மது என்னும் பொது எதிரி

by **பார்த்திபன்** Tue Jul 23, 2013 12:53 pm

படுகுழிக்கான பாதை
அதன் மற்றொரு பெயர்தான் போதை!

இங்கு பள்ளிகள் திறக்கப் பல தடைகள்!
ஆனால் வீதிக்கு வீதி மதுக்கடைகள்!

நம் அறிவை மயக்கிடும் அமிலம்!
அதை அரசே விற்கும் அவலம்!

நம் நற்குணத்தில் தீ மூட்டும் - அந்த
நஞ்சின் மேல் ஏன் நாட்டம்?
மாண்டவர் பலர் கதை கேட்டும் - இன்னும்
மதுக்கடையெங்கும் பெருங்கூட்டம்!

நம் சிந்தனைத் திறனை சிதைக்கும் - பின்
விகார எண்ணங்கள் விதைக்கும்!
நமை நரகத்தின் பாதையில் நடத்தும்! - பின்
சாக்கடையோரம் கிடத்தும்!

கல்லீரல் கழிவுகள் சுமக்கும்!
நரம்புகள் தன் பலம் இழக்கும்!
வலுவின்றி கால்கள் நடுங்கும்!
வறண்ட சாலையிலும் வழுக்கும்!

மதுவை மறத்தல் எளிது!
மதுவின்றி வாழ்தல் இனிது!
மனைவியின் கண்ணீர் முன்னே
மயக்கும் மதுவா பெரிது?

- நிலவை.பார்த்திபன்

by யினியவன் Tue Jul 23, 2013 12:54 pm

சூப்பருங்க பார்த்திபன்

(அப்படியே உங்க ஊரு மதுவுக்கும் ஒரு கவிதை போடுங்களேன் - பொது எதிரின்னு) புன்னகை

by **மதுமிதா** Tue Jul 23, 2013 12:55 pm

கவிதை அருமை அண்ணா

குடிப்பவர் அனைவரும் இதை யோசித்து பார்த்தால் நன்று

[mention]மதுவை மறத்தல் எளிது!
மதுவின்றி வாழ்தல் இனிது!
மனைவியின் கண்ணீர் முன்னே
மயக்கும் மதுவா பெரிது?[/mention] wrote:

by **மதுமிதா** Tue Jul 23, 2013 12:55 pm

யினியவன் wrote:சூப்பருங்க பார்த்திபன்

(அப்படியே உங்க ஊரு மதுவுக்கும் ஒரு கவிதை போடுங்களேன் - பொது எதிரின்னு)

by **krishnaamma** Tue Jul 23, 2013 1:01 pm

அடாடா.. நான் நம்ப மதுமிதவை ப்பற்றிய கவிதை என்றல்லவா நினைத்துவிட்டேன்............... பாவம் மது என்று வந்து பார்த்தேன் புன்னகை

நல்ல வேளை இது வேற புன்னகை

by **மதுமிதா** Tue Jul 23, 2013 1:03 pm

krishnaamma wrote:அடாடா.. நான் நம்ப மதுமிதவை ப்பற்றிய கவிதை என்றல்லவா நினைத்துவிட்டேன்............... பாவம் மது என்று வந்து பார்த்தேன் நல்ல வேளை இது வேற

அம்மா நானே அப்படி தான் நினைத்தேன் நமக்கும் ஏதும் பூவன் அண்ணாக்கு மாதிரி கலாய்ச்சு எழுதி இருக்காங்களோ அப்படினு நல்ல வேல