ஆகஸ்ட் 2-ல் மேட்டூர் அணை திறப்பு..!

malik · malik Mon Jul 29, 2013 5:07 pm

கர்நாடக மாநிலத்தின் காவிரி நீர்பிடிப்புப் பகுதிகளில் தொடரும் மழை காரணமாக, மேட்டூர் அணையின் நீர்மட்டம் 100 அடியைத் தாண்டியுள்ளது. இதேவேகத்தில் நீர்வரத்து இருக்கும்பட்சத்தில், அணையின் முழுக்கொள்ளவான 120 அடியை சீக்கிரமே எட்டிவிடும் என்று பொதுப்பணித்துறை அதிகாரிகள் கூறுகிறார்கள்.

இதற்கிடையே, ஆகஸ்ட் 12 அன்று காவிரி டெல்டா பாசன விவசாயிகளுக்காக மேட்டூர் அணை திறக்கப்படும் என்று ஏற்கெனவே உத்தரவிடப்பட்டிருந்தது. தற்போது, அணை நிரம்பும் வேகத்தைப் பார்த்து, ஆகஸ்ட் 2 ம் தேதியே அணையைத் திறக்க உத்தரவிடப்பட்டுள்ளது.

நன்றி : பசுமை விகடன்

malik · malik Mon Jul 29, 2013 5:09 pm

மேட்டூர் அணை நீர்மட்டம்100 அடி..!

மேட்டூர் அணையின் நீர்மட்டம் 100 அடியை எட்டியுள்ளதால் விவசாயிகள் மகிழ்ச்சியடைந்துள்ளனர். ஒகேனக்கல் காவிரி ஆற்றில் 1 லட்சத்திற்கும் அதிகமான கன அடி தண்ணீர் வந்து கொண்டிருப்பதால் கரையோரப்பகுதிகளில் வெள்ள அபாய எச்சரிக்கை விடப்பட்டுள்ளது.

கரைபுரண்டு ஓடும் வெள்ளத்தினால் ஒகேனக்கல் நீர்வீழ்ச்சி, மெயின் அருவி, சினிபால்ஸ் அருவிகள் இருந்த சுவடே தெரியாத அளவிற்கு கடல் போல் காட்சி அளிக்கிறது. இதனால் மேட்டூர் அணை நீர்மட்டம் மளமளவென உயர்ந்து வருகிறது. பாசனத்திற்கு நீர்திறக்கப்படாத நிலையில், அணைக்கு வரும் நீர் முழுவதும் சேமிக்கப்படுவதால் அணை விரைவில் முழு கொள்ளளவை எட்டும் என்று எதிர்பார்க்கப்படுகிறது.