நேதாஜி எழுதிய வங்க மொழி கடிதம்

**மதுமிதா** · **மதுமிதா** Sun Jul 14, 2013 4:46 pm

நேதாஜி சுபாஷ் சந்திர போஸ் ஜெர்மனியிலிருந்து ஜப்பானுக்கு செல்லுமுன் பிப்ரவரி 1943 ல் தன் சகோதரர் சரத் சந்திரபோசுக்கு தன் கைப்பட வங்க மொழியிலிருந்து ஒரு கடிதம் எழுதி, அதை அவரது ஆஸ்திரிய மனைவி எமிலி ஷெங்கில்லிடம் கொடுத்தார்.

அக்கடிதத்தை, 1948-ல் வியன்னாவிற்கு சென்றிருந்த சரத் போஸ் விடம் கொடுத்தார் எமிலி.

நேதாஜி எழுதிய வங்க மொழி கடிதத்தின் தமிழ் மொழி பெயர்ப்பு....

நேதாஜி எழுதிய வங்க மொழி கடிதம் Rsl5

நேதாஜி எழுதிய வங்க மொழி கடிதம்

என் பேரன்பிற்குரிய அண்ணா அவர்களுக்கு,

இன்று நான் மறுபடியும் தாயகம் நோக்கி புறப்படுகிறேன். என் பிரயாணமோ பேராபத்து நிறைந்தது. இம்முறை தாயகம் வரவே கிளம்புகிறேன். ஒரு வேளை நான் அங்கு வந்து சேர இயலாமல் போனாலும் போகலாம். வழிப் பிராயணத்தில் நான் ஏதும் விபத்திர்க்கு உள்ளானல் என்னைப் பற்றிய குறிப்பு ஒன்றை எழுதி தங்களிடம் உரிய காலத்தில் சேர்ப்பிக்க சொல்லியுள்ளேன்.

நான் இங்கே கல்யாணம் செய்துக் கொண்டு குடும்பஸ்தனாகி விட்டேன். என் மனைவிக்கு ஒரு குழந்தையும் உள்ளது அண்ணா. தாங்கள் ந வாழ்நாள் முழுவதும் என்னிடம் காட்டின அன்பு எல்லையற்றது . அதே அன்பை, கருணையை என் மனைவி மக்கள் இருவரிடத்திலும்.... நான் இம் மண்ணுலகினின்று நீங்கிய பின்னரும், ஒரு போதும் காட்டத் தவறாதிருக்குமாறு கேட்டுக் கொள்கிறேன். என் மனைவியும் பெண்ணும், நான் உலகில் அரை குறையாய் விட்டு செல்லும் பணியை வெற்றியுடன் செய்து முடிப்பார்களாக! நான் ஆண்டவனிடம் செய்து கொள்ளும் இறுதி பிராத்தனை. விடை பெற்று கொள்கிறேன்

அண்ணா! தங்களுக்கும் அண்ணியார் அவர்களுக்கும், மகா பூஜிதையாகிய நம் அன்னையார் அவர்களுக்கும் நமது குடும்பத்தார் அனைவருக்கும் எளியேனின் மதிப்பிற்குரிய வணக்கம்

தங்கள் பேரன்பிற்குரிய சகோதரர்...

இந்தியா பிரதமர் ஜவஹர்லால் நேரு, நேதாஜி மனைவி, மகள் இருவரையும் இந்தியாவுக்கு வந்து தங்கி இருக்கும் படி அழைத்தார். திருமதி போஸ் யாரிடமும் பண உதவி பெறவில்லை.

சர்தார் பட்டேல் நேதாஜி மனைவிக்கு பண உதவி செய்து வந்தார் என்று உலாவிய செய்தி ஆதமற்றது.

நேதாஜி எழுதிய வங்க மொழி கடிதம் Tndj

நேதாஜி 1941 ல் எமிலியை மணந்து கொண்டார். ஒரு வருடம் மனைவியுடன் தங்கி இருந்தார். பெண் பிறந்து 27வது தினத்தில் ஜப்பானுக்கு புறப்பட்டார். 1935-ல் 'இந்தியா போராட்டம்' என்னும் நூலை நேதாஜி எழுதிய போது, சுபாஷின் காரியதரிசியாக பணியாற்றியவர் எமிலி. திருமதி எமிலி ஆஸ்திரியாவில் ஒரு மத்தியதர வகுப்பைச் சேர்ந்த பெண்.

-மலேசியாவில் 1970-ல் வெளியான ஒரு தமிழ் நாளிதழிலிருந்து

ராஜு சரவணன் · ராஜு சரவணன் Sun Jul 14, 2013 5:03 pm

நேதாஜி பற்றிய புதிய தகவல் புன்னகை

பகிர்வுக்கு நன்றி மது புன்னகை

இந்த பதிவைத் துவங்கியவர் நன்றி கூறியுள்ளார் ராஜு சரவணன்

**மதுமிதா** · **மதுமிதா** Sun Jul 14, 2013 5:05 pm

நன்றி அண்ணா

**Dr.S.Soundarapandian** · **Dr.S.Soundarapandian** Sun Jul 14, 2013 5:20 pm

மதுமிதா அவர்களின் சுபாஷ் செய்தி- சபாஷ் ! புல்லரிக்க வைத்தது ! நம் நெஞ்சில் நிறைந்த தலைவர் பற்றி முழுமையாக அறிவது சிறப்பானது ! தேவையானது ! சமுதாயத்திற்கு உதவுவது !

**மதுமிதா** · **மதுமிதா** Sun Jul 14, 2013 5:33 pm

Dr.S.Soundarapandian wrote:மதுமிதா அவர்களின் சுபாஷ் செய்தி- சபாஷ் ! புல்லரிக்க வைத்தது ! நம் நெஞ்சில் நிறைந்த தலைவர் பற்றி முழுமையாக அறிவது சிறப்பானது ! தேவையானது ! சமுதாயத்திற்கு உதவுவது !

ரொம்ப நன்றி அப்பா