நடுவீடு (எ) தென்புலத்தார் வழிபாடு!

by ராஜு சரவணன் Thu Aug 01, 2013 11:40 pm

கிராமங்களில் விட்டின் கதவில் இதை பார்த்திருக்கிறேன் சாமி புன்னகை

பெயர் சரியாக தெரியவில்லை புன்னகை

by **சிவா** Fri Aug 02, 2013 10:49 am

தெரியவில்லை, விளக்கமளியுங்கள் சாமி!

by **சாமி** Sat Aug 03, 2013 7:44 am

போன தலைமுறையைச் சார்ந்த நம்முடைய அம்மாக்களிடம் இந்த படத்தைக் காட்டுங்கள். பட்டென்று சொல்லுவார்கள். இதற்குப் பெயர் நடுவீடு என்று.

போன தலைமுறை வரையில், சிறு வீடோ அல்லது பெரு வீடோ ஒவ்வொரு வீட்டிலும் படத்தில் காட்டியபடி உள்ள தெற்குச் சுவரில் (பூசை அறை இருந்தால் அதன் சுவற்றில்) வடக்கு திசையை நோக்கி, மஞ்சளை உரசி எடுத்து சுவற்றில் வட்டமிட்டு, அதில் குங்குமத்தை மூன்று பட்டைகளாக இட்டு மேலும் கீழும் புள்ளி வைத்திருப்பார்கள் (ஒரு சிலர் பக்கவாட்டிலும் புள்ளிகளை வைத்திருப்பார்கள்).

நல்லநாள் அன்று சமைத்த உணவுகளை, பண்டங்களை நடுவீட்டிற்குப் படைத்து பின் தெய்வத்திற்கும் படைப்பர்.

அன்னிய சூது, மோகம் இவற்றினால் தறிகெட்டுப்போன நமது வாழ்க்கையில் நடுவீடு வழிபாடுகளை இந்த தலைமுறை மறந்து வருகிறது.

தமிழருடைய வாழ்க்கையில் தம்முடைய முன்னோர்களை என்றும் மறந்ததில்லை. தெய்வம் கூட இரண்டாம் இடத்தில்தான். அவர்களை வழிபடுவதுதான் இந்த நடுவீடு வழிபாடு.

இதைத்தான் நமது ஐயன் திருவள்ளுவர் சொன்னார்.
தென்புலத்தார் தெய்வம் விருந்துஒக்கல் தான்என்றுஆங்கு
ஐம்புலத்தாறு ஓம்பல் தலை.
முன்னோர்களை (தென்புலத்தார்) நினைத்துச் செய்யவேண்டிய பூசைனைகளையும், தெய்வத்தை வழிபட்டுச் செய்யவேண்டிய பூசைகளையும், வீட்டுக்கு வந்திருக்கிற விருந்தினர்களையும் தன் குடும்பத்திலுள்ள மற்றவர்களையும் கடைசியாகத் தன்னையும் என்ற வரிசை முறையில் செய்யவேண்டிய கடமைகளைச் செய்வதுதான் இல்லறத்தின் தலைசிறந்த நெறி.

(தொடரும்)

by **சிவா** Sat Aug 03, 2013 9:07 am

அழிந்து வரும் நம் பண்பாடுகளை மீண்டும் அனைவரும் அறிந்து கொள்ள சிறந்த பதிவைத் தந்துள்ளீர்கள். மிக்க மகிழ்ச்சி திரு சாமி.

இன்று நடுவீடு பற்றி அறிந்து கொண்டேன்! வீட்டிற்குச் சென்றதும் நடுவீட்டில் நடுவீடு படம் வரைந்துவிட வேண்டியதுதான்!