படித்ததில் பிடித்தது :) -- புல் டேங்க்கிற்கு பெட்ரோல் நிரப்பாதீர்கள்!

by **krishnaamma** Tue 30 Jul 2013 - 23:00

First topic message reminder :

கணவரை பங்கு போடும் தோழி!?

நானும், என் கணவரும் தனியாக வசிக்கிறோம். சமீபத்தில் விடுமுறைக்காக, நான் அம்மா வீட்டுக்கு சென்று விட, கணவர் வேலைக்கு செல்ல வேண்டியிருந்ததால், அவர் மட்டும் தனியாக வீட்டில் இருக்க நேர்ந்தது.
அவரின் பெற்றோரும், அருகில் இல்லாத காரணத்தினால், பக்கத்து வீட்டு தோழியிடம், அவருக்கு சமைத்துக் கொடுக்கச் சொல்லியிருந்தேன். அவளும் கருமமே கண்ணாக, நான் ஊருக்கு சென்றிருந்த முப்பது நாளும் அவருக்கு விதவிதமாக சமைத்துப் போட்டிருக்கிறாள். இதற்கு கைமாறாக, என் கணவரும் அவளுக்கு சேலையும், மொபைலும் வாங்கிக் கொடுத்திருக்கிறார். விஷயம் இத்தோடு முடிந்திருந்தால் பரவாயில்லை.
முன்பெல்லாம், என் சமையலை பாராட்டுகிறவர் இப்போது, அடிக்கடி குறை கூறி, தோழியின் சமையலை, "ஆஹா... ஓஹோ' என்கிறார். அவள், சமையலை, தூண்டிலாகப் போட்டு, என் கணவரை வளைத்து விட்டது புரிந்தது. வழியில் போன ஓணானை மடியில் விட்ட கதையாக இப்போது, நான் அவதிப்படுகிறேன்.
தோழியரே... நீங்களும் என்னைப்போல் வெகுளியாக இருக்காதீர்கள்; அம்மா வீட்டில் அதிக நாட்கள் தங்காதீர்கள்! இன்றைக்கு வாய் ருசிக்கு ஆசைப்படுகிறவர், நாளை வாழ்க்கை ருசிக்கும் ஆசைப்படலாமல்லவா?
நன்றி வாரமலர் — யாழ் நிலா, கழனிவாசல்.

by **krishnaamma** Tue 15 Dec 2015 - 1:02

பெண்ணை பலியாக்காதீர்!

சகல கெட்ட பழக்கங்களும் கொண்டவர் என் முறை மாமன்; 'கால்கட்டு போட்டு விட்டால், திருந்தி விடுவார்...' என்று, என் பெற்றோர் உட்பட, உறவினர் அனைவரும் கணக்கு போட்டு, என்னை அவருக்கு திருமணம் செய்து வைத்தனர். ஆனால், திருமணத்திற்கு பின், அவர் திருந்தவில்லை; என் வாழ்வு நரகமானது தான் மிச்சம்.

தீய பழக்கங்கள் கொண்டவர் என்று தெரிந்தும், அவருக்கு என்னை திருமணம் செய்து வைத்த என் உறவினர்கள், எனக்காக, ஒரு சில ஆறுதல் வார்த்தைகள் கூறி, வருத்தம் தெரிவித்ததோடு சரி; பின், ஒதுங்கிக் கொண்டனர். தற்போது, என் நிலையை கண்டு வேதனைப்படும் பெற்றோர், கவலையில் உருக்குலைந்து விட்டனர். நானோ, குழந்தைக்காக வாழ்க்கையோடு போராடி வருகிறேன்.
திருமணம் செய்து வைத்தால், பையன் திருந்தி விடுவான் என்பதெல்லாம், வெறும் ஏட்டுச் சுரைக்காய். பெற்றோரே... இது போன்ற வாழ்க்கைக்கு உதவாத பழமொழிகளை வைத்து, இளம் பெண்களை பலியாக்காதீர்!

அ.தமிழரசி, சிதம்பரம்.

by **ayyasamy ram** Tue 15 Dec 2015 - 7:08

முறைமாமன் நல்ல பழக்க வழக்கங்கள் கொண்டவராக
இருப்பினும், முறை மாமனை திருமணம் செய்வதை
தவிர்க்கப்பட வேண்டும்...
-

by **krishnaamma** Tue 15 Dec 2015 - 16:38

ayyasamy ram wrote:முறைமாமன் நல்ல பழக்க வழக்கங்கள் கொண்டவராக
இருப்பினும், முறை மாமனை திருமணம் செய்வதை
தவிர்க்கப்பட வேண்டும்...
-

மேற்கோள் செய்த பதிவு: 1180563

காரணம் ஏதும் இருக்கா ராம் அண்ணா ? புன்னகை

................விஞ்ஞான பூர்வமான காரணங்கள் இல்லை என்று சொல்வார்களே!

by Namasivayam Mu Tue 15 Dec 2015 - 16:44

பிற திருமணங்களைக் காட்டிலும் சொந்த பந்தத்தில் திருமணம் முடிப்பதே பெரும்பாலும் சிறப்பாக அமைகிறது. நான் அக்கா பொண்ணுவை மணம் செய்து இருக்கிறேன்.

by **krishnaamma** Tue 15 Dec 2015 - 16:48

Namasivayam Mu wrote:பிற திருமணங்களைக் காட்டிலும் சொந்த பந்தத்தில் திருமணம் முடிப்பதே பெரும்பாலும் சிறப்பாக அமைகிறது. நான் அக்கா பொண்ணுவை மணம் செய்து இருக்கிறேன்.

மேற்கோள் செய்த பதிவு: 1180644

சியர்ஸ்

நானும் என் சொந்த மாமாவை அதாவது என் அம்மாவின் தம்பியைத்தான் கல்யாணம் செய்து கொண்டு இருக்கேன் ஐயா ஜாலி

..........என் கணவர் எனக்கு மாமா, மற்றும் அத்தைமகனும் ஆவார்..............ஆமாம் என் அம்மாவும் அவங்க மாமா வைத்தான் கல்யாணம் செய்து கொண்டார்கள் !

by Namasivayam Mu Wed 16 Dec 2015 - 9:12

சொந்தம் என்பது தொடர்கதைதான் முடிவே இல்லாதது

வாழ்க வளமுடன்

by **krishnaamma** Wed 16 Dec 2015 - 12:04

Namasivayam Mu wrote:சொந்தம் என்பது தொடர்கதைதான் முடிவே இல்லாதது

வாழ்க வளமுடன்

மேற்கோள் செய்த பதிவு: 1180749

ஆமாம் ஐயா புன்னகை

by சசி Wed 16 Dec 2015 - 12:13

நெருங்கிய சொந்தத்தில் திருமணம் செய்து கொண்டால் நிறைவு பிரச்சினைகள் குழந்தைகளுக்கு வரும் அம்மா. மரபணு கோளாறு ஏற்படும். கூடிய மட்டும் தவிர்ப்பது நலம். (Congenital anomalies)ஏற்படும்

by **krishnaamma** Wed 16 Dec 2015 - 12:15

சசி wrote:நெருங்கிய சொந்தத்தில் திருமணம் செய்து கொண்டால் நிறைவு பிரச்சினைகள் குழந்தைகளுக்கு வரும் அம்மா. மரபணு கோளாறு ஏற்படும். கூடிய மட்டும் தவிர்ப்பது நலம். (Congenital anomalies)ஏற்படும்

மேற்கோள் செய்த பதிவு: 1180796

நிறைய பேர் அப்படி சொன்னார்கள் என்று தான் இப்போ கிருஷ்ணாக்கு 'அசலில்' பெண் எடுத்தோம் சசி புன்னகை

by Namasivayam Mu Wed 16 Dec 2015 - 13:07

சசி wrote:நெருங்கிய சொந்தத்தில் திருமணம் செய்து கொண்டால் நிறைவு பிரச்சினைகள் குழந்தைகளுக்கு வரும் அம்மா. மரபணு கோளாறு ஏற்படும். கூடிய மட்டும் தவிர்ப்பது நலம். (Congenital anomalies)ஏற்படும்

மேற்கோள் செய்த பதிவு: 1180796

அதெல்லாம் சும்மா.
எனக்குத்தெரிந்து ஒரே குடும்பத்தில் பார்வையற்றோர் நான்கு பேர், மற்றொரு குடும்பத்தில் நால்வரில் இருவர் வாய் பேசாதவர்கள் . இவர்கள் அந்நியத் திருமணம் செய்து கொண்டவர்கள். மரபணுக் கோளாறு எங்கிருந்து வந்தது?
ஆதியில் மனிதன் இனக்குழுவாக வாழ்ந்து வந்த காலத்திலிருந்து ஒரே குழுவினரிடையே தான் மணம் செய்து வந்திருக்கிறான். அதன் பின்னர் நாகரீகம் வளர வளர குழுக்களிடையே மணம் செய்து வந்தான்.
பின்னர் ஜாதி முறை வந்த பின்னர் ஒரே ஜாதியில் முறை வைத்து மாமா அத்தை பெண்களை மனம் செய்து வந்து கொண்டிருக்கிறான். எண்ணிக்கையில் பெரும்பாலும் இவ்வகை திருமணங்களே நம் நாட்டில் நடக்கின்றன. நவீன விஞ்ஞானம் சொல்லும் சொந்த பந்த திருமணங்களில் மரபணுக் கோளாறு வரும் என்பது முடிவான கருத்து அல்ல.