தெரிந்துகொள்ளுங்கள்!.....'டேட் மாடிபிகேஷன்'

**krishnaamma** · **krishnaamma** Tue Jul 30, 2013 9:41 pm

First topic message reminder :

வலி நிவாரணத் தைலம் எப்படி வேலை செய்கிறது?

வலி தோன்றுவது உடலில் காயம் இருப்பதையோ, நோயுற்றிருப்பதையோ நமக்கு எச்சரிக்கும் ஓர் உணர்வாகும். நமது உடலிலுள்ள நரம்புகளில் வலியை உணரும் முடிச்சுகள் உள்ளன. இவை முதுகுத் தண்டின் வழியாக வலி உணர்வை மூளைக்கு அனுப்புகின்றன. இதுவே நாம் உணரும் வலி ஆகும். பொதுவாக வலி நிவாரணத் தைலங்களில் மீதைல் சாலிசிலேட், கற்பூரம் மற்றும் மென்த்தால் அடங்கியுள்ளன. இவ்வலி நிவாரணத் தைலத்தை அழுத்தத் தேய்க்கும்போது, அந்த அழுத்தம் நரம்புகளின் முடிச்சுகளை மரத்துப் போகச் செய்கிறது. எனவே, வலி உணர்வானது நமது முதுகுத் தண்டிற்கு எடுத்துச் செல்லப் படாமல் தடுக்கப்பட்டு விடுகிறது. எனவே நாம் வலியிலிருந்து விடுபடுகிறோம்.

நன்றி : சிறுவர்மலர் புன்னகை

**ayyasamy ram** · **ayyasamy ram** Mon Aug 17, 2015 10:21 am

**krishnaamma** · **krishnaamma** Wed Sep 23, 2015 12:43 am

நன்றி ராம் அண்ணா புன்னகை

........மன்னிக்கணும் இன்று தான் பார்த்தேன் இதை புன்னகை

**krishnaamma** · **krishnaamma** Wed Sep 23, 2015 12:43 am

'பாலிமர்' என்பது என்ன?

தெரிந்துகொள்ளுங்கள்!.....'டேட் மாடிபிகேஷன்' - Page 42 W28yyvKcROyLBQMBrTQr+E_1442471148

கார்பன் கூட்டுப் பொருளான ஈத்தேன் போன்றவை பிளாஸ்டிக் பொருட்களில் மூலக்கூறு ஒற்றையாக் காணப்படுகிறது. இது, 'மோனமர்' எனப்படும். இதுவே சங்கிலித் தொடராக மாறும் போது, 'பாலிமர்' எனப்படும். வெவ்வேறு பிளாஸ்டிக்குகளும் வெவ்வேறு, 'மோனமர்' மூலக்கூறுகளாகும்.

**krishnaamma** · **krishnaamma** Thu Oct 01, 2015 1:44 am

தெரிந்துகொள்ளுங்கள்!.....'டேட் மாடிபிகேஷன்' - Page 42 7uVHB1oBQ5CuAOej9P63+E_1443073984

கொசுக்களில் மூவாயிரம் வகைகள் உள்ளன. இவை இருபத்தெட்டு குடும்பங்களாக ஒன்றுக்கொன்று வித்தியாசமாக பிரிக்கப் பட்டுள்ளன. பெரும்பாலான கொசுக்கள் பூக்களிலிருந்து சர்க்கரை சத்துள்ள திரவங்களை உறிஞ்சுகின்றன.

பெண் கொசுக்கள் முட்டை இடுவதற்கு முன் ரத்தத்தைத் தேடி, நம்மைக் கடித்து ரத்தத்தைக் குடிக்கி்னறன. அதிக அளவில் கொத்து, கொத்தாக முட்டை இடுகின்றன.

பெண் கொசு, நம் உடம்பிலிருந்து ரத்தம் உறிஞ்சுவதற்கு முன், தன் எச்சிலை ஊசி மருந்து போல் நம் உடம்பில் செலுத்துகிறது. அதற்கு பிறகு, தோலில் குத்தி நம் ரத்தத்தை சுலபமாக எடுத்துக் கொள்கிறது. நாம் வெளியிடும் உஷ்ணக் காற்றும், கரிய மிலவாயுவும் கொசுக்களுக்கு மிகவும் பிடிக்கும்.

நம் ஊர்க் கொசுக்களுக்கு ஆயுசு இரண்டுவாரம் தான். குளிர் பிரதேச கொசுக்கள் ஒரு வருடம் வரை வாழும். மலேரியா ஜூரத்தை வாரி வழங்குவதும் கொசுக்களே!

**krishnaamma** · **krishnaamma** Thu Oct 01, 2015 1:45 am

தண்ணீரை மறைய வைக்கும் மேஜிக்!

தெரிந்துகொள்ளுங்கள்!.....'டேட் மாடிபிகேஷன்' - Page 42 LiaWWH8VS8KvfTkkApzU+E_1443073965

இந்த மேஜிக் செய்வதற்கு தேவையான பொருட்கள்: மெழுகுவர்த்தி, தீப்பெட்டி, ஒரு ரூபாய் நாணயம், சமமான தட்டு, காலி கண்ணாடி டம்ளர், சிறிதளவு தண்ணீர்.

செய்முறை: ஒரு தட்டை எடுத்துக் கொள்ளவும். அதன் மையப் பகுதியில் மெழுதுவர்த்தியை ஏற்றிக் கொள்ளவும். பிறகு, தட்டில் கொஞ்சம் தண்ணீர் விடவும், தண்ணீர் இங்க் அல்லது கலர் சாயம் கலந்தால் பார்ப்பதற்கு நன்றாக இருக்கும்.

தண்ணீரில் மூழ்கும்படி ஒரு ரூபாய் காசைப் போடவும். இப்போது பார்வையாளர்களிடம் தட்டையும், அதில் இருக்கும் தண்ணீரையும் காட்டுங்கள். பின்னர் இப்போது இருக்கும் தண்ணீரை மாயமாக்கிக் காட்டுகிறேன் என்று சொல்லி, காலி கண்ணாடி டம்ளரை மெழுகுவர்த்தி மீது கவிழ்த்து வையுங்கள். கொஞ்ச நேரத்தில் தட்டில் உள்ள தண்ணீ்ர் எல்லாம் கவிழ்த்து வைத்த கண்ணாடி டம்பளரில் சேர்ந்து விடும்.

இந்த மேஜிக் செய்யும் ரகசியம்: எரிந்து கொண்டிருக்கும் மெழுகுவர்த்தி மீது காலி கண்ணாடி டம்ளரை கவிழ்க்கும் போது காற்று இல்லாமல் மெழுகு வர்த்தி அணைந்து விடும். கண்ணாடி டம்பளரில் உள்ள வெற்றிடத்தை நிரப்ப வெளிக்காற்று உறிஞ்சப்படும்போது தட்டில் உள்ள தண்ணீர் டம்ளரில் சேர்ந்து விடும். தண்ணீர் மாயமானதைக் கண்டு பிடிக்க காசு தண்ணீரில் இல்லாமல் இருப்பதை சுட்டிக் காட்டவும்.

**krishnaamma** · **krishnaamma** Tue Oct 06, 2015 1:07 pm

தெரிந்துகொள்ளுங்கள்!.....'டேட் மாடிபிகேஷன்' - Page 42 BwA9IAARRIStBGYybBqT+E_1443672383

பிரிஸ்ட்டில்கான் பைன் மரங்கள் 4500 வருடங்கள் வாழ்ந்ததாகக் கருதப்படுகிறது. பிரிஸ்ட்டில்கான் மாதிரியான மரம் ஒன்று 4900 ஆண்டுகள் வரை வாழ்ந்ததாகக் குறிப்பு இருக்கிறது. வளரும் மரங்களில் வயதான மரம் முத்து செல்லாஹ் மரம். 4600 ஆண்டுகள் வரை வாழ்ந்திருக்கிறது.

பிரிஸ்டில்கான் மரங்கள் கடினமான சூழ்நிலைகளிலும் கடல் மட்டத்திற்கு மேல் 3000 மீட்டர் உயரத்தில் மலைச் சரிவுகளில் வளரக்கூடிய மரங்கள். அவை சுருண்ட நிலையில் வளரும் தன்மை படைத்தவை. இம்மரங்கள் 5500 ஆண்டுகள் வரை வளரக் கூடியவை என கருதுகின்றனர்.

**krishnaamma** · **krishnaamma** Tue Oct 06, 2015 1:07 pm

தெரிந்துகொள்ளுங்கள்!.....'டேட் மாடிபிகேஷன்' - Page 42 LlUHaddJSMiebLggIr0X+E_1443672411

அங்கிள்... டிராவல் பண்ணும்போது எனக்கு வாந்தி வாந்தியா வருது? ஏன் அங்கிள்?

இதை, 'மோஷன் சிக்னஸ்' என்பர். வாகனங்கள் முன்னும், பின்னும் அசைந்து குலுங்குவதால் சிலரது உட்செவியில் உள்ள உடல், சமநிலை அமைப்பு நரம்புகள் மிகுதியாகத் தூண்டப்பட்டு குமட்டலும், வாந்தியும் ஏற்படும். அடிக்கடி நீண்ட பயணம் செய்து பழகிவிட்டால் இந்தத் தொல்லை மறைந்து விடும். இப்படி வாந்தி வராம இருக்க இரண்டு ஐடியா தர்றேன்.

வாகனத்தின் முன் கண்ணாடி வழியாக வெகு தூரத்தில் இருக்கும் காட்சிகளைப் பார்த்து ரசிச்சிகிட்டே போனா, வாகனக் குலுக்கல் அதிகம் தெரியாது. இல்ல.... மிட்டாய்கள் எதையாவது வாயில் போட்டு சப்பி உறிஞ்சினால் குமட்டல் குறையும். சரியா?

**T.N.Balasubramanian** · **T.N.Balasubramanian** Tue Oct 06, 2015 5:12 pm

krishnaamma wrote:

அங்கிள்... டிராவல் பண்ணும்போது எனக்கு வாந்தி வாந்தியா வருது? ஏன் அங்கிள்?

இதை, 'மோஷன் சிக்னஸ்' என்பர். வாகனங்கள் முன்னும், பின்னும் அசைந்து குலுங்குவதால் சிலரது உட்செவியில் உள்ள உடல், சமநிலை அமைப்பு நரம்புகள் மிகுதியாகத் தூண்டப்பட்டு குமட்டலும், வாந்தியும் ஏற்படும். அடிக்கடி நீண்ட பயணம் செய்து பழகிவிட்டால் இந்தத் தொல்லை மறைந்து விடும். இப்படி வாந்தி வராம இருக்க இரண்டு ஐடியா தர்றேன்.

வாகனத்தின் முன் கண்ணாடி வழியாக வெகு தூரத்தில் இருக்கும் காட்சிகளைப் பார்த்து ரசிச்சிகிட்டே போனா, வாகனக் குலுக்கல் அதிகம் தெரியாது. இல்ல.... மிட்டாய்கள் எதையாவது வாயில் போட்டு சப்பி உறிஞ்சினால் குமட்டல் குறையும். சரியா?

மேற்கோள் செய்த பதிவு: 1166869

மகிழ்ச்சி

ரமணியன்

**krishnaamma** · **krishnaamma** Wed Oct 07, 2015 6:04 pm

நன்றி ஐயா

**krishnaamma** · **krishnaamma** Wed Oct 07, 2015 6:24 pm

தெரிந்துகொள்ளுங்கள்!.....'டேட் மாடிபிகேஷன்' - Page 42 QBrb2EsfRnu4ScFDHdy1+velvet_2574801g

சிம்லா ஆப்பிள், ஊட்டி ஆப்பிள், அமெரிக்க ஆப்பிள் என்று நிறைய ஆப்பிள்களைச் சாப்பிட்டிருப்பீர்கள். வெல்வெட் ஆப்பிளைப் பார்த்திருக்கிறீர்களா? இந்தப் பெயரில் ஒரு ஆப்பிள் விளைகிறது.

இந்தியாவில் இதை ‘வெல்வெட் ஆப்பிள்’ என்று சொல்வதைப் போல மபோலா, வெல்வெட் பெர்சிமன், கொரியன் மாங்காய், ஜப்பானிய ஆப்பிள் என வெவ்வேறு பெயர்களிலும் அழைக்கப்படுகிறது. பிலிப்பைன்ஸ் நாட்டைத் தாயகமாகக் கொண்டது இந்த ஆப்பிள்.

‘எபினேசிய’ தாவரக் குடும்பத்தைச் சேர்ந்தது இது. இந்தப் பழத்தைப் பிரித்தவுடன் பாலாடைக் கட்டி போன்ற வாசம் வீசும். இந்த ஆப்பிளில் மருத்துவக் குணங்கள் இருக்கின்றன. தமிழ்நாட்டில் நீலகிரி மாவட்டத்தில் பரலியார், கல்லார் ஆகிய பகுதிகளில் வெல்வெட் ஆப்பிள் விளைகிறது. வெப்பப் பகுதிகளிலும் மிதவெப்பப் பகுதிகளிலும் மட்டுமே வளரக்கூடியது. வெல்வெட் ஆப்பிள் மரம் சுமார் 100 அடி உயரத்துக்கும் மேல் வளரக் கூடியது.

தகவல் திரட்டியவர்: பி. நாகராஜன், 8-ம் வகுப்பு, அரசு மேல் நிலைப் பள்ளி, திண்டிவனம்.

நன்றி தி ஹிந்து

Sponsored content · Sponsored content

தெரிந்துகொள்ளுங்கள்!.....'டேட் மாடிபிகேஷன்'

தெரிந்துகொள்ளுங்கள்!.....'டேட் மாடிபிகேஷன்'

Re: தெரிந்துகொள்ளுங்கள்!.....'டேட் மாடிபிகேஷன்'

Re: தெரிந்துகொள்ளுங்கள்!.....'டேட் மாடிபிகேஷன்'

'பாலிமர்' என்பது என்ன?

Re: தெரிந்துகொள்ளுங்கள்!.....'டேட் மாடிபிகேஷன்'

தண்ணீரை மறைய வைக்கும் மேஜிக்!

Re: தெரிந்துகொள்ளுங்கள்!.....'டேட் மாடிபிகேஷன்'

Re: தெரிந்துகொள்ளுங்கள்!.....'டேட் மாடிபிகேஷன்'

Re: தெரிந்துகொள்ளுங்கள்!.....'டேட் மாடிபிகேஷன்'

Re: தெரிந்துகொள்ளுங்கள்!.....'டேட் மாடிபிகேஷன்'

வெல்வெட் ஆப்பிள்

Re: தெரிந்துகொள்ளுங்கள்!.....'டேட் மாடிபிகேஷன்'

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக