தினமும் 28 ரூபாய்க்கு சாப்பிடுபவர்கள் ஏழை இல்லை: திட்டக்கமிஷனின் புது உளறல்

DERAR BABU · DERAR BABU Wed Jul 24, 2013 4:03 pm

இந்தியாவில் வறுமை அளவு 37.2 சதவீதத்தில் இருந்து 21.9 சதவீதமாக குறைந்து விட்டதாக தகவல்கள் வெளியிடப்பட்டது. ஆனால் வறுமை குறையவில்லை, காங்கிரஸ் அரசு தவறான தகவல்களை வெளியிடுகிறது என்று பா.ஜனதா குற்றம் சாட்டியுள்ளது.

இந்த நிலையில் திட்டக் கமிஷன் இன்று ஒரு அறிக்கை வெளியிட்டுள்ளது. அதில், தினமும் 28 ரூபாய்க்கு சாப்பிடுபவர்கள் ஏழைகள் அல்ல என்று கூறப்பட்டுள்ளது. திட்டக்கமிஷனின் இந்த தகவல் கடும் சர்ச்சையை ஏற்படுத்தியுள்ளது.

கடந்த ஆண்டு இதே திட்டக்கமிஷன் வெளியிட்ட அறிக்கையில், ‘‘தினமும் ரூ. 32 செலவு செய்பவர்கள் ஏழைகள் அல்ல’’ என்று கூறி இருந்தது. அது சர்ச்சையை ஏற்படுத்தியதால் அது வாபஸ் பெறப்பட்டது.

இந்த நிலையில் திட்டக்கமிஷன் மீண்டும் தனது உளறலை வெளியிட்டு இருப்பதாக எதிர்க்கட்சிகள் குற்றம் சாட்டியுள்ளன.

மாலைமலர்