கருணாநிதிக்கு ஆஸ்திரிய நாட்டு அஞ்சல் தலை: "பேஸ்புக்' தகவலால் பெரும் பரபரப்பு

ராஜு சரவணன் · ராஜு சரவணன் Wed Jul 24, 2013 2:39 pm

சென்னை:தி.மு.க., தலைவர் கருணாநிதிக்கு, ஆஸ்திரியா நாட்டில் வெளியிடப்பட்ட அஞ்சல் தலை, பணம் செலுத்தி, கோரிக்கையின் பேரில் பெறப்பட்ட அஞ்சல் தலை என, "பேஸ்புக்' பதிவர்கள் அம்பலப்படுத்தி உள்ளனர். இதனால், "பேஸ்புக்'கில் தி.மு.க.,வினர் கடுமையான கேலிக்கு உள்ளாகி வருகின்றனர்.

ஆஸ்திரிய நாட்டில் வாழும் தி.மு.க., ஆதரவாளரின் முயற்சியால், அந்நாட்டு தபால் துறை, தி.மு.க., தலைவர் கருணாநிதியின் படம் கொண்ட அஞ்சல் தலையை வெளியிட்டுள்ளது. இந்த அஞ்சல் தலை, கருணாநிதியின் படம், வயது மற்றும் தி.மு.க., கொடியுடன் வடிவமைக்கப்பட்டுள்ளது. இதை ஆஸ்திரியாவின் உள்ளூர், வெளிநாட்டு அஞ்சல்களில் பயன்படுத்த முடியும்.

இதுகுறித்து, நேற்று "பேஸ்புக்'கில் கருணாநிதி கூறுகையில், "என்னுடைய தமிழ்ப் பணி - சமுதாயப் பணியை பாராட்டி, ஆஸ்திரிய நாடு கடந்த ஜூன் 3ம் தேதி அன்று வெளியிட்ட, "கலைஞர் 90' என்ற அஞ்சல் தலையை பெற்ற போது' என, புகைப்படம் ஒன்றை பதிவு செய்துள்ளார்.

இதுகுறித்து, "பேஸ்புக்' பதிவர்கள் "பேஸ்புக்'கில் கூறியிருப்பதாவது:பிரான்ஸ் மற்றும் ஆஸ்திரியாவில் பணம் செலுத்தினால் யாருடைய அஞ்சல் தலையையும் வெளியிட முடியும். குழந்தைகளின் படத்தை கூட, அஞ்சல் தலையில் வெளிடலாம். நம் நாட்டிலும் கடந்த மே மாதம் முதல், இந்த வசதி துவக்கப்பட்டுள்ளது.சென்னை தபால் நிலையத்தில், 300 ரூபாய் செலுத்தினால், அரசியல் மற்றும் மதம் சாராத யாருடைய, தபால் தலையையும் வெளியிட முடியும். அப்படியிருக்க, ஏதோ கருணாநிதியின் சமுதாய சேவையை பாராட்டி ஆஸ்திரிய அரசே, அஞ்சல் தலை வெளியிட்டதாக, தி.மு.க.,வினரே சொல்லி கொள்கின்றனர்.இவ்வாறு, அவர்கள் தெரிவித்துள்ளனர்.

ஒருவர் ஆஸ்திரிய நாட்டில், தபால் தலை வெளியிட விரும்புவோர்,http://www.post.at/en/personal_stamps_philately_products_meine_marke_personalized_stamps.php என்ற இணைய தளத்தை பார்வையிடலாம் என, கூறியுள்ளார்."பேஸ்புக்'கில் கருணாநிதி குறித்த விமர்சனங்கள் குறைந்திருந்த நிலையில், அஞ்சல் தலை விவகாரத்தால், மீண்டும் "பேஸ்புக்' பதிவர்கள் உற்சாகம் அடைந்துள்ளனர்.

நன்றி - தினமலர்

யினியவன் · யினியவன் Wed Jul 24, 2013 2:47 pm

பாஸ் ஆஸ்த்திரிய நாட்டு திமுக அனுதாபிகள் அய்யாவை பிராக்கட் போட கப்சா விட்டிருக்கலாம் - அய்யாவும் அதை நம்பி அறிக்கை விட்டிருப்பார் புன்னகை

Guest · Guest Wed Jul 24, 2013 2:53 pm

2 டாலர் தபால் தலைக்கு இவர் குடுத்தாரோ ? பிறந்த நாள்

ராஜு சரவணன் · ராஜு சரவணன் Wed Jul 24, 2013 2:55 pm

யினியவன் wrote:பாஸ் ஆஸ்த்திரிய நாட்டு திமுக அனுதாபிகள் அய்யாவை பிராக்கட் போட கப்சா விட்டிருக்கலாம் - அய்யாவும் அதை நம்பி அறிக்கை விட்டிருப்பார்

எதுக்கு பாஸ் திமுக வரும் ஆஸ்திரியா தேர்தலில் போட்டி போட போகுதோ . அதுக்கு ஐயாவை பிராக்கெட் போட்டு சீட்டு வாங்க அவருடைய அனுதாபிகள் செய்த வேலையோ

யினியவன் · யினியவன் Wed Jul 24, 2013 2:58 pm

ராஜு சரவணன் wrote: எதுக்கு பாஸ் திமுக வரும் ஆஸ்திரியா தேர்தலில் போட்டி போட போகுதோ . அதுக்கு ஐயாவை பிராக்கெட் போட்டு சீட்டு வாங்கவோ

என்ன டெக்லஸ் உங்களுக்கு கணக்கே தெரியல - அய்யா குடும்பம் இந்தியாவில் பெரிய வியாபார குழுமம் - அய்யாவை மகிழ்வித்தால் சில பல வியாபாரங்களில் அவர்கள் உள்ளே நுழைய வாய்ப்பு அதிகம் புன்னகை

**அருண்** · **அருண்** Wed Jul 24, 2013 3:03 pm

பாசதலைவன் இன்னும் திருந்தலையா?
அப்ப என் தலையும் வெளியிட சொல்ல வேண்டியது தான்.!

ராஜு சரவணன் · ராஜு சரவணன் Wed Jul 24, 2013 3:13 pm

யினியவன் wrote:
ராஜு சரவணன் wrote: எதுக்கு பாஸ் திமுக வரும் ஆஸ்திரியா தேர்தலில் போட்டி போட போகுதோ . அதுக்கு ஐயாவை பிராக்கெட் போட்டு சீட்டு வாங்கவோ
என்ன டெக்லஸ் உங்களுக்கு கணக்கே தெரியல - அய்யா குடும்பம் இந்தியாவில் பெரிய வியாபார குழுமம் - அய்யாவை மகிழ்வித்தால் சில பல வியாபாரங்களில் அவர்கள் உள்ளே நுழைய வாய்ப்பு அதிகம்

தல இவரு காட்டும் பிளிமுக்கு இவங்க தொண்டர்கள் வேணுமுன்ன பெருமைபடலாம். நாங்க இல்ல புன்னகை

Sponsored content · Sponsored content

கருணாநிதிக்கு ஆஸ்திரிய நாட்டு அஞ்சல் தலை: "பேஸ்புக்' தகவலால் பெரும் பரபரப்பு

கருணாநிதிக்கு ஆஸ்திரிய நாட்டு அஞ்சல் தலை: "பேஸ்புக்' தகவலால் பெரும் பரபரப்பு

Re: கருணாநிதிக்கு ஆஸ்திரிய நாட்டு அஞ்சல் தலை: "பேஸ்புக்' தகவலால் பெரும் பரபரப்பு

Re: கருணாநிதிக்கு ஆஸ்திரிய நாட்டு அஞ்சல் தலை: "பேஸ்புக்' தகவலால் பெரும் பரபரப்பு

Re: கருணாநிதிக்கு ஆஸ்திரிய நாட்டு அஞ்சல் தலை: "பேஸ்புக்' தகவலால் பெரும் பரபரப்பு

Re: கருணாநிதிக்கு ஆஸ்திரிய நாட்டு அஞ்சல் தலை: "பேஸ்புக்' தகவலால் பெரும் பரபரப்பு

Re: கருணாநிதிக்கு ஆஸ்திரிய நாட்டு அஞ்சல் தலை: "பேஸ்புக்' தகவலால் பெரும் பரபரப்பு

Re: கருணாநிதிக்கு ஆஸ்திரிய நாட்டு அஞ்சல் தலை: "பேஸ்புக்' தகவலால் பெரும் பரபரப்பு

Re: கருணாநிதிக்கு ஆஸ்திரிய நாட்டு அஞ்சல் தலை: "பேஸ்புக்' தகவலால் பெரும் பரபரப்பு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக