யாரோவா நீ?

**சாமி** · **சாமி** Sun Aug 04, 2013 8:47 am

First topic message reminder :

விக்கல் வரும்போதெல்லாம்
அம்மா சொல்கிறாள்
யாரோ நினைக்கிறார்கள் என்று
கோபம் கோபமாக வருகிறது
யாரோவா நீ?

- இயக்குனர் லிங்குசாமி
நன்றி-தினமணி

**Aathira** · **Aathira** Mon Aug 05, 2013 4:21 pm

அத்தனை கவிதைகளும் முத்து முத்தாக. படித்தவுடன் மனம் லேசானது போல ஒரு உணர்வு. அந்தக் குழந்தைகளை நேரில் பார்த்தது போல மகிழ்ச்சி.
பதிவிட்ட சாமி மற்றும் பார்த்திபன் இருவருக்கும் மனம் சொல்லும் நன்றி. அன்பு மலர்

mbalasaravanan · mbalasaravanan Mon Aug 05, 2013 4:48 pm

சாமி wrote:வெள்ளையடிக்க வேண்டாமென்று
சுவரெங்கும் சுற்றறிக்கை
குழந்தையின் கைவண்ணம்.

-வெ. சாக்கன் எழுதிய "முந்திச் செல்கிறது காலம்'

இதை போல் உங்களால் மட்டுமே சொல்ல முடியும் அருமை அருமை

**சாமி** · **சாமி** Tue Aug 06, 2013 11:42 am

இமெயில்
இண்டர்நெட்
செல்பேசி
குறுஞ்செய்தி
என எல்லாம் நவீனமானாலும்
தபால்காரர் வீட்டுக்குள் வீசிவிட்டுப் போகும்
தபாலில் இன்னும் இருக்கிறது உயிர்!

- 'கவிவாணன்' எழுதிய 'அர்ப்பணிப்பு' என்கிற கவிதை

**சாமி** · **சாமி** Tue Aug 06, 2013 11:47 am

வரதட்சணையைக்
கொடுத்த வலி
நாதஸ்வரத்திலும்
அதை வாங்கிய மகிழ்ச்சி
தவிலிலும்
கேட்பதாகப்படுகிறது
நடுத்தரக் குடும்பங்களின்
ஒவ்வொரு திருமணத்திலும்!

-கவிஞர் ஜெயபாஸ்கரன். "மனைவியானேன் மகளே' என்கிற கவிதைத் தொகுப்பிலிருந்து "உணர்வு' என்கிற கவிதை-

**சாமி** · **சாமி** Tue Aug 06, 2013 12:02 pm

சாலைகளில், ஓட்டல் வாசல்களில்
தெரு முனைகளில், கோயில்களில்,
வயதான மூதாட்டி கையேந்தும் போதெல்லாம்
குறுகுறுக்கிறது
போன மாதம் வீட்டுக்குப் பணம் அனுப்ப
மனசில்லாத மனசு!

- மேஹாஷ்.

**சாமி** · **சாமி** Tue Aug 06, 2013 12:21 pm

அவள் என்னைப்
பற்றியே எல்லாரிடமும்
பேசுவதை உணர்கிறேன்

எப்பொழுது என்னைப்
பார்க்க முடியும் எனவும்
எப்பொழுது என்னைக்
கட்டி அணைக்க முடியும் எனவும்
முத்த மழை பொழிந்து
மொத்தமாக எனை அவளின்
அன்பினால் ஆள,
ஆழத் துடிப்பதையும்
அறிகின்றேன்.

அவளைக் காணவும்
அணைக்கவும், முத்தமிடவும்
ஆவலாக நானும்
காத்திருக்கிறேன்

அவளது கருவில்!

- "தமிழ் மலர்' எழுதிய கவிதை

**ஜாஹீதாபானு** · 16/04/2011

சாமி wrote:அவள் என்னைப்
பற்றியே எல்லாரிடமும்
பேசுவதை உணர்கிறேன்

எப்பொழுது என்னைப்
பார்க்க முடியும் எனவும்
எப்பொழுது என்னைக்
கட்டி அணைக்க முடியும் எனவும்
முத்த மழை பொழிந்து
மொத்தமாக எனை அவளின்
அன்பினால் ஆள,
ஆழத் துடிப்பதையும்
அறிகின்றேன்.

அவளைக் காணவும்
அணைக்கவும், முத்தமிடவும்
ஆவலாக நானும்
காத்திருக்கிறேன்

அவளது கருவில்!

- "தமிழ் மலர்' எழுதிய கவிதை

ரொம்ப அருமை
ஆரம்பம் சூப்பர் முடிவு அசத்தல்

**சாமி** · **சாமி** Tue Aug 06, 2013 12:37 pm

தந்தையின் தோளில் அமர்ந்து
திருவிழா பார்க்கும் குழந்தைக்குத்
தெரியுமோ... தெரியாதோ...
தன்னைத் தூக்கிச் சுமப்பதுதான்
தந்தையின் திருவிழா என்று!

- "ஆனந்த விகடன்' "சொல்வனம்' பகுதியில் வெளிவந்திருக்கும் துஷ்யந்த் சரவணராஜ் எழுதிய "இரு விழா' என்கிற கவிதை

**சாமி** · **சாமி** Tue Aug 06, 2013 12:43 pm

சுகம்

குப்புறப்படுத்து
குழந்தை
உறங்கும்போது
சுகமாக
இருந்தது -
தலையணைக்கு!

-எச்.சி. சரண்யா

**சாமி** · **சாமி** Tue Aug 06, 2013 12:45 pm

தொட்டில்

சந்தோஷத்தில்
மேலும் கீழும்
குதியாட்டம் போடுகிறது
குழந்தையைச் சுமந்த
தொட்டில்!

-எஸ்.டேனியல் ஜுலியட்

Sponsored content · Sponsored content

யாரோவா நீ?

யாரோவா நீ?

Re: யாரோவா நீ?

Re: யாரோவா நீ?

Re: யாரோவா நீ?

Re: யாரோவா நீ?

Re: யாரோவா நீ?

Re: யாரோவா நீ?

Re: யாரோவா நீ?

Re: யாரோவா நீ?

Re: யாரோவா நீ?

Re: யாரோவா நீ?

Re: யாரோவா நீ?

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக