ஆகஸ்ட் மாத எண் ஜோதிடம் !

**krishnaamma** · **krishnaamma** Wed Jul 31, 2013 4:10 pm

ஆகஸ்ட் மாத எண் ஜோதிடம் : 1, 10, 19, 28

1, 10, 19, 28 ஆகிய தேதிகளில் பிறந்த நீங்கள், இந்த மாதத்தில் தடுமாறிக் கொண்டிருந்த சில காரியங்கள் முடிவுக்கு வரும். ஓரளவு பணப்புழக்கம் உண்டு. பிள்ளைகளின் வருங்காலத் திட்டத்தில் ஒன்று நிறைவேறும். நண்பர், உறவினர் வீட்டு விசேஷங்களை முன்னின்று நடத்துவீர்கள்.

உங்களின் புகழ், கௌரவம் உயரும். கைமாற்றாகவும், கடனாகவும் வாங்கியிருந்த பணத்தை ஒருவழியாக தந்து முடிப்பீர்கள். புதிதாக வாஷிங் மெஷின், ஃப்ரிட்ஜ் வாங்குவீர்கள். அரசால் ஆதாயம் உண்டு. வங்கிக் கடன் கிடைத்து வீடு கட்டத் தொடங்குவீர்கள். தாயாரின் உடல் நலம் சீராகும்.

வீட்டில் சுப காரியங்கள் ஏற்பாடாகும். மூத்த சகோதரர் தேவையறிந்து உதவுவார். பிரபலங்களின் அறிமுகம் கிடைக்கும். சிலருக்கு அயல்நாட்டில் வேலைக் கிடைக்கும். அவ்வப்போது வி.ஐ.பிகளுடன் கருத்து மோதல்கள், நெஞ்சு எரிச்சல், செறிமானக் கோளாறு வந்துச் செல்லும். வழக்கில் அலட்சியமாக இருந்து விடாதீர்கள்.

இரத்த அழுத்தத்தை சரி பார்த்துக் கொள்ளுங்கள். சொத்து வாங்குவது, விற்பதில் தாய் பத்திரத்தை சரி பார்ப்பது நல்லது. அரசியல்வாதிகளே! சகாக்கள் மத்தியில் உங்கள் கருத்திற்கு ஆதரவுப் பெருகும். கன்னிப் பெண்களே! உங்களின் நீண்ட நாள் கனவு நனவாகும்.

வியாபாரத்தில் வேலையாட்களின் பிடிவாதக் குணம் தளரும். வாடிக்கையாளர்களை அதிகப்படுத்த விளம்பர யுக்திகளை கையாளுவீர்கள். உத்தியோகத்தில் அதிகாரியின் ஆதரவால் செல்வாக்குக் கூடும். கலைத்துறையினர்களே! உங்கள் திறமைகளை வெளிப்படுத்த நல்ல வாய்ப்புகள் வரும். முயற்சிகளால் முன்னேறும் மாதமிது.

அதிர்ஷ்ட தேதிகள் : 1, 9, 12, 21, 18
அதிர்ஷ்ட எண்கள் : 3, 7
அதிர்ஷ்ட நிறங்கள் : பிஸ்தாபச்சை, ஆரஞ்சு
அதிர்ஷ்ட கிழமைகள் : வியாழன், சனி

**krishnaamma** · **krishnaamma** Wed Jul 31, 2013 4:11 pm

2, 11, 20, 29 ஆகிய தேதிகளில் பிறந்த உங்களுக்கு இந்த மாதத்தில் பணவரவு உண்டு. வழக்கு சாதகமாகும். அதிகாரப் பதவிக்கு தேர்ந்தெடுக்கப்படுவீர்கள். மகள் உங்களைப் புரிந்துக் கொள்வாள். மகனின் அலட்சியப் போக்கு மாறும். வீட்டு விசேஷங்கள், பொது விழாக்களில் முதல் மரியாதைக் கிடைக்கும்.

