தமிழகம் முன்மாதிரி

Re: அனைத்து துறையிலும் தமிழகம் முன்மாதிரி

Re: அனைத்து துறையிலும் தமிழகம் முன்மாதிரி

Re: அனைத்து துறையிலும் தமிழகம் முன்மாதிரி

Re: அனைத்து துறையிலும் தமிழகம் முன்மாதிரி

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக