இந்தியாவெங்கும் ஹைட்ரஜனில் இயங்கும் பஸ் :இஸ்ரோ–டாடா நிறுவனம் இணைந்து தயாரிப்பு!

ராஜு சரவணன் · ராஜு சரவணன் Tue Jul 30, 2013 11:41 am

இஸ்ரோ மற்றும் டாடா மோட்டார்ஸ் நிறுவனம் இணைந்து ஹைட்ரஜனை எரிபொரு£ளாக பயன்படுத்தி இயங்கக்கூடிய பஸ்சை தயாரிக்கும் முயற்சியில் ஈடுபட்டு வந்தன. இந்த நிலையில் பல ஆண்டுகளாக நடைபெற்று வந்த இந்த ஆராய்ச்சியின் பயனாக ஹைட்ரஜன் பஸ் தயாரிக்கப்பட்டு உள்ளது.இந்த ஹைட்ரஜன் பஸ்சின் இயக்கம் தமிழ்நாட்டில் மகேந்திர கிரியில் உள்ள இஸ்ரோவின் திரவ உந்து சக்தி சோதனை மையத்தில் பரிசோதித்து வெற்றிகரமாக செயல்விளக்கம் செய்து காண்பிக்கப்பட்டது.

இந்தியாவெங்கும் ஹைட்ரஜனில் இயங்கும் பஸ் :இஸ்ரோ–டாடா நிறுவனம் இணைந்து தயாரிப்பு! Ju-29-Isro-bus

இந்தியாவில் முதன்முறையாக ஹைட்ரஜனில் இயங்கும் பஸ் வடிவமைப்பு செய்யப்பட்டு செயல்விளக்கம் வெற்றிகரமாக நடைபெற்றது குறித்து இஸ்ரோவின் கவுரவ ஆலோசகர் வி.ஞானகாந்தி மற்றும் டாடா மோட்டார்ஸ் நிறுவனத்தின் துணை பொது மேலாளர் டாக்டர் எம்.ராஜா ஆகியோர் நேற்று கூட்டாக அறிவித்தனர்.

இஸ்ரோ, டாடா மோட்டார்ஸ், விஞ்ஞான தொழிற்துறை ஆராய்ச்சித்துறை, பெட்ரோலியம் மற்றும் வெடிபொருள் பாதுகாப்பு நிறுவனம் ஆகிய அமைப்புகளை சேர்ந்த நிபுணர்களின் கூட்டு முயற்சிக்கு கிடைத்த மாபெரும் வெற்றிதான் இந்த ஹைட்ரஜன் பஸ் என்றும் அவர்கள் தெரிவித்தனர்.

கடந்த 2006–ம் ஆண்டு இஸ்ரோ மற்றும் டாடா மோட்டார்ஸ் நிறுவனங்கள் இந்த ஹைட்ரஜன் பஸ்சை வடிவமைப்பதற்கான கூட்டு முயற்சியில் ஈடுபடுவதற்கான புரிந்துணர்வு ஒப்பந்தம் செய்து கொண்டன. டாடா மோட்டார்ஸ் நிறுவனத்தின் ஆராய்ச்சி மையம் இந்த பஸ்சை தயாரிப்பதற்காக பயன்படுத்தப்பட்டது. இஸ்ரோ நிறுவனத்தின் ஒத்துழைப்போடு ஹைட்ரஜனை பஸ் இயக்கத்திற்காக பாதுகாப்பான முறையில் பயன்படுத்துவதற்கான ஒரு தொழில்நுட்பம் உருவாக்கப்பட்டது. இதன் மூலம் 20 கிலோ வாட் முதல் 120 கிலோ வாட் வரை பஸ்சை இயக்கக்கூடிய எரி சக்தி உருவாக்கப்பட்டது.

அதோடு பல முறை இந்த புதிய தொழில்நுட்பம் பல்வேறு நிலைகளில் பரிசோதிக்கப்பட்டது. பரிசோதனை முடிவுகளின் அடிப்படையில் ஹைட்ரஜனை பயன்படுத்தி பஸ்சை இயக்குவதற்கான அனுமதி பெறப்பட்டது. முழுக்க முழுக்க இந்திய தொழில்நுட்பத்தில் ஹைட்ரஜன் பஸ்சை தயாரித்து இருப்பதன் மூலம் இந்தியா இந்த தொழில்நுட்பத்தை பயன்படுத்தும் வளர்ந்த நாடுகளின் பட்டியலில் இடம் பிடித்து உள்ளது குறிப்பிடத்தக்கது.

விரைவில் இந்தியாவில் உள்ள முன்னணி நகரங்களில் ஹைட்ரஜன் பஸ் இயக்கப்படும். ஹைட்ரஜன் பஸ்சை தயாரித்து இருப்பதன் மூலம் நாம் வெளிநாட்டில் இருந்து பெட்ரோலிய பொருட்களை இறக்குமதி செய்வது குறையும். மாற்று எரிபொருளாக நமது நாட்டில் உள்ள உரத்தொழிற்சாலைகள், எண்ணை சுத்திகரிப்பு ஆலைகளில் உபபொருளாக கிடைக்கும் ஹைட்ரஜனை இந்த ஹைட்ரஜன் பஸ்களில் பயன்படுத்த முடியும் என்று ஞான காந்தி தெரிவித்தார்.

நன்றி ஆந்தை ரிப்போர்ட்டர்

**ராஜா** · **ராஜா** Tue Jul 30, 2013 12:14 pm

Code:: விரைவில் இந்தியாவில் உள்ள முன்னணி நகரங்களில் ஹைட்ரஜன் பஸ் இயக்கப்படும். ஹைட்ரஜன் பஸ்சை தயாரித்து இருப்பதன் மூலம் நாம் வெளிநாட்டில் இருந்து பெட்ரோலிய பொருட்களை இறக்குமதி செய்வது குறையும். மாற்று எரிபொருளாக நமது நாட்டில் உள்ள உரத்தொழிற்சாலைகள், எண்ணை சுத்திகரிப்பு ஆலைகளில் உபபொருளாக கிடைக்கும் ஹைட்ரஜனை இந்த ஹைட்ரஜன் பஸ்களில் பயன்படுத்த முடியும் என்று ஞான காந்தி தெரிவித்தார்.

சீக்கிரம் அதை செய்யுங்கப்பா , இல்லன்னா பெட்ரோல் எடுக்குற நாடுகள் தவிர மற்ற அனைத்து நாடுகளும் ஏழ்மையா தான் இருக்கும்

இந்த பதிவைத் துவங்கியவர் நன்றி கூறியுள்ளார் ராஜா

ஹர்ஷித் · ஹர்ஷித் Tue Jul 30, 2013 6:55 pm

பாடுபட்ட அனைவருக்கும் வாழ்த்துக்கள்,நன்றிகள்.விரைவில் இப்பேருந்துகள் நகர்வலம் வர வாழ்த்துக்கள்.,

**Muthumohamed** · **Muthumohamed** Tue Jul 30, 2013 7:28 pm

நல்ல முயற்சி விரைவில் பயன்பாட்டுக்கு வந்தால் நல்லது

விநாயகாசெந்தில் · 09/05/2012

வரவேர்க்கப் பட வேண்டிய கண்டுபிடிப்பு. சூப்பருங்க

யினியவன் · யினியவன் Tue Jul 30, 2013 7:37 pm

வெற்றி பெற்று வலம் வரட்டும் சீக்கிரம்.

Sponsored content · Sponsored content

இந்தியாவெங்கும் ஹைட்ரஜனில் இயங்கும் பஸ் :இஸ்ரோ–டாடா நிறுவனம் இணைந்து தயாரிப்பு!

இந்தியாவெங்கும் ஹைட்ரஜனில் இயங்கும் பஸ் :இஸ்ரோ–டாடா நிறுவனம் இணைந்து தயாரிப்பு!

Re: இந்தியாவெங்கும் ஹைட்ரஜனில் இயங்கும் பஸ் :இஸ்ரோ–டாடா நிறுவனம் இணைந்து தயாரிப்பு!

Re: இந்தியாவெங்கும் ஹைட்ரஜனில் இயங்கும் பஸ் :இஸ்ரோ–டாடா நிறுவனம் இணைந்து தயாரிப்பு!

Re: இந்தியாவெங்கும் ஹைட்ரஜனில் இயங்கும் பஸ் :இஸ்ரோ–டாடா நிறுவனம் இணைந்து தயாரிப்பு!

Re: இந்தியாவெங்கும் ஹைட்ரஜனில் இயங்கும் பஸ் :இஸ்ரோ–டாடா நிறுவனம் இணைந்து தயாரிப்பு!

Re: இந்தியாவெங்கும் ஹைட்ரஜனில் இயங்கும் பஸ் :இஸ்ரோ–டாடா நிறுவனம் இணைந்து தயாரிப்பு!

Re: இந்தியாவெங்கும் ஹைட்ரஜனில் இயங்கும் பஸ் :இஸ்ரோ–டாடா நிறுவனம் இணைந்து தயாரிப்பு!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக