மாமரத்தில் கல்லெறிஞ்சா மாம்பழம் கிடைக்கும்..!

**Muthumohamed** · **Muthumohamed** Sat Mar 02, 2013 9:44 pm

அரசர் தன் பரிவாரங்களுடன் வீதியில் வந்து கொண்டிருந்தபோது
எங்கிருந்தோ வந்த ஒரு கல் அவர் தலையைத் தாக்கியது. மண்டை
உடைந்து ரத்தம் பெருக்கெடுத்தது. அரசர் உடனே அரண்மனைக்குப்
போய்விட்டார்.

அடுத்த சில மணி நேரங்களுக்குள் கல்லெறிந்தவனைக் காவலர்கள்
பிடித்துக் கொண்டுவந்து அரசன் முன் நிறுத்தினர். கல்லெறிந்தவன்
ஒரு சிறுவன்.

அவனுக்குக் கடும் தண்டனை காத்திருக்கிறது என்று எல்லாரும்
ஒருவித வருத்தத்தோடு இருந்தனர். “”பாவிப்பய… இப்பிடிச்
செய்யலாமா? ராசா மேல கல்லெறியலாமா? ராசா சும்மா விடுவாரா?”
என்று பேசிக் கொண்டனர்.

அரசர் மேல் வேண்டுமென்றே கல்லெறியவில்லை என்று சிறுவன்
சொன்னான்.

“”எனக்கு ரொம்பப் பசியா இருந்துச்சி. மாமரத்தில் மாம்பழம்
இருந்துச்சு. அது மேல கல்லெறிஞ்சேன். மாம்பழம் விழுந்துருச்சு.
ராசா மேல் கல் பட்டது எனக்குத் தெரியாது. ராசா மன்னிச்சுக்கங்க”
என்றான்.

அரசர் தனது தீர்ப்பைச் சொன்னார்:

“”இந்தச் சிறுவனுக்கு இனிமேல் நம் அரண்மனையில் மூன்று
வேளையும் உணவளிக்க வேண்டும்”

தீர்ப்பைக் கேட்டு எல்லாரும் வியப்புடனும், சந்தேகத்துடனும்
அரசரைப் பார்த்தனர்.

அரசர் சொன்னார்: “”பசியாக இருந்த சிறுவனுக்கு ஒரு மரம்
மாம்பழம் தந்து பசியாற்றியிருக்கும்போது, அரசனாகிய நான்
இது கூடச் செய்யாவிட்டால் எப்படி?”
-
=================================

>சி.ரகுபதி, போளூர்.
நன்றி: தினமணி கதிர்