புது வீடு கட்டி குடிப்புகுவீர்கள். பிரபலங்கள் நண்பர்களாவார்கள். கமிஷன், ரியல் எஸ்டேட் வகைகளால் பணம் வரும். உடன்பிறந்தவர்கள் உங்களிடம் முக்கிய விஷயங்களை பகிர்ந்துக் கொள்வார்கள். தாய்வழி சொத்து பிரச்னை முடிவுக்கு வரும். புது டிசைனில் நகை வாங்குவீர்கள். வீடு, வாகனத்தை சீர் செய்வீர்கள். பிற்பகுதியில் வீண் செலவு, அலைச்சல், டென்ஷன், நெஞ்சு வலி, யூரினரி இன்பெக்ஷன், அடி வயிற்றில் வலி வந்துப் போகும்.

உறவினர்களின் அன்புத் தொல்லை அதிகரிக்கும். பழைய கடன் குறித்து கவலைகள் வந்துப் செல்லும். கன்னிப் பெண்களே! உங்களின் புது திட்டங்களை பெற்றோர் ஆதரிப்பார்கள். அரசியல்வாதிகளே! கட்சி ரகசியங்களை மூத்த தலைவர் உங்களிடம் பகிர்ந்துக் கொள்வார். வியாபாரத்தில் பற்று வரவு உயரும். வாடிக்கையாளர்களை திருப்திபடுத்த புதிய சலுகைகளை அறிமுகப்படுத்துங்கள்.

உத்தியோகத்தில் உங்களின் அதிரடியான செயல்களை கண்டு அனைவரும் வியப்பார்கள். சக ஊழியர்களுக்கு உதவுவீர்கள். கலைத்துறையினர்களே! உங்களுக்கு பட்டிதொட்டியெங்கும் பாராட்டு கிடைக்கும். விவேகமான முடிவுகளெடுக்கும் மாதமிது.

அதிர்ஷ்ட தேதிகள் : 2, 11, 15, 16, 20
அதிர்ஷ்ட எண்கள் : 6, 8
அதிர்ஷ்ட நிறங்கள் : சில்வர்கிரே, நீலம்
அதிர்ஷ்ட கிழமைகள் : ஞாயிறு, செவ்வாய்

**krishnaamma** · **krishnaamma** Wed Jul 31, 2013 4:12 pm

3, 12, 21, 30 ஆகிய தேதிகளில் பிறந்த நீங்கள் இந்த மாதத்தில் கடின உழைப்பால் இலக்கை எட்டிப் பிடிப்பீர்கள். தடைகள் நீங்கும். எதிர்பார்த்த விலைக்கு பழைய மனையை விற்பீர்கள். அதிகாரப் பதவியில் இருப்பவர்கள் உதவுவார்கள். வழக்கில் நல்ல தீர்ப்பு வரும். சகோதரங்கள் உங்கள் வளர்ச்சிக்கு உறுதுணையாக இருப்பார்கள்.

அரசால் அனுகூலம் உண்டு. முற்பகுதியில் பிள்ளைகளின் உடல் நிலை சற்று பாதிக்கும். கர்ப்பிணிப் பெண்கள் பயணங்களை தவிர்ப்பது நல்லது. சில விஷயங்களில் முன்யோசனையில்லாமல் சிக்கிக் கொள்ளாதீர்கள். கரும்பு, சுண்ணாம்புச் சத்துள்ள காய்கறிகளை உணவில் சேர்த்துக் கொள்ளுங்கள். வீண் பகை, கவலை, அமைதியின்மை வந்து விலகும்.

சிலர் புது வீடு மாறுவதற்கு திட்டமிடுவீர்கள். மனைவி வழியில் நல்ல செய்தி உண்டு. உறவினர்கள் தங்கள் தவறை உணர்வார்கள். எதிர்பார்த்த அயல்நாட்டுப் பயணம் தேடி வரும். நட்பு வட்டம் விரியும். கடனை நினைத்து அவ்வப்போது கலங்குவீர்கள். அரசியல்வாதிகளே! தலைமையின் ஆணையை மீறி தனி ஆவர்த்தனம் வேண்டாம். கன்னிப் பெண்களே! நல்ல வரன் அமையும். பெற்றோரின் அரவணைப்பு உண்டு. வியாபாரத்தில் திடீர் லாபம் உண்டு.

வேலையாட்களை தட்டிக் கொடுத்து வேலை வாங்குவது நல்லது. உத்தியோகத்தில் வேலைச்சுமை இருந்தாலும் அதிகாரிகளின் ஆதரவு மனதிற்கு இதமாக இருக்கும். சக ஊழியர்கள் உங்கள் வேலைகளை பகிர்ந்துக் கொள்வார்கள். கலைத்துறையினர்களே! மூத்த கலைஞர்களின் நட்பால் சாதிப்பீர்கள். புத்துணர்ச்சி ததும்பும் மாதமிது.

அதிர்ஷ்ட தேதிகள் : 3, 9, 12, 10, 27
அதிர்ஷ்ட எண்கள் : 4, 7
அதிர்ஷ்ட நிறங்கள் : மெரூண், க்ரீம் வெள்ளை
அதிர்ஷ்ட கிழமைகள் : திங்கள், சனி

**krishnaamma** · **krishnaamma** Wed Jul 31, 2013 4:13 pm

4, 13, 22, 31 ஆகிய தேதிகளில் பிறந்த நீங்கள் இந்த மாததத்தில் சமயோஜித புத்தியால் சவால்களில் வெற்றி அடைவீர்கள். வீடு கட்டுவது நல்ல விதத்தில் முடியும். குடும்பத்தில் ஓரளவு நிம்மதி உண்டு. வெளிவட்டாரத்தில் புது அனுபவம் உண்டாகும். வாகனப் பழுதை சரி செய்வீர்கள். முற்பகுதியில் திடீர் செலவுகளால் திணறுவீர்கள்.

முன்கோபம், பேச்சில் கடுமை வேண்டாம். உடன்பிறந்தவர்களை நினைத்து சங்கடப்படுவீர்கள். சொத்து வாங்குவது, விற்பதில் வில்லங்கம் வந்து விலகும். வழக்கில் வழக்கறிஞரை கலந்தாலோசிப்பது நல்லது. தாய்வழியில் அனுசரித்துப் போங்கள். அரசு காரியங்கள் தடைப்பட்டு முடியும். என்றாலும் புது தெம்பு பிறக்கும்.

பழைய உறவினரை சந்திப்பீர்கள். பால்ய நண்பர்களுடன் மனம் விட்டு பேசுவீர்கள். இடவசதியில்லாமல் தவித்துக் கொண்டிருந்த வீட்டிலிருந்து வேறு வீடு மாறுவீர்கள். மனைவிவழியில் ஆதரவுப் பெருகும். கன்னிப் பெண்களே! பெற்றோர் உங்களின் உணர்வுகளை புரிந்துக் கொள்வார்கள். அரசியல்வாதிகளே! வீண் பேச்சை தவிர்த்து தொகுதி நலனில் அக்கறை காட்டுங்கள். வியாபாரத்தில் அதிரடி அறிவிப்புகள் மூலம் போட்டிகளை சமாளிப்பீர்கள்.

பழைய சரக்குகளை போராடி விற்பீர்கள். உத்தியோகத்தில் மூத்த அதிகாரிகளிடம் அதிக உரிமை எடுத்துக் கொள்ள வேண்டாம். சக ஊழியர்கள் உங்களைப் பற்றி விமர்சித்தாலும் அனுசரித்துப் போவது நல்லது. கலைத்துறையினர்களே! உங்களின் படைப்புத் திறன் வளரும். கடின உழைப்பால் நினைத்தது நிறைவேறும் மாதமிது.

அதிர்ஷ்ட தேதிகள் : 4, 8, 15, 17, 22
அதிர்ஷ்ட எண்கள் : 1, 5
அதிர்ஷ்ட நிறங்கள் : மஞ்சள், ஊதா
அதிர்ஷ்ட கிழமைகள் : செவ்வாய், வியாழன்

**krishnaamma** · **krishnaamma** Wed Jul 31, 2013 4:13 pm

5, 14, 23 ஆகிய தேதிகளில் பிறந்த உங்களுக்கு இந்த மாதத்தில் தடைகளும், போராட்டங்களும் இருந்தாலும் ஓயமாட்டீர்கள். அரசாங்க அதிகாரிகளின் நட்பு கிடைக்கும். அரசு காரியங்கள் விரைந்து முடியும். ஓரளவு பணவரவு உண்டு. கல்யாணப் பேச்சு வார்த்தை சாதகமாக முடியும். வாகனம் பழுதாகி சரியாகும்.

உணர்ச்சிவசப்பட்டுப் பேச வேண்டாம். பிள்ளைகள் உங்கள் அருமையைப் புரிந்துக் கொள்வார்கள். முற்பகுதியில் உடல் உஷ்ணத்தால் அவ்வப்போது அடிவயிற்றில் வலி, மனைவிக்கு மாதவிடாய் கோளாறு வந்துப் போகும். கணவன் - மனைவிக்குள் ஈகோ பிரச்னை வந்துச் செல்லும். உறவினர் விஷயத்தில் அத்துமீறி தலையிட வேண்டாம்.

நியாயத்தை பேசப் போய் பெயர் கெடும். வழக்கில் வழக்கறிஞரை கலந்தாலோசித்து முடிவுகள் எடுப்பது நல்லது. யாருக்கும் ஜாமீன், கேரண்டர் கையெழுத்திட வேண்டாம். சகோதர வகையில் உதவிகள் கிடைக்கும். கன்னிப் பெண்களே! காதல் விவகாரத்தில் தள்ளி இருங்கள். பெற்றோரின் ஆலோசனையை ஏற்பது நல்லது.

அரசியல்வாதிகளே! கட்சிக்குள் நடக்கும் கோஷ்டி பூசலில் தலையிடாமலிருப்பது நல்லது. வியாபாரத்தில் புதியவர்களை நம்பி ஏமாற வேண்டாம். வாடிக்கையாளர்களின் எண்ணிக்கை குறையும். வேலையாட்களை விட்டுப் பிடிப்பது நல்லது. உத்தியோகத்தில் வீண் விமர்சனங்களை தவிர்த்து பணியில் கவனம் செலுத்தப்பாருங்கள். கலைத்துறையினர்களே! பெரிய வாய்ப்புக்காக காத்திருக்காமால் கிடைக்கின்ற வாய்ப்பை பயன்படுத்திக் கொள்ளப் பாருங்கள். நிதானித்து செயல்படுவதால் நினைத்ததை சாதிக்கும் மாதமிது.

அதிர்ஷ்ட தேதிகள் : 5, 14, 15, 17, 23
அதிர்ஷ்ட எண்கள் : 2, 8
அதிர்ஷ்ட நிறங்கள் : இளம்சிவப்பு, கிரே
அதிர்ஷ்ட கிழமைகள் : புதன், சனி

**krishnaamma** · **krishnaamma** Wed Jul 31, 2013 4:14 pm

, 15, 24 ஆகிய தேதிகளில் பிறந்த உங்களுக்கு இந்த மாதத்தில் திடீர் யோகம் உண்டாகும். வழக்கில் வெற்றி உண்டு. உடல் நலம் சீராகும். குடும்பத்தில் இருந்து வந்த கூச்சல், குழப்பங்கள் விலகும். அரசாங்க வேலைகளில் இருந்த இழுபறி நிலை மாறும். வராது என்றிருந்த பணம் வந்து சேரும். பிரபலங்கள் உதவுவார்கள்.

மகளுக்கு நல்ல வரன் அமையும். மகனுக்கு எதிர்பார்த்த நிறுவனத்தில் வேலைக் கிடைக்கும். பூர்வீக சொத்தை சீர் செய்வீர்கள். வீட்டில் கூடுதலாக ஒரு தளம் கட்டுவீர்கள். மனைவிவழியில் ஆதரவுப் பெருகும். பிரச்னைகளை சமாளிக்கும் மனோபலம் அதிகரிக்கும். உங்களுடன் பழகிக் கொண்டே உங்களுக்கு எதிராக செயல்பட்டவர்களை புறந்தள்ளுவீர்கள்.

செலவுகளை குறைத்து சேமிக்கத் தொடங்குவீர்கள். அவ்வப்போது எதிர்காலம் பற்றிய கவலைகள் அடி மனதில் நிழலாடும். வாகனத்தை இயக்கும் முன் எரிபொருள் இருக்கிறதா எனப் பார்த்துக் கொள்ளுங்கள். பங்காளிப் பிரச்னைகள் வந்துப் போகும். அரசியல்வாதிகளே! எதிர்கட்சிக்காரகள் உதவுவார்கள்.

கன்னிப் பெண்களே! காதல் மற்றும் உயர்கல்வி சம்பந்தப்பட்ட குழப்பங்கள் நீங்கும். வியாபார நெளிவு, சுளிவுகளை கற்றுக் கொள்வீர்கள். லாபம் மந்தமாக இருக்கும். வாடிக்கையாளர்களிடம் நயமாக பேசுங்கள். உத்தியோகத்தில் அநாவசிய விடுப்புகளை தவிர்க்கவும். சக ஊழியர்களின் சொந்த விஷயங்களில் தலையிட வேண்டாம். கலைத்துறையினர்களே! புது வாய்ப்புகள் தேடி வரும். தடைகளை தாண்டி தன்னம்பிக்கையுடன் செயல்படும் மாதமிது.

அதிர்ஷ்ட தேதிகள் : 6, 5, 8, 17, 26
அதிர்ஷ்ட எண்கள் : 3, 9
அதிர்ஷ்ட நிறங்கள் : ரோஸ், அடர்நீலம்
அதிர்ஷ்ட கிழமைகள் : திங்கள், வியாழன்

**krishnaamma** · **krishnaamma** Wed Jul 31, 2013 4:14 pm

7, 16, 25 ஆகிய தேதிகளில் பிறந்த உங்களுக்கு இந்த மாதத்தில் முற்பகுதியில் பணவரவு, வாகன வசதி, ஆடை, ஆபரணம் சேர்க்கை உண்டு. தோற்றப் பொலிவுக் கூடும். மனைவிவழியில் எதிர்பார்த்த உதவிகள் கிடைக்கும். வீட்டை விரிவுப்படுத்தி கட்ட திட்டமிடுவீர்கள். தடைப்பட்ட திருமணப் பேச்சு வாத்தைக் கைக்கூடும்.

அதிக வட்டிக்கு வாங்கியிருந்த கடனில் ஒரு பகுதியை பைசல் செய்ய முயல்வீர்கள். என்றாலும் பிள்ளைகளின் உயர்கல்வி, திருமணம் குறித்து கவலைப்படுவீர்கள். உறவினர்களுடன் நெருடல்கள் வந்து நீங்கும். வீண் கோபங்கள் அதிகரிக்கும். பழைய நண்பர் உங்களை தவறாகப் புரிந்துக் கொள்வார்கள். பண விஷயத்தில் கறாராக இருங்கள்.

திடீர் நண்பர்களை வீட்டிற்குள் அழைத்து வர வேண்டாம். அதிகாலையில் எழுந்து உடற்பயிற்சி மேற்கொள்வது நல்லது. வழக்கில் வழக்கறிஞரை மாற்றுவீர்கள். உடன்பிறந்தோர் புரிந்து கொள்ளவில்லையே என அவ்வப்போது வருந்துவீர்கள். அரசியல்வாதிகளே! ஆதாரமின்றி எதிர்கட்சிக்காரர்களை விமர்சிக்க வேண்டாம்.

கன்னிப் பெண்களே! திட்டமிட்ட காரியங்கள் கைக்கூடும். வியாபாரத்தில் போட்டிகள் இருக்கும். பழைய சரக்குகளை தள்ளுபடி விலையில் விற்று தீர்ப்பீர்கள். வேலையாட்கள், பங்குதாரர்களால் விரயம் வரும். உத்தியோகத்தில் அதிகாரிகள் சுட்டிக் காட்டினால் அமைதியாக ஏற்றுக் கொள்ளுங்கள். கலைத்துறையினர்களே! மூத்த கலைஞர்களின் பாராட்டைப் பெறுவீர்கள். சகிப்புத் தன்மையால் சங்கடங்கள் தீரும் மாதமிது.

அதிர்ஷ்ட தேதிகள் : 7, 6, 16, 20, 24
அதிர்ஷ்ட எண்கள் : 7, 9
அதிர்ஷ்ட நிறங்கள் : ப்ரவுன், ஊதா
அதிர்ஷ்ட கிழமைகள் : புதன், வெள்ளி

**krishnaamma** · **krishnaamma** Wed Jul 31, 2013 4:15 pm

8, 17, 26 ஆகிய தேதிகளில் பிறந்த உங்களுக்கு இந்த மாதத்தில் உங்களின் ஆளுமைத்திறன் அதிகரிக்கும். பணபலம் உயரும். மேல்மட்ட அரசியல்வாதிகள் உதவுவார்கள். வீடு கட்ட ப்ளான் அப்ரூவலாகும். வழக்கில் வெற்றி பெறுவீர்கள். உங்களை தாழ்த்திப் பேசியவர்கள் திருந்துவார்கள். பிள்ளைகள் நீங்கள் சொல்வதை செய்வார்கள்.

திருமணம், சீமந்தம் போன்ற சுப நிகழ்ச்சிகள் வீட்டில் நடக்கும். பழைய வீட்டை இடித்து கட்டுவீர்கள். உறவினர்கள் மெச்சும்படி நடந்து கொள்வீர்கள். புது வண்டி வாங்குவீர்கள். விலகிச் சென்ற நண்பர்கள் வலிய வந்துப் பேசுவார்கள். ஃப்ரிட்ஜ், ஏ.சி. போன்ற சாதனங்கள் வாங்குவீர்கள். மனைவிவழியில் செல்வாக்கு உயரும்.

குழந்தை பாக்யம் கிடைக்கும். பூர்வீக சொத்துப் பங்கை கேட்டு வாங்குவீர்கள். வேற்றுமொழி, மதத்தினர்கள் உதவுவார்கள். கொஞ்சம் சிக்கனமாக இருங்கள். சகோதரங்கள் கோபப்பட்டாலும் அனுசரித்துப் போவார்கள். தந்தைக்கு மருத்துவச் செலவுகள் வரக்கூடும். அரசியல்வாதிகளே! உங்களின் கோரிக்கையை மேலிடத்தில் ஏற்பார்.

கன்னிப் பெண்களே! உற்சாகத்துடன் காணப்படுவீர்கள். காதல் கைக்கூடும். வியாபார ரகசியங்கள் யார் மூலம் கசிகிறது என்பதை அறிந்து வேலையாட்களை மாற்றுவீர்கள். புதிய வாடிக்கையாளர்கள் தேடி வருவார்கள். எதிர்பார்த்த ஒப்பந்தம் கையெழுத்தாகும். உத்தியோகத்தில் மேலதிகாரியின் தவறுகளை சுட்டிக் காட்டுவீர்கள். சில முக்கிய பொறுப்புகள் உங்கள் கைக்கு மாறும். கலைத்துறையினர்களே! உங்களின் படைப்புகளை அரசு கௌரவிக்கும். திறமைகளை வெளிப்படுத்தும் மாதமிது.

அதிர்ஷ்ட தேதிகள் : 8, 5, 23, 26
அதிர்ஷ்ட எண்கள் : 6, 7
அதிர்ஷ்ட நிறங்கள் : ஆலிவ்பச்சை, சில்வர்கிரே
அதிர்ஷ்ட கிழமைகள் : செவ்வாய், வெள்ளி

**krishnaamma** · **krishnaamma** Wed Jul 31, 2013 4:16 pm

9, 18, 27 ஆகிய தேதிகளில் பிறந்தவர்களுக்கு இந்த மாதம் கம்பீரமாகப் பேசி காரியம் சாதிப்பீர்கள். சொத்து வாங்க முன் பணம் தருவீர்கள். திடீர் பணவரவு உண்டு. பழைய கடனில் ஒரு பகுதியை பைசல் செய்ய உதவிகள் கிடைக்கும். வழக்கில் நல்ல தீர்ப்பு வரும். குடும்பத்தில் உங்கள் வார்த்தைக்கு மதிப்புக் கூடும். பிள்ளைகளின் நினைவாற்றல் அதிகரிக்கும்.

உடன்பிறந்தவர்கள் உங்கள் நலனில் அதிக அக்கறை காட்டுவார்கள். அநாவசியச் செலவுகளை கட்டுப்படுத்துவீர்கள். புதியவர்கள் நண்பர்களாவார்கள். ஷேர் மூலம் பணம் வரும். பெரிய மனிதர்களின் நட்பு கிடைக்கும். தூரத்து சொந்தங்கள் தேடி வருவார்கள். விலை உயர்ந்த ஆடை, ஆபரணம் வாங்குவீர்கள். மாதத்தின் மையப்பகுதியில் சேமிப்புகள் கரையும், தந்தைக்கு மூச்சுத் திணறல், வாகனப் பழுது, தொண்டை புகைச்சல் வந்துச் செல்லும்.

அரசியல்வாதிகளே! கட்சி தலைமையுடனான கருத்து மோதல்கள் விலகும். கன்னிப் பெண்களே! பெற்றோருக்கு சில ஆலோசனைகள் வழங்குவீர்கள். கசந்த காதல் இனிக்கும். வியாபாரத்தில் புதிய சரக்குகள் கொள்முதல் செய்வீர்கள்.

பழைய வேலையாட்கள், வாடிக்கையாளர்கள் மீண்டும் தேடி வருவார்கள். உத்தியோகத்தில் உயர்வு உண்டு. சம்பளப் பிரச்சனைக்கு தீர்வு கிடைக்கும். சக ஊழியர்கள் மதிப்பார்கள். கலைத்துறையினர்களே! நழுவிச் சென்ற ஒப்பந்தங்கள் கைக்கு வந்து சேரும். புதிய பாதையில் பயணிக்கும் மாதமிது.

அதிர்ஷ்ட தேதிகள் : 9, 1, 3, 6, 12
அதிர்ஷ்ட எண்கள் : 1, 5
அதிர்ஷ்ட நிறங்கள் : ஆரஞ்சு, பிஸ்தாபச்சை
அதிர்ஷ்ட கிழமைகள் : ஞாயிறு, வெள்ளி

யினியவன் · யினியவன் Wed Jul 31, 2013 4:25 pm

என்னோட தேதி 32 க்கு சொல்லவே இல்லம்மா நீங்க

Sponsored content · Sponsored content

ஆகஸ்ட் மாத எண் ஜோதிடம் !

ஆகஸ்ட் மாத எண் ஜோதிடம் !

ஆகஸ்ட் மாத எண் ஜோதிடம் : 2, 11, 20, 29

ஆகஸ்ட் மாத எண் ஜோதிடம் : 3, 12, 21, 30

ஆகஸ்ட் மாத எண் ஜோதிடம் : 4, 13, 22, 31

ஆகஸ்ட் மாத எண் ஜோதிடம் : 5, 14, 23

ஆகஸ்ட் மாத எண் ஜோதிடம் : 6, 15, 24

ஆகஸ்ட் மாத எண் ஜோதிடம் : 7, 16, 25

ஆகஸ்ட் மாத எண் ஜோதிடம் : 8, 17, 26

ஆகஸ்ட் மாத எண் ஜோதிடம் : 9, 18, 27

Re: ஆகஸ்ட் மாத எண் ஜோதிடம் !

Re: ஆகஸ்ட் மாத எண் ஜோதிடம் !

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக