சவுதியை நடுங்க வைக்கும் வைரஸ் நோய் ஆந்திராவில் பரவும் அபாயம்

**பார்த்திபன்** · 24/07/2011

சவுதியில் கரோனா என்ற வைரஸ் நோய் பரவி வருகிறது. இந்த நோய் தாக்கியவர்கள் கடுமையான காய்ச்சல், இருமல், மூச்சுத் திணறலால் பாதிக்கப்பட்டு உயிர் இழக்கிறார்கள்.

பன்றி காய்ச்சலை விட கொடுமையான இந்த நோய்க்கு சவுதியில் இதுவரை 40 பேர் பலியாகி உள்ளனர். பலர் பாதிக்கப்பட்டு உள்ளனர்.

இந்த நோய் ஆந்திராவில் பரவும் ஆபத்து ஏற்பட்டுள்ளது. சமீபத்தில் சவுதியில் வசித்து வந்த மகமத் சபீர் (36) என்ற வாலிபர் ஐதராபாத்தில் உள்ள தனது மாமியார் வீட்டுக்கு வந்திருந்தார். அங்கு அவர் கடுமையான காய்ச்சலால் பாதிக்கப்பட்டு உயிர் இழந்தார். பன்றி காய்ச்சலுக்கு அவர் பலியானதாக முதலில் கருதப்பட்டது.

ஆனால் அவரது உடலை பரிசோதனை செய்ததில் கரோனா வைரஸ் கிருமி தாக்கியிருந்தது கண்டுபிடிக்கப்பட்டது. இதையடுத்து ஐதராபாத் விமான நிலையம் உஷார் படுத்தப்பட்டு உள்ளது.

சவுதியில் இருந்து வரும் பயணிகளை முழுமையாக பரிசோதிக்கப்படுகிறார்கள். இதற்காக விமான நிலையத்தில் சிறப்பு மருத்துவமனை தொடங்கப்பட்டு உள்ளது.

கரோனா வைரஸ் காற்றில் கலந்தால் பலநாள் உயிரோடு இருக்கும் என்று கூறப்படுகிறது. பன்றி காய்ச்சலை விட கொடூரமாக தாக்கி மனித உயிரை பலிவாங்கும் என்று கூறப்படுகிறது.

எனவே கடுமையான காய்ச்சல், தொண்டை வலி ஏற்பட்டால் உடனடியாக மருத்துவ சிகிச்சையை மேற்கொள்ளும்படி பொது மக்களை டாக்டர்கள் கேட்டுக் கொண்டு உள்ளனர்.

செய்தி: மாலைமலர்