இந்தியா– ஜிம்பாப்வே முதல் ஒருநாள் போட்டி நாளை நடக்கிறது

**ரா.ரமேஷ்குமார்** · 23/01/2011

ஹராரே, ஜூலை. 23–

வீராட் கோலி தலைமையிலான இந்திய கிரிக்கெட் அணி 5 ஒருநாள் போட்டிகளில் விளையாடுவதற்காக ஜிம்பாப்வே சென்று உள்ளது.

இந்தியா– ஜிம்பாப்வே அணிகள் மோதும் முதல் ஒருநாள் போட்டி ஹராரேயில் நாளை (புதன்கிழமை) நடக்கிறது.

இந்திய அணி சமீபத்தில் இங்கிலாந்தில் நடந்த சாம்பியன்ஸ் கோப்பை மற்றும் வெஸ்ட்இண்டீசில் நடந்த 3 நாடுகள் போட்டியில் வெற்றி பெற்றது. இதனால் ஜிம்பாப்வே தொடரில் இந்திய அணி சாதிக்கும் என்று ரசிகர்களால் ஆவலுடன் எதிர்பார்க்கப்படுகிறது.

இந்தியா– ஜிம்பாப்வே முதல் ஒருநாள் போட்டி நாளை நடக்கிறது 1bb0dba2-7777-46d4-a791-251fb8f10c70_S_secvpf

இந்த தொடரில் கேப்டன் டோனிக்கு ஓய்வு கொடுக்கப்பட்டு உள்ளதால் வீராட் கோலி கேப்டனாக நியமிக்கப்பட்டுள்ளார். அவர் ஏற்கனவே சாம்பியன்ஸ் டிராபி ‘லீக்’ ஆட்டத்தில் கேப்டனாக பணியாற்றி இருந்தார்.

அஸ்வின், இஷாந்த் சர்மா, உமேஷ் யாதவ் போன்ற முன்னணி வீரர்கள் இல்லாமல் இளம் வீரர்களுடன் இந்திய அணி களம் காண்கிறது. புஜாரா, மொகித் சர்மா, அம்பதி ராயுடு, பர்வேஸ் ரசூல், ஜெய்தேவ் உனகட் ஆகியோர் முதல் முறையாக ஒருநாள் போட்டி அணியில் இடம் பெற்றுள்ளனர்.

இந்திய அணியின் தொடக்க வீரர்களான ரோகித் சர்மா, ஷிகார் தவான் ஆகியோர் நல்ல நிலையில் உள்ளன. தினேஷ் கார்த்திக், ரெய்னா, ரவிந்திர ஜடேஜா ஆகியோரும் நல்ல நிலையில் இருக்கிறார்கள்.

ஜிம்பாப்வே அணிக்கு பிரெண்டன் டெய்லர் கேப்டனாக உள்ளார். தனது நாட்டில் போட்டி நடைபெறுவதால் அந்த அணி இந்தியாவின் சவாலை எதிர்கொள்ளும்.

இரு அணிகளும் கடைசியாக 2010–ம் ஆண்டு ஜூன் மாதம் ஹராரேயில் நடந்த போட்டியில் மோதின. இதில் ஜிம்பாப்வே அணி 7 விக்கெட்டில் வெற்றி பெற்றது.

2010-ம் ஆண்டு அங்கு நடைபெற்ற 3 நாடுகள் போட்டித்தொடரில் இந்திய அணி இறுதிப்போட்டி வாய்ப்பை இழந்தது. இலங்கை, ஜிம்பாப்வே அணிகள் தகுதி பெற்றன. இதனால் இந்திய அணி ஒருநாள் தொடரில் கவனமுடன் ஆட வேண்டும்.

இரு அணிகளும் இதுவரை மோதிய 51 ஆட்டத்தில் இந்தியா 39 போட்டியில் வெற்றி பெற்றது. ஜிம்பாப்வே 10 ஆட்டத்தில் வெற்றி பெற்றது. 2 ஆட்டம் ‘டை’ ஆனது.

இந்த ஆட்டம் இந்திய நேரப்படி பிற்பகல் 12.30 மணிக்கு தொடங்குகிறது.

இரு அணி வீரர்கள் விவரம்:–

இந்தியா: வீராட் கோலி (கேப்டன்), தவான், ரோகித் சர்மா, தினேஷ் கார்த்திக், ரெய்னா, ரவிந்திர ஜடேஜா, அம்பதிராயுடு, புஜாரா, ரகானே, அமித்மிஸ்ரா, வினய்குமார், பர்வேஷ் ரசூல், முகமது சமி, ஜெய்தேவ் உனகட், மொகித்சர்மா.

ஜிம்பாப்வே: பிரெண்டன் டெய்லர் (கேப்டன்), சிங்கும்புரா, மைக்கேல் சினோவ்யா, சாட்ரா, கீரிமர், ஜார்விஸ், முடோம்பாட்சி, சிபந்தா, ராய் பிரைஸ், உட்செயா, மால்கம் வாலர், பிரைன் விக்டரி, சியாக் வில்லியம்ஸ், மசங்வா, சிக்கந்தர் ராசா மருமா.

-நன்றி மாலைமலர்

யினியவன் · யினியவன் Tue 23 Jul 2013 - 19:07

செத்த பாம்பிடம் கடி படாமல் அனைத்தையும் ஜெயித்து வந்தால் இளைஞர்களுக்கு நன்று - வாழ்த்துகள்.

**ரா.ரமேஷ்குமார்** · 23/01/2011

அவர்களை குறைவாக மதிப்பிடாமல் முழு திறனுடன் விளையாடினால் மட்டுமே வெற்றி பெற முடியும்...புதிய இளம் வீரர்களுக்கு தங்கள் திறமை வெளிப்படுத்தி சிறந்த தொடராக அமைக்க வாழ்த்துக்கள்...