ஆன்லைனில் 'porche' கார் வாங்கிய ஒரு வயது பாப்பா!

Aarthi Krishna · Aarthi Krishna Fri Jul 19, 2013 7:48 pm

ஆன்லைனில் 'porche' கார் வாங்கிய ஒரு வயது பாப்பா!

அப்பாவின் ஸ்மார்ட் போனில் ஆன்லைன் மூலம் கார் வாங்க ஆர்டர். 1962-ம் ஆண்டு மாடலான ஆஸ்டின்-ஹீலே ஸ்பிரிட் கார் தான் அது. வேறு வழி இல்லாமல் தற்போது அந்த காரை தன் குழந்தைக்கு பரிசாகவே தந்தை கொடுத்துவிட்டார்.

அமெரிக்காவில் ஓரிகான் மாகாணம் போர்ட்லேண்டை சேர்ந்தவர் பால் ஸ்டவுட். இவருடைய ஒரு வயது மகள் சோரில்லா.

பால் ஸ்டவுட்டின் ஸ்மார்ட் போனை வைத்து சோரில்லா விளையாடுவது வழக்கம். ஒருநாள் அப்படி விளையாடியபோது, தவறுதலாக பொத்தான்களை அழுத்தியதால் ஆன்லைன் மூலம் ஒரு கார் வாங்க ‘ஆர்டர்’ கொடுத்து விட்டாள்.

காரின் விலை 225 டாலர் (ரூ.13,500). அது, 1962-ம் ஆண்டு மாடலான ஆஸ்டின்-ஹீலே ஸ்பிரிட் கார் ஆகும். பின்னர், கார் வாங்கியதற்காக வாழ்த்து தெரிவித்து பால் ஸ்டவுட்டுக்கு தகவல் வந்தது.

முதலில் குழம்பிப்போன அவர், பிறகுதான் அது தன் மகள் செய்த வேலை என்று புரிந்து கொண்டார். அந்த காரை, தன் மகள் உயர்நிலைப்பள்ளிக்கு செல்லும்போது பரிசாக அளிக்கப்போவதாக அவர் கூறினார். மேலும், ஆன்லைனில் ஆர்டர் செய்யும் வசதியை, செல்போனில் இருந்து எடுத்து விட்டார்.

--webdunia