சினம்

by **பார்த்திபன்** Mon Jul 15, 2013 2:58 pm

நமக்குள் உறங்கும்
நரகாசுரன்!

நம் நரம்புகளில்
நச்சேற்றும் நாகப்பாம்பு!

கல்லறைப் பயணத்திற்கான
கடவுச்சீட்டு!

மயானத்திற்கான மாற்றுப்பாதை!

மனங்களை ரணமாக்கும்
மடமை!

நம் மூளைக்குள்
முளைக்கும் முள்செடி!

நிம்மதியின் நிரந்தர எதிரி!

வன்முறையின் வரவேற்பறை!

பந்தங்களை அறுக்கும்
பயங்கர ஆயுதம்!

நம் பகுத்தறிவைப் பற்றியிழுக்கும்
பாழுங்கிணறு!

அநாகரீகத்தின் அடுத்த பரிணாமம்!

கோழைத்தனத்தின் கோரமுகம்!

பிரியமானவர்களையும்
பிரியவைக்கும் பிசாசு!

நம் புன்னகையைப்
புசித்து வளரும் புற்றுநோய்!

தவணை முறையிலான தற்கொலை!

நம் சிந்தனையைச் சிறைபிடிக்கும்
சிலந்திவலை!

சமாதானத்திற்கான சவக்குழி!

நம் திறமைகளைப் பொசுக்கும்
திராவகம்!

ஒட்டுமொத்த நோய்களின்
ஒரே பிரதிநிதி!

வளர்த்தவரையே வளைத்தெரிக்கும்
வன்ம நெருப்பு!

- நிலவை.பார்த்திபன்

by **ஜாஹீதாபானு** Mon Jul 15, 2013 3:01 pm

அருமை அருமை வி.பொ.பா

by ராஜு சரவணன் Mon Jul 15, 2013 3:04 pm

சூப்பர் பாஸ் கலக்குறீங்க புன்னகை

எனது விருப்பம் புன்னகை

by பூவன் Mon Jul 15, 2013 4:03 pm

மொத்ததில் இந்த சினம்
மொத்தமாக கொல்லும் ரணம் ....

கவிதை நன்று ....

by கவிஞர் கே இனியவன் Mon Jul 15, 2013 4:04 pm

ஆமாம் சினம் தான் அனைத்துக்கும் காரணம் ..

by **பார்த்திபன்** Tue Jul 16, 2013 10:47 am

பாராட்டிக் கருத்துப் பதிந்த பண்பாளர்கள் ராஜு சரவணன், ஜாஹீதாபானு, பூவன் மற்றும் கவிஞர் கே இனியவன் ஆகியோருக்கு நெஞ்சார்ந்த நன்றிகள்.

by யினியவன் Tue Jul 16, 2013 10:52 am

என்னது என்னுள் இருக்கும் சினத்தை அவமானப்படுத்தி சின்னாபின்னமாக்க ஒரு கவிதையா - இதைக் கண்டு எனக்கு இன்னும் சீனம் பொங்குகிறது....

எங்கே பார்த்திபன் எங்கே பொருள் ஆட்டோவா கிளப்புங்கப்பா பெங்களூருக்கு புன்னகை

சூப்பருங்க கவிதை

by manikandan.dp Tue Jul 16, 2013 10:57 am

கவிதை அருமை...... சூப்பருங்க

by பூவன் Tue Jul 16, 2013 11:00 am

யினியவன் wrote:என்னது என்னுள் இருக்கும் சினத்தை அவமானப்படுத்தி சின்னாபின்னமாக்க ஒரு கவிதையா - இதைக் கண்டு எனக்கு இன்னும் சீனம் பொங்குகிறது....

எங்கே பார்த்திபன் எங்கே பொருள் ஆட்டோவா கிளப்புங்கப்பா பெங்களூருக்கு

சூப்பருங்க கவிதை

பொருள் அப்படினா சமைக்கிற பாத்திரம் தானே