500 மில்லியன் வருடங்களுக்கு முன் கடலுக்கடியில் இருந்தது யார்?

1909ம் வருடம், கனடாவின் பாறைகளை அமெரிக்க ஆராய்ச்சியாளர் சார்லஸ் டூலிட்டில் வால்காட் 530 மில்லியன் பழமையான உயிரின படிமன்களை கண்டு திகைத்து போய்விட்டார்.

அந்த கால கட்டத்தை ஆராய்ச்சியாளர்கள், "கேம்பிரியக் காலகட்டம்' என குறிப்பிடுகின்றனர். அப்போது வடக்கு அமெரிக்காவின் ஆழம் அற்ற கடலில் மண் அடுக்குகளில் வாழ்ந்த உயிரினங்களின் புதை படிமன்களாகும் இவை. தண்ணீரின் அடியில் ஏற்பட்டது நிலச்சரிவு. அங்கே வாழ்ந்து கொண்டிருந்த உயிரினங்கள் ஆழப் புதைந்துவிட்டன. அங்கே கடும் குளிரும், ஆக்ஸிஜன் இல்லாத ஆழமும் நிலவியது. இயற்கையாக அமைந்து விட்ட இந்த புதைவு அத்தனை வருடத்திய கதையை மிக அழகாக, ஒவ்வொரு விவரத்தையும் தெள்ளத் தெளிவாக அளித்துள்ளது.

மில்லியன் கணக்கான ஆண்டுகளாக இந்த சேமிக்கப்பட்ட விவரங்கள், படிந்த மண் மற்றும் களிமண்ணால் ஆன பாறை, மிக வலிமையாக நிற்கிறது. இதனை பர்கெஸ்ஷேல் என்பர்.

பர்கெஸ் ஷேல் போன்றதுதான் ப்ரீகேம்பிரியன் பதிகை பதிவுகள். ஆனால், ப்ரீகேம்பிரியன் பதிவு போல் இல்லாமல் பர்கெஸ் ஷேல் பதிவு ஒவ்வொரு நுணுக்கமான, வித்தியாசமான பதிவுகளை பதித்து வைத்திருக்கும். இதன் மூலம், உயிரின விவரங்களை சிறப்பாய் அறியலாம்.

பொதுவாய் இது போல எண்ணற்ற ஆண்டுகளின் பதிவில் பதியாத மிக மென்மையான உயிரின பதிவுகள் பர்கெஸ்ஷேல் பதிவில் இடம்பெறுவது மேலும் சிறப்பாகும். இதன் மூலம் அவ்வளவு முந்தைய காலத்தில் வாழ்ந்து வழக்கொழிந்த உயிரினங்களின் பதிவு இவற்றில் காணப்பெறலாம். அதாவது முன்னெப்பொழுதும் வாழ்ந்த உயிரினங்களை காணலாம்.

பர்கெஸ்ஷேல் பதிவு என்பது ஆராய்ச்சியாளர்களுக்கு எண்ணற்ற காலங்களுக்கு முந்தைய விவரங்களை அல்வா துண்டு போல அளித்தது எனலாம். ப்ரீகேம்பிரியன் காலகட்டத்திற்கு பின் கேம்பிரியன் காலம் வருவதற்குள்ளாகவே ஏராளமான உயிரின விவரங்கள் கிடைத்தன. பின் வெதுவெதுப் பான கடல் தண்ணீர் கண்டங்களின் பாறைகளை தழுவி அவற்றை அனைத்து வகை சத்து நிறைந்த மலைகளாக, நிழல் தரும் குன்றுகளாக மாற்ற, இந்த மாற்றம் எண்ணற்ற புதிய உயிரினங்களை பூமிக்கும், தண்ணீருக்கும் தந்தது.

இப்படி கிடைக்கப் பெற்ற ஒவ்வொரு உயிரினமும் விதவிதமான விவரங்களை தந்தது. பருவ மற்றும் சுற்றுச் சூழலின் கடுமையான மாற்றத்தையும் அப்படி கிடைத்த உயிரின விவரங்களோடு, பலாஜோயிக் காலகட்ட உயிரின விவரங்கள் சிலவும் இங்கு தரப்பட்டுள்ளன.

பாலாஜோயிக் கால கட்ட உயிரினங்கள்

கடல் அல்லி: இதன் வகைகள் பல இருந்தாலும் ஏராளமாக வளர்ந்து, அதிக காலங்கள் நிலைத்த அல்லி வகை இதுதான். இது முதுகெலும்பு இல்லாத பூ போன்ற உயிரினமாகும். நீரின் ஊடே இந்த அல்லியை அதன் தண்டு தாங்குகிறது.

மரேல்லா: மூச்சு விடுவதற்கான, சிறகுகளுடனான செதில்கள் இதன் கால்களில் இருக்கும். இந்த மிகச் சிறிய முதுகெலும்பில்லாத உயிரினம். ஜரிகை நண்டு என்றும் அழைக்கப்படும். கேம்பிரியன் காலகட்டத்திலிருந்து இத்தாவரம் தழைக்க ஆரம்பித்தது.

சான்கடாகாரிஸ்: இந்த முதுகெலும்பு இல்லாத உயிரினம், வலிமையான நீச்சல் வீரர். இவர் எதிரியை நேருக்கு நேராக சந்தித்து துவம்சம் செய்வதில் சிறந்தவர்.

பிராச்சியோபோட்: இந்த முதுகெலும் பில்லாத கடல் தாவரம், ஓட்டினால் மூடப் பட்டு இருக்கும். இதன் தண்டு, வளையும் தன்மை உடையது.

ட்ரைலோபைட்: அதிகம் காணப்படும் உயிரினம் இவை. இவை கேம்பிரியன் காலகட்டத்தில் இருந்து காணப்படுகிறது. கடலுக்கடியிலேயே இருக்கும். இவை 5 முதல் 8 செ.மீ., நீளம் இருக்கும்
.
சீபல்லோபோட்: தண்ணீரில் உயிர் வாழும் சீபல்லோபோட். இவை தனது இரையை தனது கொடுக்குகளால் பிடிக்கும்.

ருகோஸ் கோரல்: இதன் தொடு உறுப்புகளான இலை போன்ற வடிவ உறுப்பு, சத்துக்களை எடுத்து கொள்ள உதவுகிறது. இதன் தொட்டி போன்ற வடிவம் தரை சத்துக்களை எடுத்துக் கொள்ள உதவுகிறது.

ஹாலுசிஜினியா: ஏழு ஜோடி ஊசி போன்ற கால்களுடன் கடலில் ஓடுபவர் இவர். மேலே இருக்கும் 7 தொடு உணர்வு பாகங்கள் ஒவ்வொன்றின் நுனியில் வாய் என இதற்கு 7 வாய்கள் இருக்கின்றன.

பிரனியா: பல செல் பிராணி இது. ஒரு திரவத்தை கசிய செய்து, ஊசி போன்ற உறுப்பினால் கைப்பற்றி இரையை உண்ணும்.

மெக்கன்ஜியா: கடல் வாழ் உயிரின ஆராய்ச்சியாளர்கள் இதனை விண்மீனோடு ஒப்பிடுகின்றனர்.

பிளவுபட்ட சிப்பி: கோன் வடிவ சிப்பி யான இதற்கு தண்ணீரை வெளியேற்ற, அடிப்பகுதியில் பிளவு இருக்கும்.

ப்ளாஸ்டோஜான்: வெளி ஓடுகள் இதன் மென்மையான உடல் பாகங்களை காக்கிறது. இதனின் முன் பின் வால் போன்ற அமைப்பு உணவை உண்ண உதவுகிறது.

தேன்கூடு தாவரம்: இந்த மென்மையான உயிரினம் பெரிய அளவில் பலாஜோயிக் காலகட்டத்தில் ஏராளமாய் காணப்பட்டது. இந்த தொன்மையான கிண்ண வடிவ தாவரம், இதில் தனது உணவை சேகரிக்கும். இதுவும் பலாஜோயிக் காலகட்டத்தில் ஏராளமாய் காணப்பட்டது.

சிறுவர்மலர்

கடல் வாழ் தாவரங்கள் மற்றும் உயிரிகள் பற்றிய பொது அறிவு தொகுப்பு நன்று தல