தாய்பால் அருந்திய குழந்தையை 90 முறை கத்திரியால் குத்திய தாய் :(

by **krishnaamma** Mon Jul 15, 2013 7:10 pm

சீனாவில் தாய் பால் கொடுக்கும் போது மார்பை கடித்த குழந்தையை தாய் ஒருவர் 90 முறை கத்திரியால் குத்திய சம்பவம் அதிர்ச்சியை ஏற்படுத்தியுள்ளது. பாதிக்கப்பட்டு மருத்துவமனையில் சிகிச்சை பெற்று வரும் குழந்தை தற்போது உயிரோடு இருப்பதே பெரிய அதிசயமாக உள்ளது என மருத்துவர்கள் தெரிவித்துள்ளனர்.

தாய்பால் குடிக்கும்போது, தனது குழந்தை மார்பகத்தை கடித்த கோபத்தில் தாய் ஒருவர் சுமார் 90 முறை அந்த குழந்தையை கத்திரியால் குத்தியுள்ளார்.

சீனாவின் ஜியாங்சு மாகாணத்தில் தனது சகோதரர்களுடன் வசித்து வந்த இப்பெண், குழந்தையை கத்திரியால் பலமுறை குத்திவிட்டு அந்த இடத்தை விட்டு வெளியேறினார். தற்செயலாக அங்கு வந்த பெண்ணின் சகோதரர் குழந்தை ரத்த வெள்ளத்தில் மயங்கி கிடந்ததை கண்டு திடுக்கிட்டார்.

உடனடியாக அக்குழந்தையை மருத்துவமனையில் அனுமதித்த அவரிடம் மருத்துவர்கள் குழந்தை உயிர்பிழைப்பது கடினம் என்றும், முகத்தில் மட்டும் 100 தையல்களுக்கு மேல் போடவேண்டிவரும் என்றும் தெரிவித்தனர்.

எனினும், சில மணி நேரங்கள் போராட்டத்திற்கு பின்னர், குழந்தையை மருத்துவர்கள் காப்பாற்றினர். இக்கொடூரத்தை செய்த அந்த பெண், மனநலம் பாதிக்கப்பட்டவரா என்னும் கோணத்தில் மேற்கொள்ளப்பட்ட விசாரணையில், அவர் மனநலம் பாதிக்கப்பட்டவர் அல்ல என்பது உறுதி செய்யப்பட்டுள்ளது.

நன்றி : வெப்துனியா