சனிதோஷம் போக்கும் அனுமன் வழிபாடு!

by **krishnaamma** Tue Jul 16, 2013 8:35 pm

சனியின் பிடியில் இருந்து எவரும் தப்ப முடியாது. சிவபெருமான் முதல் கொண்டு அனைத்து தெய்வங்களும் கூட சனியின் பிடியில் சிக்கியுள்ளனர். ஆனால் விநாயகரும், ஆஞ்சநேயரும் இதில் இருந்து தனித்து சனியின் பிடியில் சிக்காமல் தப்பியவர்கள் ஆவர்.

சனீஸ்வரன் பிடிக்க சென்ற போது ‘இன்று போய் நாளை வா‘ என்று கூறியே அவரது பிடியில் இருந்து தப்பியவர் விநாயகர். சனீஸ்வரன் ஆஞ்சநேயரை பிடிக்கும் நோக்கில் அவர் இருப்பிடம் நோக்கிச் சென்றார். அப்போது ராமரை எண்ணி துதித்து கொண்டிருந்தார் ஆஞ்சநேயர்.

இதனை மறைந்திருந்து பார்த்துக் கொண்டிருந்த சனீஸ்வரன்,பின் புறமாகச் சென்று ஆஞ்சநேயரை உச்சதலையில் போய் அமர்ந்து கொண்டார். ஆனால் ஆஞ்சநேயரோ ஒரு பெரிய மலையை தன் தலைமீது வைத்துக் கொண்டு நடக்கத் தொடங்கினார். மலையின் அடியில் சிக்கிக் கொண்ட சனீஸ்வரன் தன்னை விட்டு விடும்படி கதறினார்.

அப்போது ஆஞ்சநேயர் ‘என் பக்தர்கள் யாரையும் தொல்லைப்படுத்துவதில்லை என்று வாக்குறுதி தந்தால் விட்டுவிடுகிறேன்‘ என்று கூறியதை கேட்டு அதற்கு ஒப்புக்கொண்டார் சனீஸ்வரர். ஆகையால் ஆஞ்சநேயரை நெஞ்சுருக வழிபட்டால் சனிதோஷம் விலகும்.

நன்றி : மாலைமலர்

by **Muthumohamed** Wed Jul 17, 2013 4:42 am

சிறந்த பதிவு அம்மா நன்றி

by ரேவதி Sat Oct 19, 2013 5:27 pm

நன்றி அம்மா புன்னகை

by யினியவன் Sat Oct 19, 2013 5:29 pm

ஜலதோஷம் 7 நாட்கள்
சனிதோஷம் 7 1/2 ஆண்டுகள் சனிதோஷம் போக்கும் அனுமன் வழிபாடு! 3838410834

by **krishnaamma** Sat Oct 19, 2013 5:39 pm

யினியவன் wrote:ஜலதோஷம் 7 நாட்கள்
சனிதோஷம் 7 1/2 ஆண்டுகள்

இது என்ன புது கணக்கு இனியவன் ? சளிக்கு 3 நாள் என்று தானே சொல்வா?

by **ayyasamy ram** Sat Oct 19, 2013 7:49 pm

சனிபகவான் பொருமாளைப் பிடிக்கப் போனார்..
ஒரு சலுகையாக ஒன்றரை மணிநேரம் மட்டும்,
சொல்லும் நேரத்தில் வந்து பிடிக்கிறேன் என்றார்..
-
பெருமாளும் நேரங்குறித்து அவரிடம் தெரிவித்து
விட்டு, அந்த நேரத்தில் கரப்பான்பூச்சி வடிவத்தில்
சாக்கடைக்குள் புகுந்து கொண்டார்...
-
கொடுத்த கெடு நேரம் முடிந்ததும், சாக்கடைக்குள்ளிருந்து
வெளியே வந்த பெருமாள்,'சனீஸ்ரனே, உன்னால் என்னைப்
பிடிக்க முடியவில்லை அல்லவா?' என பெருமையாகக்
கேட்டார்...
-
சனீஸ்வரன் அடக்கமாக சொன்னார்...என்னுடைய
ஆதிக்கமான அந்த ஒன்றரை மணி நேரத்தில் நீங்கள்
எங்கே இருந்தீர்கள் என்று எண்ணிப் பார்த்தீர்களா...?
அது, என் பிடியில் இருந்து நீங்கள் தப்பமுடியவில்லை
என்பதை உணர்த்த வில்லையா? எனக் கேட்டார்...
-

by Sponsored content

சனிதோஷம் போக்கும் அனுமன் வழிபாடு!

சனிதோஷம் போக்கும் அனுமன் வழிபாடு!

Re: சனிதோஷம் போக்கும் அனுமன் வழிபாடு!

Re: சனிதோஷம் போக்கும் அனுமன் வழிபாடு!

Re: சனிதோஷம் போக்கும் அனுமன் வழிபாடு!

Re: சனிதோஷம் போக்கும் அனுமன் வழிபாடு!

Re: சனிதோஷம் போக்கும் அனுமன் வழிபாடு!

Re: சனிதோஷம் போக்கும் அனுமன் வழிபாடு!