நாய் கூட தின்னாத மதிய உணவை நாங்கள் சாப்பிட்டு பரிசோதிப்பதா?: ம.பி. ஆசிரியைகள் போர்க்கொடி

பீகார் மாநில பள்ளியில் மதிய உணவு சாப்பிட்ட 23 மாணவ-மாணவிகள் கடந்த வாரம் பரிதாபமாக பலியாகினர். அந்த பள்ளியின் தலைமையாசிரியையை கைது செய்த போலீசார் அவர் மீது வழக்கு தொடர்ந்துள்ளனர்.

இதனையடுத்து, கல்வி சாராத மதிய உணவு தயாரிப்பது போன்ற பணிகளில் தங்களை ஈடுபடுத்த கூடாது என பீகார் மாநில ஆசிரியைகள் மதிய உணவு பணிகளை புறக்கணித்தனர். இதன் விளைவாக சுமார் 3 லட்சம் மாணவ - மாணவிகள் பட்டினி கிடக்கும் சூழ்நிலை உருவாகியுள்ளது.

பீகார் சம்பவத்தையடுத்து பல மாநிலங்களிலும் நடைபெறும் மதிய உணவு திட்டத்தின் குறைபாடுகள் ஊடகங்களில் பெரிய அளவில் வெளிச்சம் போட்டு காட்டப்படுகிறது.

மத்திய பிரதேச மாநிலத்தில் சுமார் 80 ஆயிரம் மாணவ - மாணவியருக்கு இலவச மதிய உணவு வழங்கப்படுகிறது. மதிய உணவை குழந்தைகளுக்கு பரிமாறுவதற்கு முன்னதாக பள்ளியில் பணியாற்றும் ஆசிரியைகள் முதலில் சாப்பிட்டு பார்க்க வேண்டும். பின்னர்தான் மாணவர்களுக்கு வழங்க வேண்டும் என மத்திய பிரதேச மாநில அரசு சமீபத்தில் உத்தரவு பிறப்பித்தது.

இந்த உத்தரவுக்கு மாநில ஆசிரியர் சங்கம் கடும் கண்டனம் தெரிவித்துள்ளது. இதுதொடர்பாக, அனைத்து மாவட்ட ஆசிரியர்களுக்கும் ஒரு சுற்றறிக்கையை ஆசிரியர் சங்கம் அனுப்பியுள்ளது.

தங்களது உயிரை பணயம் வைத்து மதிய உணவை ஆசிரியைகள் ருசி பார்த்து சோதிக்க வேண்டாம் என அறிவுறுத்தியுள்ள அந்த சுற்றறிக்கை இந்த பிரச்சனைக்கு ஓர் தீர்வையும் முன்வைத்துள்ளது.

'முதலில் சமைக்கப்பட்ட மதிய உணவை தெரு நாய்க்கு வைத்து பரிசோதியுங்கள். அந்த உணவை சாப்பிட்ட நாய்கள் நன்றாக நடமாடினால் பிறகு அதை மாணவ - மாணவிகளுக்கு பரிமாறுங்கள்' என அந்த சுற்றறிக்கையில் குறிப்பிடப்பட்டுள்ளது.

அடப்பாவிகளா . அரசு சம்பளம் வாங்கும் அனைவருடய குழந்தைகளும் அரசு பள்ளியில் தான் படிக்க வேண்டும் .இலவச உணவைதான் சாப்பிட வேண்டும் என்று , சட்டம் போட வேண்டும் .அப்போது தான் இவர்கள் அடங்குவார்கள் ........

மாலைமலர்

Code:

'முதலில் சமைக்கப்பட்ட மதிய உணவை தெரு நாய்க்கு வைத்து பரிசோதியுங்கள். அந்த உணவை சாப்பிட்ட நாய்கள் நன்றாக நடமாடினால் பிறகு அதை மாணவ - மாணவிகளுக்கு பரிமாறுங்கள்' என அந்த சுற்றறிக்கையில் குறிப்பிடப்பட்டுள்ளது.

 இந்தியாவை தேசபற்றுள்ள ஒரு இந்தியன் ஆளும் காலம் வரும் வரைக்கும் இதுபோல அவலங்கள் தொடர்ந்துகொண்டு தான் இருக்கும், வருங்காலத்தில் இன்னும் மோசமாகவும் நடக்கும்

   

ராஜா wrote:

Code:

'முதலில் சமைக்கப்பட்ட மதிய உணவை தெரு நாய்க்கு வைத்து பரிசோதியுங்கள். அந்த உணவை சாப்பிட்ட நாய்கள் நன்றாக நடமாடினால் பிறகு அதை மாணவ - மாணவிகளுக்கு பரிமாறுங்கள்' என அந்த சுற்றறிக்கையில் குறிப்பிடப்பட்டுள்ளது.

 இந்தியாவை தேசபற்றுள்ள ஒரு இந்தியன் ஆளும் காலம் வரும் வரைக்கும் இதுபோல அவலங்கள் தொடர்ந்துகொண்டு தான் இருக்கும், வருங்காலத்தில் இன்னும் மோசமாகவும் நடக்கும்

உண்மை தான் நிலமை இப்படி இருக்கிறதே ஆனால் கேரளாவில் நல்ல உணவை வழங்கு கிறார்கள்