போகாதே..!! குட்டிகதை

எந்திரன் · எந்திரன் Fri May 08, 2009 7:29 pm

போகாதே!!!
#~#~#~#~#

அப்பா...என் ஃபிரண்டு ஜோதி வீட்டுக்குப் போயிட்டு வர்றேன்...
என்று புறப்பட்டாள் திவ்யா.
திவ்யா........
என்னப்பா.......?
அங்க ஜோதியோட அண்ணன் இருக்கான்ல. இன்னைக்கு ஞாயிற்றுக்கிழமை.
அவன் ஃபிரண்ட்செல்லாம் வருவாங்க.
நீ அங்க அடிக்கடி போறது நல்லாயில்லம்மா.
தவறான எண்ணங்களுக்கு வழிவகுக்கும்.
ஜோதி வீட்டுக்குப் போறதை நிறுத்திக்கோ......
சரிப்பா - அறைக்குள் சென்றாள் திவ்யா.

மதியம்

திவ்யா.... என்றழைத்தார் ராமநாதன்.
என்னப்பா?
அம்மா மார்க்கெட்டுக்குப் போயிருக்கா.நான் முருகேசன் வீட்டுக்குப் போயிருக்கேன்னு அம்மா வந்ததும் சொல்லிடு...
என்று கிளம்பினார்.
அப்பா....
என்னம்மா?.......
முருகேசன் அங்கிளோட தங்கை மீனாட்சி,புருஷனோட வாழப்பிடிக்காம,வீட்டோட வந்து இருக்கிறாங்க.
நீங்க அடிக்கடி அங்கிள் வீட்டுக்குப் போறீங்க மணிக்கணக்கா பேசிட்டு வர்றீங்க.....அம்மாவுக்கு அது பிடிக்குமா....?
அந்த வார்த்தைகள் ராமநாதன் இதயத்தில் இடியென இறங்கின...
சாரிம்மா.....இனிமே நானும் அங்கே போகமாட்டேன்..
சொல்லிவிட்டு உட்கார்ந்தார் ராமநாதன்.