இந்தியாவின் ராணுவ தளவாட ஏற்றுமதி

**SajeevJino** · **SajeevJino** Thu Aug 01, 2013 8:52 pm

இந்தியாவின் ராணுவ தளவாட ஏற்றுமதி

உலகில் பல நாடுகள் ஏறக்குறய எல்லா நாடுகளுமே உணவிற்கும் மனித அமைதிக்கும் செலவு செய்யும் பணத்தை விட ராணுவத்திற்க்கு தான் அதிகம் செலவு செய்கின்றன. ஒரு நாட்டின் ராணுவம் அந்த நாட்டு மக்களுக்கு பாதுகாப்பை தரும். அதே நேரத்தில் அதன் எதிரிகளுக்கு அழிவைத்தரும் போர்கள் வந்தாலே அவர்கள் குறி வைப்பது அந்நாட்டின் வளங்களைத் தான் அணைகளை தகர்ப்பது மின் விநியோகத்தை சீர்குலைப்பது. இவை அதை பெரிய அழிவுக்கு வழி வகுக்கும். மேலும் மக்கள் யாரும் போரில் பங்கு பெறாதவாறு தடுத்து விடும்.

ஆரம்பத்திலிருந்தே இந்தியா பல நாடுகளிடம் ஆயுதங்களை வாங்கியுள்ளது இருந்தாலும் நம்மை விட சிறிய நாடுகள் கூட ஆயுத உற்பத்தியில் வல்லவர்கள் .

கடந்த மூன்று ஆண்டுகளில் மட்டும் இந்தியா ஆயுதம் வாங்க மொத்தம் 60 பில்லியன் டாலர்களை வெளி நாடுகளுக்கு கொடுத்திருக்கின்றது .ஆனால் இதே நேரத்தில் நாம் வெறும் ஒரு பில்லியன் டாலர் அளவிலே ஆயுதங்களை ஏற்றுமதி செய்துள்ளோம்.

பிரச்னை பல இடங்களில் உள்ளது .நம்மிடம் ஏராளமான பணியாளர்கள் உள்ளனர். அதே போல் ஏராளமான நிலமும் உள்ளது வளங்களும் உள்ளது. ஆனால் சீனா இதை பயன்படுத்தியதில் பல பிரச்னைகளையும் சந்தித்தது அதன் எந்த படைப்புகளும் உலக சந்தையில் நன்மதிப்பை பெறவில்லை காரணம் அவர்கள் செய்யும் விதமும் அதன் தரமும் தான். எனவே சீனா தனது தயாரிப்புகளை தனது ராணுவத்திற்கு மட்டுமே கொடுக்கிறது. காரணம் ஒரு சிலவற்றில் கோளாறோ அல்லது தரக்குறைவோ கண்டுபிடிக்கப்பட்டால் அந்த நாட்டின் மொத்த தளவாட ஏற்றுமதியும் பிரச்சனைக்கு உள்ளாகி விடும்.

ஆனால் இந்தியாவில் அப்படி இல்லை. காரணம் நமது தளவாடங்கள் உலக அளவில் நல்ல மதிப்புகளை பெற்றுள்ளது . பல நாடுகள் நம்து தயாரிப்புகளை வாங்க ஆர்வம் காட்டுகின்றனர். ஆனால் நமக்கே போதிய அளவு இல்லாத போது அவர்களுக்கு எப்படி கொடுப்பது..உதாரணமாக இந்தியாவின் ஹல் துருவ் இலகு ராக ஹெலிகாப்டர்கள் HAL Dhruv..அதன் வகைகளிலே இது மிக சிறந்த ஒரு படைப்பு இதை பல நாடுகள் இந்தியாவிடம் இருந்து வாங்கி அதன் ராணுவத்திற்கும் மற்றும் மக்கள் பயன்பாட்டுக்கும் பயன்படுத்தி உள்ளன. மேலும் பல நாடுகள் இதை வாங்க முன் பதிவு செய்து உள்ளன. இதில் இந்திய உபகரணங்கள் மட்டும் அல்லாமல் வேறு சில பொருட்களை நம்மால் சுயமாக உருவாக்க முடியாத போது அதை வேறு நாடுகளிடம் இருந்து வாங்கி தான் இதை படைத்துள்ளோம்.இன்னொன்று . . இரு அல்லது மூன்று நான்கு நாடுகள் சேர்ந்து ஒரு ஆயுதத்தை தயாரித்து தங்களது தேவைக்கு பயன்படுத்தி விட்டு வேறு நாட்டிற்கும் விற்கலாம் இதிலும் இந்தியா மிக சிறந்த ஒரு பெயரை எடுத்துள்ளது .

..இதில் பிரமோஸ் ஏவுகணை ஒரு மிகச் சிறந்த எடுத்துக்காட்டு. இந்தியா அதன் 50.5 சதவீத பங்கையும் ரஷ்யா அதன் 49.5 சதவீத பங்கையும் கொண்டுள்ளது. இரு நாடுகளுமே இதை பயன்படுத்துகின்றன. மேலும் இரு நாடுகளும் சம்மதித்தால் தான் அடுத்த நாட்டிற்கும் விற்க முடியும். ஆனாலும் ஆயுத பரவல் தடை சட்டத்தின் படி எந்த நாடும் 300 KM மேல் செல்லும் ஏவுகணைகளை அடுத்த நாட்டிற்கு விற்பனை செய்ய முடியாது. இது பங்களிப்பிலும் பொருந்தும். ஆகவே இந்த கூட்டு தயாரிப்பான ஏவுகணை 300 KM தூரம் சென்று தாக்கும் திறனை கொண்டது. நாம் மட்டும் இதில் ஆராய்ச்சி செய்தால் அதன் தாக்கும் தூரத்தை கூட்டலாம்.

இந்த ஏவுகணையை இந்தியா தனது எல்லா படைகளிலும் பயன்படுத்துகிறது. மேலும் மொத்தம் 14 நாடுகள் இந்தியாவிடம் இந்த ஏவுகணையை வாங்க விருப்பம் தெரிவித்துள்ளனான ரஷ்யாவும் இதற்கு கண்டிப்பாக சம்மதிக்கும். ஒரே பிரச்னை நம்மால் இப்போது இருக்கும் நிலைமையி நம்மால் அவ்வளவு அதிக எண்ணிக்கையில் இதை தயாரிக்க முடியாது. காரணம் நம்மிடம் அவ்வளவு தொழிலாளர்களும் இல்லை, காட்டுமான வசதியும் இல்லை, ஆனால் அரசு நினைத்தால் கண்டிப்பாக அதை செய்யலாம்.

ஆனால் சீனாவிடம் யாரும் இப்படி செய்ய மாட்டார்கள் ஏனெனில் அவர்கள் அடுத்த நாட்டின் தொழில்நுட்பங்களை திருடி விட்டு அந்த நாட்டை துரத்தி விடுவார்கள்.

மேலும் பல நாட்டு கப்பல் படைகள் நமது கப்பல்களை வாங்க இசைவு தெரிவித்துள்ளன ..ஒரே பிரச்சனை நம்மிடம் போதிய அளவு இடம் இல்லாதது தான். அதிக நீளம் உள்ள கடற்பகுதியைக் கொண்டிருந்தும் கூட நமது தேவையை கூட பூர்த்தி செய்ய முடியாத ஒரு நிலை. மொத்தத்தில் சுருங்கச் சொன்னால் நமது பயன்பாட்டிற்கு புதிய கப்பல் காட்டுவதற்கு கூட இந்தியாவில் இடம் இல்லை ஏனெனில் அங்கு ஏற்கனவே கப்பல்கள் இன்னும் பணி முடிக்கப் படாமல் உள்ளது தான்.மேலும் இப்போது வெளி நாடுகளிடம் அதிகம் வாங்காமல் நமது உள்நாட்டு தனியார் நிறுவனங்களிடமிருந்தே ஆயுதங்கள் செய்ய ஊக்குவித்து அதை நாமே பெற்றுக் கொள்ளவும், அரசின் அனுமதியோடு வெளி நாடுகளுக்கும் விற்பனை செய்ய ஆவன செய்யலாம் .. இதற்கு சிறந்த எடுத்துக்காட்டு அசோக் லேலண்ட் லாரி தான். ஆனால் இப்போது TATA போன்ற நிறுவனங்கள் பீரங்கிகள் கூட செய்து ராணுவத்தின் ஒப்புதை பெற காத்திருக்கிறார்கள்..

நம்மிடம் எது இல்லை. மனித வளமா, கல்வி அறிவா, தொழில் திறமையா, இயற்கை வளமா அல்லது நில வளமா எல்லாம் இருந்தும் எதுவும் இல்லாதது போல் ஒரு போலியான வேலை இல்லா திண்டாட்டத்தை இந்த நாட்டின் ஆட்சியர்கள் ஏற்படுத்தியுள்ளனர்.

யினியவன் · யினியவன் Thu Aug 01, 2013 9:24 pm

நல்ல அலசல் சஜீவ்.

இந்த வருடம் முதல் மாற்றங்கள் வருவதாக கேள்விப்பட்டேன். இன்னும் சில ஆண்டுகளில் அரசு இன்னிலயை மாற்றிவிடும் என்று நினைக்கிறேன். நல்ல முக்கியத்துவம் கொடுத்து இத்துறையில் நாம் சிறக்க அரசு முயற்சிகளை முழு மூச்சில் துவக்க வேண்டும்.

**SajeevJino** · **SajeevJino** Thu Aug 01, 2013 9:38 pm

யினியவன் wrote:நல்ல அலசல் சஜீவ்.

இந்த வருடம் முதல் மாற்றங்கள் வருவதாக கேள்விப்பட்டேன். இன்னும் சில ஆண்டுகளில் அரசு இன்னிலயை மாற்றிவிடும் என்று நினைக்கிறேன். நல்ல முக்கியத்துவம் கொடுத்து இத்துறையில் நாம் சிறக்க அரசு முயற்சிகளை முழு மூச்சில் துவக்க வேண்டும்.

நன்றி

ஆமாம் நண்பரே ..இதன் முதல் படியாக இந்த ஆகஸ்ட் மாதம் 12 ஆம் நாள் முற்றிலுமாக நமது நாட்டில் வடிவமைக்கப்பட்ட விமானம் தாங்கி கப்பலை கடலில் பரிசோதிக்க உள்ளோம் ..இதன் மூலம் ரஷ்யா,அமெரிக்கா, ஜப்பான் ,பிரான்ஸ் மற்றும் இங்கிலாந்து ஆகிய நாடுகளின் வரிசையில் நாமும் இணைந்து விடுவோம்