பொய்சொல்லாமை போல புகழ்தருவதில்லை

by viyapathy Wed Jul 24, 2013 8:25 pm

பொய்யாமை அன்ன புகழில்லை எய்யாமை
எல்லா அறமுந் தரும். குறள் # 296
பொய்சொல்லாமை போல புகழ்தருவதில்லை உடல்வருந்தாமலே
எல்லா நன்மையும் தரும். பாமரன் பொருள்

பொய்யாமை பொய்யாமை ஆற்றின் அறம்பிற
செய்யாமை செய்யாமை நன்று குறள் # 297
பொய்சொல்லாமையை உண்மையாகவே கடைப்பிடித்தால் மற்ற அறங்களைச்
செய்தலும் நல்லதாகி விடும். பாமரன் பொருள்.

புறம்தூய்மை நீரான் அமையும் அகம்தூய்மை
வாய்மையால் காணப் படும். குறள் # 298
உடல்சுத்தம் நீரில்குளிப்பதால் உண்டாகும் மனத்தூய்மை
உண்மை பேசுவதால் அறியப் படும். பாமரன் பொருள்.

எல்லா விளக்கும் விளக்கல்ல சான்றோர்க்குப்
பொய்யா விளக்கே விகக்கு. குறள் # 299
விளக்குகளெல்லாம் விளக்கல்ல பெருந்தன்மையுள்ளோருக்கு
பொய்யாமை எனும் விளக்கே விளக்கு. பாமரன் பொருள்.

யாம்மெய்யாக் கண்டவற்றுள் இல்லை எனைத்தொன்றும்
வாய்மையின் நல்ல பிற. குறள் # 300
நாம் உண்மையாகக் கண்டபொருள்களுள் ஏதொன்றும் இல்லை
உண்மையைவிட நல்லவை வேறு.

by **krishnaamma** Wed Jul 24, 2013 8:35 pm

நல்லா இருக்கு ஐயா புன்னகை

by ராஜு சரவணன் Wed Jul 24, 2013 8:54 pm

krishnaamma wrote: திருத்தி விட்டேன் ராஜு என் தவறை )

அம்மா இது கவிதை இல்லை... திருக்குறள் புன்னகை

அவர் அதற்கு எளியமுறையில் விளக்கம் கொடுத்துள்ளார் புன்னகை

by ராஜு சரவணன் Wed Jul 24, 2013 8:56 pm

நல்ல பதிவு அய்யா தொடருங்கள் புன்னகை

by யினியவன் Wed Jul 24, 2013 8:58 pm

krishnaamma wrote:மன்னிக்கனும் இனியவன் என் தவறை திருத்தி விட்டேன்

நல்ல வேளை வள்ளுவர் இல்லை புன்னகை

by யினியவன் Wed Jul 24, 2013 8:59 pm

விளக்கம் அருமை அய்யா

by **krishnaamma** Wed Jul 24, 2013 9:03 pm

யினியவன் wrote:
நல்ல வேளை வள்ளுவர் இல்லை

ஏதோகவனத்தில் கேட்டுவிட்டேன் மன்னிக்கனும் :வணக்கம்:

புதுசா யார் வந்து கவிதைபோட்டாலுமே எனக்கு பயமாய் இருக்கு புன்னகை

by **krishnaamma** Wed Jul 24, 2013 9:08 pm

ராஜு சரவணன் wrote:
அம்மா இது கவிதை இல்லை... திருக்குறள்

அவர் அதற்கு எளியமுறையில் விளக்கம் கொடுத்துள்ளார்

அதைக்கூட கவனிக்காமல்............ பதிவு போட்டுவிட்டேன்............. சோகம்

by **Muthumohamed** Thu Jul 25, 2013 5:00 am

குறள் விளக்கம் அருமையிருக்கு

by venugobal Wed Aug 07, 2013 9:08 pm

திருக்குறளின் மாட்சிமைக்குப் பொய்யாமை, வாய்மை ஆகிய இரண்டு சொல்லாட்சிகள் அணிசேர்க்கின்றன.
'வாய்மை எனப்படுவது யாதெனில் யாதொன்றும்
தீமை இலாத சொலல்' என்று வாய்மைக்கு இலக்கணம் சொல்கின்றார். வாய்மை என்பது உள்ளதை உள்ளவாறு சொல்வதன்று. பிறருக்குத் தீமை விளைக்காத வகையில் சொல்வது; புரைதீர்ந்த நன்மை பயக்குமெனில் பொய்ம்மையும் வாய்மையைவிடச் சிறப்பானது என்று மொழிந்திருப்பதும் சிந்திக்கத்தக்கது. இதற்கு அப்பால், 'மெய்ம்மை' என்று ஒன்றும் உண்டு. அது உணர்ந்தவாறு வாழ்தலைக் குறிக்கும். ஆக, உண்மை என்பது உள்ளத்தில் இருப்பது; வாய்மை என்பது வாக்கால் வெளிப்படுவது; மெய்ம்மை என்பது மெய்யால் உணரப்படுவது. தமிழின் நுட்பத்தை வள்ளுவரை அன்றி வேறு எவராலும் இவ்வளவு நேர்த்தியாக விளக்கிட முடியாது.
குறள்வழி வாழ்வோம்; வாழ்வில் உயர்வோம்.