பிரதமர் ஆனபிறகு மன்மோகன் 1,300 தடவை பேசியிருக்கிறார்: மத்திய அரசு விளக்கம்

DERAR BABU · DERAR BABU Tue Jul 23, 2013 2:30 pm

பிரதமர் மன்மோகன்சிங் எதற்கும் பதில் அளிக்காமல் மவுனமாக இருப்பதாக பரவலான குற்றச்சாட்டு நிலவுகிறது. எதிர்கட்சிகள் அவரது மவுனத்தை கேலியும், கிண்டலும் செய்து வருகின்றன.

பல ஆண்டுகளாக கூறப்பட்டு வரும் இந்த குற்றச்சாட்டுக்கு பிரதமர் அலுவலகம் இப்போதுதான் மறுப்பு தெரிவித்து விளக்கம் வெளியிட்டுள்ளது.

கடந்த 2004–ம் ஆண்டு அவர் பிரதமராக பொறுப்பேற்றது முதல் இதுவரை 1,300 தடவை பல்வேறு நிகழ்ச்சிகளில் கலந்து கொண்டு பேசியும், விளக்கம் அளித்தும் இருக்கிறார் என்று கூறப்பட்டுள்ளது.

2004–ம் ஆண்டு ஜூன் மாதம் 24–ந்தேதி முதல் பிரதமர் மன்மோகன்சிங்கின் ஒவ்வொரு பேச்சுகளும், பிரதமர் அலுவலக இணைய தளத்தில் வெளியிடப்பட்டு வருகிறது.

இந்த 9 ஆண்டுகளில் கிட்டத்தட்ட 3,325 நாட்கள் பதவியில் இருந்துள்ளார். 1,300 தடவை அவர் பேசியிருப்பதன் மூலம் 3 நாளுக்கு ஒருமுறை அவர் பேசியிருப்பது தெளிவாகிறது.

இதுதவிர பிரதமர் மன்மோகன்சிங் சில சமயம் டெல்லியில் பத்திரிகையாளர்களுக்கும் பேட்டி அளிக்கிறார். வெளிநாடுகளுக்கு சுற்றுப்பயணம் மேற்கொண்டு டெல்லி திரும்பும்போது விமானத்திலேயே நிருபர்களுக்கு விரிவான முறையில் அரசியல், பொருளாதாரம், உள்ளூர் பிரச்சினை, வெளிநாட்டு விவகாரம் என அனைத்து கேள்விகளுக்கும் பதில் அளித்துள்ளார்.

பிரதமர் மன்மோகன்சிங் 9 ஆண்டுகளில் 1,300 தடவை பேச்சுகள் பேசி இருப்பது புதிய சாதனையாகும். இந்த தகவலை வெளியிட்டுள்ள பிரதமர் அலுவலகம் அவரது பேச்சுக்களின் முழு விவரங்களையும் பிரதமர் அலுவலக இணைய தளத்தில் வெளியிட்டுள்ளது.

மாலைமலர்

பிரதமர் ஆனபிறகு மன்மோகன் 1,300 தடவை பேசியிருக்கிறார்: மத்திய அரசு விளக்கம்

பிரதமர் ஆனபிறகு மன்மோகன் 1,300 தடவை பேசியிருக்கிறார்: மத்திய அரசு விளக்கம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக